Արժույթի միջազգային հիմնադրամը դեմ է կորոնավիրուսի դեմ պայքարի նպատակով օգնել Վենեսուելային
Վենեսուելայում Կորոնավիրուսի բռնկման հետևանքով Արժույթի միջազգային հիմնադրամը, հետևելով ԱՄՆ-ին, հրաժարվել է վարկ տրամադրել Կարակասին:
Արժույթի միջազգային հիմնադրամը մերժել է Կորոնայի դեմ պայքարի համար Վենեսուելային տրամադրել 5 միլիարդ դոլար օգնություն:
ԱՄՀ-ն հայտարարել է որ որոշումը կայացվել է, քանբի որ միջազգային հանրությունը չի ընդունում Վենեսուելայի կառավարության օրինականությունը:
ԱՄՀ խոսնակը հայտարարել է. «Դժբախտաբար, դիմումը հնարավոր չէ ընդունել, քանի որ ԱՄՀ-ն համագործակցում է միայն այն երկրների հետ, որոնք ճանաչվել են միջազգային հանրության կողմից: Ներկա դրությամբ համաշխարհային հանրությունը թափանցիկ տեղեկատվություն չունի Վենեսուելայի կառավարության վերաբերյալ»:
Երեքշաբթի օրը Վենեսուելայի նախագահ Նիկոլաս Մադուրոն Արժույթի միջազգային հիմնադրամից խնդրել էր 5 միլիարդ դոլարով օգնել երկրին՝ կորոնավիրուսի դեմ պայքարի համար:
1999 թ.-ից ի վեր Վենեսուելայում ձախակողմյան կառավարությունը իշխանության գալուց հետո, ԱՄՀ-ի հետ այդ երկրի հարաբերությունները լարվել են: 2007-ին Վենեսուելայի նախկին նախագահ Հուգո Չավեսը ԱՄՀ-ին անվանեց «ԱՄՆ շահերը սպասարկող ինստիտուտ»:
Վենեսուելային չօգնելու մասին ԱՄՀ-ի հայտարարությունը տարօրինակ է:
Արժույթի միջազգային հիմնադրամի խոսնակը պնդում է, որ Վենեսուելայի կառավարությունը չի ճանաչվել միջազգային հանրության կողմից, սակայն այդ հայտարարությունը կեղծ է:
Վենեսուելայի ներկա կառավարությունը, Մադուրոյի գլխավորությամբ, ՄԱԿ-ի անդամ է և պաշտոնապես ճանաչվել է այդ միջազգային կառույցի կողմից:
ԱՄՀ խոսնակը պնդում է, որ արևմտյան մի շարք երկրներ, ներառյալ՝ ԱՄՆ-ը և նրա դաշնակիցները, ճանաչել են Վենեսուելայի ընդդիմության առաջնորդ Խուան Գուայդոյին, սակայն դա քննադատության է արժանացել աշխարհի շատ երկրների, ներառյալ՝ Ռուսաստանի, Չինաստանի, Իրանի և Թուրքիայի կողմից: ՄԱԿ-ում Վենեսուելայի կառավարության մանդատը չի հանձնվել Գուայդոյին, հետևաբար, Հիմնադրամն այս կեղծ պնդումի հիման վրա չի կարող ֆինանսական օգնություն չտրամադրել Վենեսուելային ՝ կորնավիրուսի դեմ պայքարելու համար:
Թվում է ԱՄՀ-ն և ԱՄՆ կառավարությունը, հետևելով Թրամփի վարչակազմի ցանկությանը այս որոշումը կայացրել են Վենեսուելայի ձախակողմյան կառավարության վրա ավելի մեծ ճնշում գործադրելու համար:
Թրամփի վարչակազմը կարծում է, որ հրաժարվելով օգնել Կարակասին, կարող է նթահող պատրաստել Մադուրոյի կառավարության տապալման համար: ԱՄՆ նախագահ Դոնալդ Թրամփի կառավարությունը փորձում է տապալել Վենեսուելայի նախագահ Նիկոլաս Մադուրոյի ձախակողմյան կառավարությունը և այդ նպատակով օգտագործում է բոլոր հնարավոր միջոցները, ներառյալ պատժամիջոցների կիրառումը, ճնշում գործադրելը և մարդասիրական օգնություններից հրաժարվելու միջոցները:
