Մեկնաբանություն. Միակողմանի պատժամիջոցները պետք է չեղարկվեն՝ կյանքեր փրկելու համար
ՄԱԿ-ում Իրանի մշտական ներկայացուցիչը հայտարարել է, որ միակողմանի պատժամիջոցները թուլացնում են կորոնավիրուսի դեմ պայքարող երկրների կարողությունները:
Հուլիսի 3-ին, կորոնավիրուսի պանդեմիայի հետևանքները քննարկելու նպատակով կայացած ՄԱԿ-ի ԱԽ նիստում, Մաջիդ Թախթռավանչին հայտարարել է, որ կորոնավիրուսն ամբողջ մարդկության ընդհանուր թշնամին է, և դրա դեմ պայքարի միակ ճանապարհը գլոբալ համագործակցությունն է և ցանկացած պատժամիջոց, վնասում է համաշխարհային պայքարին:
Երբ կորոնավիրուսը դուրս եկավ Չինաստանի Վուհան քաղաքի սահմաններից, ոչ ոք չէր կարծում, որ կարճ ժամանակահատվածում այն կհասնի աշխարհի գրեթե բոլոր երկրներ: Անկասկած, կորոնավիրուսն այսօր միջազգային հանրության առջև ծառացած ամենալուրջ մարտահրավերներից մեկն է, և այս ընդհանուր մտահոգության դեմ պայքարը հնարավոր է միայն համագործակցության և համերաշխության միջոցով:
Կորոնավիրուսը սահմաններ չի ճանաչում և թիրախավորել է ամբողջ մարդկությունը: Այս իրավիճակում, միակողմանի պատժամիջոցների նման խոչընդոտների առկայությունը, ոչ միայն խոչընդոտում է համաշխարհային ջանքերին, այլ դրանք սահմանող երկիրը նույնպես հայտնվում է պանդեմիայի խնդրի առաջ:
Թրամփի կառավարությունը, որ նախքան կորոնավիրուսի պանդեմիայն որոշ երկրների նկատմամբ կիրառում էր միակողմանի պատժամիջոցների ու առավելագույն ճնշման քաղաքականություն, այն շարունակում է նաև պանդեմիայի պայմաններում:
Միակողմանի պատժամիջոցները բացասաբար են անդրադարձել տնտեսական և բժշկական հնարավորությունները լիարժեք օգտագործելու երկրների հնարավորության վրա: Իրանը, որը մշտապես գտնվել է ԱՄՆ-ի միակողմանի ճնշման և պատժամիջոցների տակ և չի կարողացել օգտագործել կորոնավիրուսի դեմ պայքարելու համար առկա բոլոր ռեսուրսները, այսօր, առողջապահության ոլորտի մասնագետների շնորհիվ, կորոնավիրուսի դեմ պայքարի առաջատարներից է:
Հաշվի առնելով, որ կորոնավիրուսը դեռևս անհայտ վիրուս է և ամեն օր դրսևորում է նոր նշաններ, սեփական ուժերով դրա դեմ պայքարելուց բացի, պայքարի սեփական փորձն այլ երկրների հետ կիսելը, հնարավորություն է տալիս ավելի մեծ ուժով ու համախմբված պայքարել դրա դեմ:
Սակայն հավաքական պայքարի համար, անհրաժեշտ է, որպեսզի միակողամանի պատժամիջոցները չեղարկվեն, քանի որ ամեն օր հազարավոր մարդկանց կյանքեր խլող այս վիրուսի դեմ պայքարը դուրս է քաղաքական ենթատեքստից:
Ավելի վաղ, անդրադառնալով կորոնավիրուսի դեմ համաշխարհային պայքարում ԱՀԿ-ի շուրջ կենտրոնանալու կարևորությանը, ԻԻՀ ԱԳՆ խոսնակ Աբբաս Մուսավին ասել էր. «Առողջապահության համաշխարհային կազմակերպությունը կարևոր դեր է խաղում կորոնավիրուսի դեմ պայքարում, չնայած միակողմանիության վիրուսը վարակում է հավաքական գործողություններին»:
Բացի կորոնավիրուսի դեմ համաշխարհային պայքարին խոչընդոտելուց, միակողմանի պատժամիջոցները թիրախավորում են հատկապես այն անձնաց, ովքեր ունեն ուղեկցող հիվանդություններ և դա վկայում է այն մասին, թե որքան անմարդկային են այդ պատժամիջոցները:
Կյանքի իրավունքի ոտնահարումը միակողմանի պատժամիջոցների միջոցով, մարդու իրավունքի ակնհայտ խախտում է:
