Մեկնաբանություն. Նեթանյահուն հայտնվել է վատ վիճակում
Սիոնիստական ռեժիմի վարչապետ Բենիամին Նեթանյահուի դեմ բողոքի ցույցերի 25-րդ շաբաթը սկսվել է այն պայմաններում, երբ վերջինիս գլխավորած Լիքուդ կուսակցությունը պառակտվել է:
Բռնագրավված տարածքներում Բենիամին Նեթանյահուն խիստ ծանր վիճակում է հայտնվել: 25 շաբաթ է անցնում Նեթանյահուի դեմ ժողովրդական ցույցերից: Ցուցարարները բողոքում են իրենց տնտեսական վիճակի դեմ, որն ավելի է ծանրացել կորոնավիրուսի պանդեմիայի պատճառով: Ցուցարարները համոզված են, որ իշխող կառույցում տիրող կոռուպցիան և իշխանության ղեկին մնալու Նեթանյահուի ցանկությունը պատճառ են դարձել, որպեսզի կառավարությունն ուշադրություն չդարձնի ժողովրդի տնտեսական վիճակին:
Եվ չնայած կորոնավիրուսի համաճարակին, բռնագրավված տարածքների բնակիչներն արդեն 25 շաբաթ ցույց անցկացնելով, պահանջում են Նեթանյահուի հրաժարականը:
Սիոնիստական ռեժիմի կառավարության մեջ նույնպես առկա են տարաձայնություններ: 2020թ. ապրիլից, երբ Նեթանյահուն և Բենի Գանցը համաձայնության եկան կոալիցիոն կառավարություն կազմելու և փոխվող վարչապետ նշանակելու կապակցությամբ, անվստահությունը դարձավ այդ կառավարության գլխավոր ցուցանիշը, քանի որ Կապույտ-Սպիտակ կուսակցության նախագահ՝ Բենի Գանցը կասկածում էր 18 ամիս անց Նեթանյահուն կհանձնի վարչապետի պաշտոնը: Այդ կասկածը սրվեց բյուջեի օրինագծի մասին տարաձայնությունից հետո, որովհետև Նեթանյահուն պնդում էր մեկամյա , իսկ Գանցը պնդում էր երկամյա բյուջե հաստատել:
Գանցն այն համոզման է, որ մեկամյա բյուջեի վավերացմամբ Նեթանյահուն մտադիր է մինչև իր 18-ամսյա վարչապետության շրջանի ավարտը լուծարել կառավարությունը և խորհրդարանական վաղաժամ ընտրություններ անցկացնել:
Հետևաբար Գանցն առաջ է անցել և ինքն է վաղաժամ ընտրություններ անցկացնելու հարցը խորհրդարանում առաջ քաշել: Գանցի առաջարկն ընդունվել է խորհրդարանում: Ուստի հավանական է, որ առաջիկա ութ ամիսների ընթացքում բռնագրավված տարածքներում խորհրդարանական ընտրություններ անցկացվեն: Այդ պատճառով նույնպես մեծացել է Նեթանյահուի վրա քաղաքական ճնշումը, այնպես որ նա հարկադրվեց չեղարկել իր այցը ԱՄԷ: Այց, որը շատ կարևոր էր Նեթանյահուի քաղաքական ցուցադրությունների տեսանկյունից:
Բենիամին Նեթանյահուն նաև միջկուսակցական խնդիրներ է դիմագրավում: Ավելի վաղ, 2019թ. դեկտեմբերին, քննադատություններ էին ուղղված կուսակցության ներսում Նեթանյահուի քայլերի դեմ, սակայն նա հաջողեց Լիքուդ կուսակցության ընտրություններում հաղթել մրցակից Գիդեոն Սաարին: Այնուհետև Գիդեոն Սաարն ու իր դաշնակիցներն առանձնացան Լիքուդ կուսակցությունից և հայտարարեցին, որ իրենք վստահության քվե չեն տալիս Նեթանյահուին: Իսկ եթե Լիքուդ կուսակցությունը մեծամասնություն կազմի խորհրդարանական ընտրություններում, իրենք կմիանան ընդդիմությանը և վարչապետի պաշտոնն ստանձնելու համար չեն քվեարկիւ Նեթանյահուի օգտին:
Հաշվի առնելով այս իրավիճակը, պարզ է, որ խորհրդարանական վաղաժամ ընտրությունների անցկացումը չի բխում Նեթանյահուի շահերից, որովհետև անգամ եթե Լիքուդը հաղթի ընտրություններում, Նեթանյահուն պետք է մրցակցի Ավիգդոր Լիբերմանի, Բենի Գանցի և Գիդեոն Սաարի հետ: Կարելի է ասել, որ Նեթանյահուի երեկվա դաշնակիցները և այսօրվա մրցակիցները վճռակամ են նրան վարչապետի պաշտոնից հեռացնելու հարցում:
