Մամուլի տեսություն 20.02.2021
ԱՄՆ-ում ցրտից մահացել է 40 մարդ: Միլիոնավոր ուրիշներ զրկված են ջրից ու էլէկտրաէներգիայից:
Քեյհան օրաթերթ
2021թ. Իրանն ավելի առաջադեմ է քան 5 տարի առաջ
Վաշինգտոնում Սիոնիստական ռեժիմի նախկին դեսպան և ներկայումս Լիքուդ կուսակցության միջազգային բաժնի տնօրեն Դենի Դանոնը Նյուզվիք գործակալությանը տված հարցազրույցում շեշտելով որ այսօր իրավիճակը շատ տարբեր է քան հինգ տարի առաջ, խոստովանել է.«2021 թվականի Իրանը 2016 թվականի Իրանը չէ: Ցավոք այսօր նրանք ավելի առաջադեմ պայմաններում են գտնվում:
Ավելի վաղ, Սաուդյան Արաբիայում ԱՄՆ-ի նախկին դեսպան Չարլզ Ֆրիմանը ասել էր.«Իրանն այժմ գերազանցում է Իսրայելին: Մյուս կողմից, Պարսից ծոցում ԱՄՆ-ի ծովուժի ավանդական դերակատարության նկատմամբ վստահությունը հարցականի տակ է դրվել»:
Խորասան օրաթերթ
Լրատվական խաղ ՀԳՀԾ-ի շրջանակում, այս անգամ Բայդենի ոճով
Լրացուցիչ արձանագրության կամավոր դադարեցման հարցում Իրանի ներկայացրած ժամկետի ավարտի մոտենալուն զուգահեռ, Բայդենի կառավարությունը որոշ խորհրդանշական քայլերով իր բարյացակամությունը ցուցադրելու նպատակով, հայտարարել է, որ հրաժարվել է ՄԱԿ-ի հակաիրանական պատժամիջոցները վերականգնելու հարցով նախապես վետոյի ենթարկված իր պահանջից և չեղարկել է Նյու Յորքում ՄԱԿ-ի կենտրոնատեղիից 25 մղոն հեռավորությամբ իրանցի դիվանագետների երթևեկության սահմանափակությունը: ԱՄՆ-ի կառավարությունը նաև հայտարարել է, որ ընդունում է ՀԳՀԾ-ի համատեղ հանձնաժողովի նիստին մասնակցելու համար Եվրոպայի հրավերը: Այս քայլերը շրջադարձային իրադարձություններ չեն համարվում, քանի որ ամիսներ առաջ, ՄԱԿ-ի մշտական ու ոչ մշտական 13 անդամներ, դեմ արտահայտվեցին «Ջգանի մեխանիզմ»-ն ակտիվացնելու և ՄԱԿ-ի հակաիրանական պատժամիջոցները վերականգնելու նախկին պետքարտուղար Պոմպեոյի առաջարկին:
Էբթեքար օրաթերթ
«Քովո Իրան Բարեքաթ» պատվաստանյութի կլինիկական փորձարկումների առաջին փուլն ավաևրտվել է
Թերհանի պետական բժշկագիտական համալսարանի փորձաքննական կենտրոնի տնօրենի հայտարարությամբ իրանական պատվաստանյութի կլինիկական փորձարկաման առաջին փուլին մասնակցել է 56 հոգի: Նա հայտարարել է.«Փորձարկման մասնակիցները երկու փուլով ստացել են կորոնավիրուսի պատվաստանյութը: Այլ խոսքով, «Քովո Իրան Բարեքաթ» պատվաստանյութի կլինիկական փորձարկումների առաջին փուլն ավաևրտվել է »:
ԻՌՆԱ-ի հաղորդմամբ, Համեդ Հոսեյնին ասել է, որ 14 օրերի տարբերությամբ, կամավորները երկու փուլով ստացել են կորոնավիրուսի պատվաստանյունը: Հոսեյնին հավելել է.«Բոլոր կամավորները, 2020թ դեկտեմբերի 29-ից մինչև երեկ, Իմամ Խոմեյնիի հրամանների գործադրման շտաբում երկու փուլով ստացել են իրանցի հետազոտողների պատրաստած պատվաստանյութը»:
Քեյհան օրաթերթ
Ցուրտը ԱՄՆ-ում խլել է 40 հոգու կնաք. Միլիոնավոր մարդիկ զրկված են ջրից ու էլեկտրաէներգիայից
Անցած մեկ շաբաթվա ընթացքում, ԱՄՆ-ի կենտրոնական ու հարավային շրջանների միլիոնավոր բնակիչներ հայտնվել են ձյան ու սառնամանիքի մեջ: ԱՄՆ-ի կառավարությունը մինչ այժմ չի կարողացել ազդեցիկ քայլեր կատարել ճգնաժամային վիճակը մեղմելու համար: Հաղորդումների համաձայն, խիստ սառնամանքիների հետևանքով, մինչ այժմ մահացել է 40 մարդ:
armenpress.am
Երևանում անհնազանդության ակցիաներ են, կան փակ փողոցներ
«Հայրենիքի փրկության շարժում» նախաձեռնության հրավիրած հանրահավաքի մասնակիցվները Երևանի Փոքր կենտրոնում փողոցներ են փակել:
Ինչպես հաղորդում է «Արմենպրես»-ը, հանրահավաքի ավարտից հետո հայտարարվեց 4 ուղղություններով՝ Մաշտոցի պողոտա- Ամիրյան, Սայաթ Նովա- Աբովյան, Բաղրամյան, Մոսկովյան փողոցներով երթ անցկացնելու մասին:
Մայրաքաղաքի այն հատվածներում, որտեղ երթ են անցկացնում հանրահավաքի մասնակիցները, կան փակ փողոցներ:
Անհնազանդության ակցիաները շարունակվում են:
«Հայրենիքի փրկության շարժման» համակարգող, ՀՅԴ ԳՄ ներկայացուցիչ Իշխան Սաղաթելյանը հայտնեց, որ փետրվարի 22-ից սկսած Երևանում ամեն օր անհնազանդության ակցիաներ են ակցկացնելու՝ վարչապետ Նիկոլ Փաշինյանի հրաժարականի պահանջով:
armenpress.am
Երևանում բացվել է Շուշիի գորգերի թանգարանից տարհանված նմուշների ցուցադրությունը
Երևանում՝ Ալ. Թամանյանի անվան ճարտարապետության ազգային թանգարան-ինստիտուտում, փետրվարի 20-ին բացվել է Շուշիի գորգերի թանգարանից պատերազմի ընթացքում տարհանված նմուշների ցուցադրությունը:
«Արմենպրես»-ի հաղորդմամբ՝ գորգերը Շուշիի թանգարանի հիմնադիր Վարդան Ասծատրյանի անձնական հավաքածուից են և Շուշիից տարհանվել են 2020 թվականի նոյեմբերի 1-ին։
«Պատերազմի ժամանակ՝ հոկտեմբերի վերջին Շուշիի գորգերի թանգարանի մոտակայքում մեծ հրթիռ էր պայթել և վնասել շինությունը, ջարդվել էին դռներն ու պատուհանները: Ես ստիպված էի տարհանել գորգերը, որովհետև այլընտրանք չկար: Ժամանակին գիտակցեցի, որ կարող ենք կորցնել պատմամշակութային արժեք ներկայացնող այս գորգերը: Զանգահարեցի Արցախի կրթության, գիտության ու մշակույթի նախարարին, ավտոմեքենա տրամադրեցին և տարհանեցինք ցուցադրության ներկայացված նմուշները: Մոտ 100-120 գորգ, որոնք պահպանվում էին Շուշիի թանգարանային ֆոնդում մնացին այնտեղ»,-պատմեց Ասծատրյանը:
Նրա հաղորդմամբ՝ Շուշիից հաջողվել է դուրս բերել շուրջ 160 գորգերի ցուցանմուշներ: Շուշիի գորգերի երևանյան ցուցադրությանը ներկայացված ամենահին նմուշը 350 տարեկան է՝ Ասկերանի շրջանի Շոշ գյուղից։
«Գորգերի այս հավաքածուն, որի ցուցանմուշները թվագրվում են 17-ից 20-րդ դարասկզբով, գնել եմ այն ընտանիքներից, որտեղ գործվել են: Ուստի հայտնի են նաև դրանց պատմությունը, տեղավայրերն ու տարեթվերը:
Շուշիի գորգերի թանգարանի երևանյան ցուցադրությունը տևելու է առնվազն 3 ամիս: Վարդան Ասծատրյանի խոսքով առայժմ անորոշ է, թե հետագայում, որտեղ են պահպանվելու գորգերը: Առայժմ՝ ըստ Ալ.Թամանյանի անվան ճարտարապետության ազգային թանգարան-ինստիտուտի տնօրեն Մարկ Գրիգորյանի՝ Շուշիից տարհանված գորգերը պահպանվելու են Հայաստանի պատմության թանգարանում և ժամանակավորապես նաև՝ ճարտարապետության ազգային թանգարան-ինստիտուտի ցուցասրահում:
Ցուցադրությանը ներկայացված է 71 գորգ, որոնց գերակշիռ մեծամասնությունը արցախյան բնակավայրերից են: Կան նաև հին գորգեր Հայաստանի բնակավայրերից
Իր խոսքում ցուցադրության համադրող Նարեկ Վան Աշուղաթոյանը նշեց, որ Երևանում Շուշիից դուրս բերված գորգերի ցուցադրությանն անվերապահ ընդառաջել է Ալ.Թամանյանի անվան ճարտարապետության ազգային թանգարան-ինստիտուտի տնօրեն Մարկ Գրիգորյանը:
«Գորգերի ցուցադրությունը հնարավորություն է ընձեռելու վերադառնալ մեր ակունքներին, ճանաչելու, հասկանալու և վերարժևորելու ինքներս մեզ »,-ասաց Նարեկ Վան Աշուղաթոյանը:
Շուշիի գորգերի երևանյան ցուցադրության բացմանը ներկա էին նաև Արցախի կրթության, գիտության, մշակույթի և սպորտի նախարար Լուսինե Ղարախանյանը, մշակութային կրթօջախների, թանգարանների ներկայացուցիչներ և արվեստագետներ:
armenpress.am
Հայ-ադրբեջանական սահմանի ամբողջ երկայնքով չեն արձանագրվել սահմանային միջադեպեր
Փետրվարի 19-ին և 20-ին ՀՀ պետական սահմանի հայ-ադրբեջանական շփման գծի ամբողջ երկայնքով սահմանային միջադեպեր չեն արձանագրվել, օպերատիվ մարտավարական իրավիճակը փոփոխության չի ենթարկվել: «Արմենպրես»-ին այս մասին հայտնեցին ՀՀ պաշտպանության նախարարության տեղեկատվության և հասարակայնության հետ կապերի վարչությունից:
«ՀՀ ԱԱԾ-ից ստացված տեղեկատվության համաձայն՝ ԱԱԾ սահմանապահ զորքերի պատասխանատվության տակ գտնվող Գորիս-Կապան միջպետական ավտոճանապարհի Որոտան-Դավիթ Բեկ հատվածում ևս սահմանային միջադեպեր չեն արձանագրվել:
ՀՀ զինված ուժերի և ԱԱԾ սահմանապահ զորքերի ստորաբաժանումները վերահսկում են սահմանային իրավիճակը սահմանագոտու ամբողջ երկայնքով և կատարում առաջադրված խնդիրները»,- ասված է հաղորդագրության մեջ:
