Մեկնաբանություն- Փաշինյանի և գեներալների վեճը. Ո՞վ է լինելու հաղթողը
Երևանում նոր լարվածությունն առաջացավ ՀՀ ԶՈՒ-ի գլխավոր շտաբի պետի առաջին տեղակալ՝ գեներալ-լեյտենանտ Տիրան Խաչատրյանին պաշտոնից ազատելուց հետո, որի պատճառով սուր քննադատություններ ուղղվեցին վարչապետ Նիկոլ Փաշինյանի դեմ: Տիրան Խաչատրյանն հարցազրույց էր տվել չկրակած Իսկանդերի մասին Նիկոլ Փաշինյանի հայտարարության վերաբերյալ:
Իսկանդերի մասին Փաշինյանի հայտարարությունը մեծ աղմուկ բարձրացրեց Հայաստանը: ՀՀ վարչապետն ասել էր, որ ռուսական օպերատիվ-մարտավարական համալիրների հրթիռներն իբրև թե 10 տոկոսով են աշխատել։ Սակայն որոշ փորձագետներ հայտնել են, թե վարչապետի խոսքն ուղղված է եղել գեներալներին, որ չեն կարողացել Ղարաբաղի պատերազմում այդ հրթիռներն օգտագործել թշնամու դեմ:
ՌԴ պաշտպանության նախարարը հայտարարեց, որ ղարաբաղյան պատերազմում չեն կիրառվել Իսկանդերներ:
Հայաստանի Հանրապետության զինված ուժերի գլխավոր շտաբը փետրվարի 25-ին, հայտարարություն է տարածել վճռական բողոք արտահայտելով Տիրան Խաչատրյանին գլխավոր շտաբի պետի առաջին տեղակալի պաշտոնից ազատելու առնչությամբ և վարչապետի հրաժարականն է պահանջել:
ՀՀ բանակի ԶՈՒ գլխավոր շտաբի հայտարարությունը մեծ աղմուկ բարձրացրեց, քանի որ այն ստորագրվել էր ուղղակիորեն ԶՈՒ գլխավոր շտաբի պետ՝ Օնիկ Գասպարյանի կողմից:
Վարչապետ Նիկոլ Փաշինյանը ԳՇ պետին պաշտոնանկ անելու միջնորդությունը շատ արագ ուղարկում է Հանրապետության նախագահին՝ ակնկալելով, որ այն սահմանված կարգով կստորագրվի, սակայն նախագահ Արմեն Սարգսյանը հրաժարվում է ստորագրել այդ դիմումը:
ՀՀ նախկին պաշտոնատարների կողմնակիցներից շատերը բանակում են: Բանակի բարձրաստիճան հրամանատարությունը ձևավորվել է Ռոբերթ Քոչարյանի և Սերժ Սարգսյանի նախագահության օրոք: Հետևաբար Ռոբերթ Քոչարյանի քաղաքական դաշտ վերադարձը կարող է քաղաքական գործընթացներում ռազմական պաշտոնատարների ներգրավման նշան համարել: Փաշինյանը նույնպես Երևանում իր համակիրների հետ հանդիպման ժամանակ անուղղակի անդրադարձավ այդ թեմային:
Հայաստանի ընդդիմությունը, բանակը և հայրենասեր ժողովուրդն ամեն կերպ փորձում են տապալել Նիկոլ Փաշինյանի կառավարությունը, ում նկատմամբ ատելությունը սրվեց ղարաբաղյան համաձայնության ստորագրումից հետո:
Շաբաթ օրը նույնպես Երևանում շարունակվել է Փաշինյանի հրաժարականը պահանջող ժողովրդի երթը: Ընդդիմությունը հայտարարել է, որ այս ցույցերը շարունակվելու են մինչև Փաշինյանի հրաժարականը: Ցուցարարները փակել են Բաղրամյան փողոցը, որտեղ գտնվում է Ազգային ժողովն ու վարչապետի նստավայրը և վրաններ են տեղադրել Ազգային ժողովի շենքի դիմաց:
Հղում կատարելով Գեղամ Մանուկյանին, News.am կայքը հաղորդել է, որ բանակի բոլոր հրամանատարներն ու անձնակազմը միացել են Գլխավոր շտաբի հայտարարությանը և պահանջում են վարչապետի հրաժարականը:
Նիկոլ Փաշինյանը ընդդիմությունից պահանջել է վերջ դնել բողոքի ցույցերին և բանակցություն սկսել, սակայն ընդդիմությունը հայտարարել է, որ միայն վարչապետի հրաժարականի շուրջ է բանակցելու: