Մեկնաբանություն. Վենեսուելա-Ռուսաստան հարաբերությունների ընդլայնումը պատասխան քայլ է ԱՄՆ թշնամական գործողություններին
Վենեսուելան և Ռուսաստանը ղեկավարների մակարդակով կազմելով Մոսկվա-Կարակաս միջպետական հանձնաժողով և տեխնիկական հինգ ենթահանձանժողով, նոր քայլ են կատարել երկկողմ հարաբերությունների ամրապնդման ուղղությամբ:
Հայտարարելով ֆինանսների, էներգետիկայի, ռազմական, սննդի և առողջապահության բնագավառներում Ռուսաստանի հետ տասը տարվա համատեղ համագործակցության համաձայնագրերի ստորագրման մասին Վենեսուելայի նախագահ Նիկոլաս Մադուրոն դա համարել է աշխարհի բազմաբևեռացմանն ուղղված պատմական իրադարձություն Մոսկվայի և Կարակասի ռազմավարական հարաբերությունների նոր դարաշրջանում:
Վենեսուելայի նախագահը ղեկավարների մակարդակով Մոսկվա-Կարակաս միջպետական հանձնաժողովի նիստի ավարտին ասել է.«Այս հանդիպումը հանձնաժողովի լավագույն նիստերից մեկն էր` համատեղ համագործակցության ծրագիրը մինչև 2031 թվականն առաջ տանելու համար»:
Ռուսաստանը, որպես Վենեսուելայի կարևոր հովանավորներից մեկը, մշտապես տնտեսական ու ռազմական օգնություն է տրամադրել այդ երկրին, ինչը կրկնապատկվեց, երբ ԱՄՆ-ն ավելի խստացրեց Վենեսուելայի դեմ միակողմանի պատժամիջոցները և մեծ խնդիրներ առաջացրեց այդ երկրի համար:
Որպես ԱՄՆ-ի մրցակից միջազգային գերտերություն, Ռուսաստանը բազմիցս իր հստակ անհամաձայնությունն է հայտնել ԱՄՆ-ի հակավենեսուելական քայլերինև կարևորել այդ երկրի կառավարությանն ու օրինական նախագահին աջակցելը: Մինչդեռ Վաշինգտոնը կրկնապատկել է իր քայլերը Վենեսուելայի ձախամետ կառավարությունը և Նիկոլաս Մադուրոյին տապալելու համար:
Միակողմանի միջոցառումների բացասական ազդեցության հարցով ՄԱԿ-ի հատուկ զեկուցող Ալենա Դուհանը դատապարտելով Վենեսուելայի դեմ ԱՄՆ-ի միակողմանի պատժամիջոցներն ասում է.«Միակողմանի միջոցառումներն օրինական են միայն այն դեպքում, եթե ունենան ՄԱԿ-ի Անվտանգության խորհրդի թույլտվություն և ընդունվեն որպես փոխադարձ գործողություն, չխախտեն երկրների պարտականությունները և մարդու հիմնական իրավունքները»:
Ի դեպ Վենեսուելան և Ռուսաստանը բազմիցս իրենց անհամաձայնությունն են հայտնել ԱՄՆ-ի միակողմանի քայլերի և վարած քաղաքականության վերաբերյալ և պահանջում են բազմակողմանիությունը դարձնել միջազգային համակարգի մոդել:
Չնայած Վաշինգտոնի մոտեցումը դեռ հիմնված է Վենեսուելայի անկախ և ինքնիշխան պետությունը տապալելու փորձի վրա և շարունակում է աջակցել ընդդիմության առաջնորդ ՝ Խուան Գուայդոյին, բայց Մոսկվան վարում է Մադուրոյին սատարելու և Վենեսուելայի ձախակողմյան կառավարության հետ հարաբերություններն ընդլայնելու քաղաքականություն:
ԱՄՆ նախագահ Ջո Բայդենը, ով պնդում է, որ ինքը ձգտում է ընդդիմությանը բացահայտ աջակցելու և Գուայդոյին սատարելու փոխարեն բանակցել և հարաբերություններ հաստատել Մադուրոյի կառավարության հետ , բայց կրկին պաշտոնապես ճանաչելով Գուայդոյին՝ որպես Վենեսուելայի ընդդիմության առաջնորդ շարժվում է Թրամփի վարչակազմի նույն ձախողված ճանապարհով: Միևնույն ժամանակ, Ռուսաստանը բազմիցս Միացյալ Նահանգներին նախազգուշացրել է Վենեսուելայի նկատմամբ իր ներկայիս քաղաքականությունը շարունակելու կապակցությամբ և նրան կոչ է արել զերծ մնալ Վենեսուելայի ձախակողման կառավարությունը և նախագահ Նիկոլաս Մադուրոյին տապալելու ցանկացած քայլից:
