Մեկնաբանություն. Ինչո՞ւ է Նեթանյահույինն զայրացրել Մարդու իրավունքների խորհրդի բանաձևը
ՄԱԿ-ի Մարդու իրավունքների խորհուրդը հինգշաբթի երեկոյան ընդունեց Գազայի հատվածում 12-օրյա ագրեսիայում Սիոնիստական ռեժիմի հանցագործությունների վերաբերյալ միջազգային հետաքննություն սկսելու մասին նախագծին:
ՄԱԿ-ի Մարդու իրավունքների գերագույն կոմիսար Միշել Բաչելետը Գազայի հատվածում Իսրայելի իրականացրած գործողությունների վերաբերյալ զեկույցում հայտարարել է, որ չկա որևէ ապացույց, որ դիմադրության խմբերը Գազայում թիրախավորել են քաղաքացիական օբյեկտներ:
Սիոնիստական ռեժիմը կոշտ արձագանքեց Մարդու իրավունքների խորհրդի որոշմանը և ռեժիմի ԱԳ նախարարությունը հստակ մերժեց բանաձևն ու հայտարարեց, որ չի համագործակցելու խորհրդի և այլ միջազգային կազմակերպությունների հետ: Վարչապետ Բենիամին Նեթանյահուն նույնպես, ուրբաթ օրը Մարդու իրավունքներ Խորհրդի այս քայլը որակեց որպես «ամոթալի» և նշեց, որ Գազայի հատվածի վրա հարձակումները և պաղեստինցի երեխաների ու կանանց սպանություններն արդարացում ունեն:
Մարդու իրավունքների խորհրդի բանաձևի ընդունման կապակցությամբ Սիոնսիտական ռեժիմի զայրույթն ունի մի քանի պատճառ:
Նախ, Մարդու իրավունքների խորհուրդը ՄԱԿ-ին առընթեր ՄԱԿ-ի մարմին է, և Սիոնիստական ռեժիմի կողմից Գազայի հատվածում իրականացված գործողություրնների կապակցությամբ այս արձագանքը նվազագույն քայլն էր, որ կառույցը կարող էր անել, քանի որ Գազայի հատվածի վրա Սիոնիստական ռեժիմի վերջին հարձակումների արդյունքում նահատակվել է ավելի քան 254 մարդ, այդ թվում ՝ 66 երեխա, 39 կին և 17 տարեցներ: Հետևաբար, Մարդու իրավունքների խորհրդի այս գործողությունը ճանապարհ է բացում այլ միջազգային կառույցների, այդ թվում ՝ Միջազգային քրեական դատարանի կողմից նմանատիպ քայլեր ձեռնարկելու համար, և, իհարկե, իսլամական երկրները նույնպես պետք է այս առումով ավելի ակտիվ լինեն:
Երկրորդ՝ Մարդու իրավունքների խորհրդի որոշումը հաստատում է Գազայի պատերազմում Սիոնիստական ռեժիմի պարտությունը և Դիմադրության խմբերի դեմ ռեժիմի հուսահատությունն ու արդյունքում, կանանց և երեխաների սպանության գործողությունը: Այսպիսով, այս բանաձևը փաստորեն հերքում է ռեժիմի պնդումները՝ Դիմադրության խմբերի նկատմամբ տարած հաղթանակի և Գազայի հատվածում Դիմադրության խմբերին պատկանող ռազմական թիրախները խոցելու մասին: Այդ է պատճառը, որ Սիոնիստական ռեժիմը մեծ զայրույթով է արձագանքում այս կապակցությամբ ցանկացած գործողության: Նման արձագանք ունեցավ նաև Ֆրանսիայի արտգործնախարարի հայտարարությունը, որից հետո Թել Ավիվում Ֆրանսիայի դեսպանը կանչվեց ԱԳՆ:
Ի վերջո, այս զայրույթը վկայում է Սիոնիստական ռեժիմի հանցավոր վարչապետի մոլորությունների մասին: Նեթանյահուն այժմ ապրում է շատ զգայուն և կրիտիկական ժամանակաշրջան: Մի կողմից, նա ներգրավված է կոռուպցիայի և կաշառակերության գործերի մեջ, իսկ մյուս կողմից, այս պարտության հետևանքները անկասկած կանդրադառնան նրա վրա, և նա կարժանանա նախկին վարչապետ Էհուդ Օլմերտի ճակատագրին: Այս կապակցությամբ, այժմ սիոնսիտական լրատվամիջոցները և որոշ քաղաքական գործիչներ հստակ հայտարարում են, որ այս պատերազմը խայտառակ պարտություն էր Իսրայելի համար: