Մամուլի տեսություն 05-07-2021

Փարիսա Ջահանֆեքրյանն Իրանի ծանրամարտի առաջին կին օլիմպիականը, պատրաստվում է մասնակցել Տոկիոյի օլիմպիական խաղերին:

Էբթեքար օրաթերթ

Իրանի միջուկային գործարքի վերականգնման բանակցություններ; Շարունակե՞լ, թե՞ դադարեցնել: ՀԳՀԾ-ի կույր հանգույցը

Տարաձայնությունները ստվեր են նետել Վիեննայում ՀԳՀԾ-ն վերականգնելուն ուղղված բանակցությունների վրա: Իրանն ասում է, որ Արևմուտքը պետք է դժվար որոշում կայացնի, մինչ ԱՄՆ-ն ասում է, որ գնդակն այժմ Իրանի դաշտում է:

Բայց կան ապացույցներ, որ բանակցությունները կանգ են առել և դանդաղել են Միացյալ Նահանգների կողմից Իրանի պահանջները չընդունելու պատճառով: Դա հաստատել է իրանական իրազեկ  մի աղբյուր:

Քեյհան օրաթերթ

New York Times- ը զեկուցել է հեռակառավարվող նավակներով իսրայելական նավի վրա հարձակման մասին

Հաղորդվում է, որ  շաբաթ օրը Հնդկական օվկիանոսում հարձակման է ենթարկվել սիոնիստական ​​նավ  և վնասվել: Ըստ «Ալ-Մայադին» լրատվական ցանցի, նավը թիրախավորվել է անհայտ զենքով, և նավը հրդեհվել է: «Ալ-Մայադին» գրել է, որ նավը խարսխված է Սաուդյան Արաբիայի Ջիդդա նավահանգստում նախքան ԱՄԷ-ի ափ մեկնելը: Մինչ այժմ ոչ ոք չի ստանձնել հարձակման պատասխանատվությունը, եւ ոչ ոք չի կարող հստակ ասել, թե ով է կանգնած դրա հետևում:

Աֆթաբե Յազդ օրաթերթ

Փարիսա. Ես չգիտեմ՝ ​​ինչ ասել երջանկությունից

Վերջերս փայլուն ելույթներով հանդես եկած իրանցի կին ծանրամարտիկները կարևոր և պատմական իրադարձություններ  են արձանագրել իրանական ծանրամարտի համար: 16-ամյա Եկթա Ջմալին նոր էջ բացեց իրանցի կանանց ծանրամարտում`  աշխարհի երիտասարդական առաջնություններում նվաճելով երեք արժեքավոր բրոնզե մեդալ:

Փարիսա Ջահանֆեքրյանը Իրանի ծանրամարտի առաջին կին օլիմպիականը պատրաստվում է մասնակցել Տոկիոյի օլիմպիական խաղերին:

Ջավան Օրաթերթ

Վերջ տվեք մանկասպանությանը 

Կանադայի պատմության խորքից մինչև մեր օրերը տեղի է ունեցել մեծ սկանդալ՝ երեխաների սպանություն:

Մեծ Բրիտանիայի  նախկին գաղութում երեխաների զանգվածային գերեզմանների հայտնաբերումը մեծացրել է այդ երկրի նկատմամբ ներքին ու համաշխարհային վրդովմունքը: Այս օրերին, իհարկե, Եմենի երեխաները աշխարհի սպանությունը հերթական վկայությունն են ամենահավակնոտ մարդու իրավունքների պաշտպանության երկրի հակամարդկային էության մասին: Վարչապետը, անօգնական լինելով երկրի սրտից բխող այս պատմական ամոթից, խնդրում է Հռոմի պապին գալ Կանադա և ներողություն խնդրել այս երեխաների սպանությունների համար: Ապշած կանադացիները հարձակվում են եկեղեցիների վրա և այրում դրանք: Թրյուդոն, որի խոսքերը հարուցել են հասարակության զայրույթը և կրոնական բռնությունները, կանադացիների բարկությունից հետո դատապարտում է կրոնական բռնությունները: Այնքան շփոթված ու իռացիոնալ:

araratnews.am

Թվային օրակարգից՝ արգելքների վերացում. ԵՏՀ խորհրդի նիստը կկայանա հուլիսի 7-ին

Եվրասիական տնտեսական հանձնաժողովի խորհրդի նիստը կկայանա հուլիսի 7-ին:

Եվրասիական տնտեսական հանձնաժողովը տեղեկացնում է, որ հավանության կարժանանա Եվրասիական տնտեսական միության անդամ երկրների փոխարժեքային քաղաքականության վերաբերյալ խորհրդատվական խորհրդի մասին համաձայնագրի նախագիծը: Նշվում է, որ փաստաթուղթը կուղարկվի ԵԱՏՄ անդամ երկրներ ներքին ընթացակարգեր իրականացնելու համար: Նախատեսվում է, որ կընդունվի ԵԱՏՄ պետությունների համար նախատեսված առաջարկությունը`առաջնորդվելով եվրասիական ոսկերչական փորձագիտական բյուրո ստեղծելու հայեցակարգով:  

Հանձնաժողովի խորհրդի նիստում սպասվում է, որ որոշում կկայացվի սկսել «Թվային տեխնիկական կանոնակարգը Եվրասիական տնտեսական միության շրջանակներում» ծրագրի իրականացումը:

Խորհրդի նիստի օրակարգում կլինեն հարցեր կապված ԵԱՏՄ պետություններում քաղաքացիների ազատ տեղաշարժի ապահովման գործում թվային տեխնոլոգիաների օգտագործման հետ՝ նպատակ ունենալով կանխել կորոնավիրուսի տարածումը: Քննարկման օրակարգում է նաև թվային շուկաների գնահատման կարգը բարելավելու, Եվրասիական տնտեսական միության ներքին շուկայում արգելքների վերացման աշխատանքների ընթացքին վերաբերող, օդանավերի կառուցման ոլորտում համագործակցության խորացման և այլ հարցեր:

Նախատեսվում է քննարկել նաև ԵԱՏՄ շրջանակներում օրգանական գյուղատնտեսական ապրանքների ընդհանուր շուկայի ձևավորման համար գործողությունների ծրագիրը՝ ճանապարհային քարտեզը:

lragir.am

ՌԴ-ն Աֆղանստան զորախումբ ուղարկելու հարց չի քննարկում. Պեսկով

ՌԴ նախագահի մամուլի քարտուղար Դմիտրի Պեսկովը հայտարարել է, որ Ռուսաստանն Աֆղանստան զորախումբ ուղարկելու հարց չի քննարկում: Նա նշել է, որ որևէ քննարկում Աֆղանստանի իշխանությունների կամ թալիբների չի անցկացվում: «Արմենպրես»-ի հաղորդմամբ՝ այս մասին հայտնում է  «ՌԻԱ Նովոստի»-ն:

«Ոչ, այդ հարցի առնչությամբ որևէ քննարկում չի իրականացվում»,-հայտնել է Պեսկովը լրագրողներին՝ պատասխանելով այն հարցին, թե արդյոք մշակվում է Աֆղանստանում ռուսական զորքի ներդրման տարբերակ և իրականացվո՞ւմ է այդ ուղղությամբ քննարկում տեղի իշխանությունների կամ թալիբների հետ:

Պեսկովն անդրադարձել է նաև Տաջիկստանի և Աֆղանստանի սահմանային հատված զորամիավորման նոր խումբ ուղարկելու հարցին:

«Լրացուցիչ զորամիավորման մասին ես չեմ կարող ասել: Իհարկե, կախված այն հանգամանքից, թե ինչպես են զարգանում իրադարձությունները, իսկ մենք տեսնում ենք, որ որ լավագույն կերպով չեն զարգանում: Հետևաբար մեր ռազմական սահմանապահների կողմից  համապատասխան որոշում կընդունվի»,-ասել է Պեսկովը՝ պատասխանելով այն հարցին, թե պլանավորո՞ւմ է արդյոք Ռուսաստանը ուղարկել հավելյալ զորամիավորում Տաջիկստան՝ Աֆղանստանի հետ սահմանային հատված:

news.am

Ռուսաստանը շարունակում է աշխատանքը եռակողմ համաձայնագրի դրույթներն իրագործելու ուղղությամբ: Մուրադով

Ռուսական կողմը հետագայում եւս կշարունակի աշխատանքը հրադադարի ապահովման եռակողմ համաձայնագրի դրույթներն իրագործելու ուղղությամբ: Այդ մասին նշված է Լեռնային Ղարաբաղում ռուս խաղաղապահ առաքելության հրամանատար, գեներալ լեյտենանտ Ռուստամ Մուրադովի հայտարարության մեջ:

«Շարունակելով եռակողմ համաձայնագրի դրույթների կատարումն ապահովելու շուրջ աշխատանքը՝ անձամբ իմ կողմից ադրբեջանական կողմին փոխանցվել են երկու շրջանների ականապատ տարածքների քարտեզները, որոնք կազմվել էին հայկական ստորաբաժանումների կողմից Լեռնային Ղարաբաղում տեղի ունեցած հակամարտության ընթացքում:

Իր հերթին Ադրբեջանն ազատ է արձակել 15 հայ ռազմագերիներին, որոնք տեղափոխվել են Երեւան Ռուսաստանի Օդատիեզերական ուժերի ինքնաթիռով: Ռուսական կողմը հետագայում եւս կշարունակի աշխատանքը հրադադարի ապահովման եռակողմ համաձայնագրի դրույթներն իրագործելու ուղղությամբ»,-նշված է հայտարարության մեջ:

1in.am

Բրիտանիան կմեծացնի բանտարկությունների ժամկետները Լա Մանշը հատող միգրանտների համար

Բրիտանիան խստացված պատիժներ կսահմանի անօրինական միգրանտների համար Լա Մանշով ժամանումների ռեկորդային բարձր թվի ֆոնին։ Այդ մասին Euractiv-ը հաղորդել է երկուշաբթի՝ հուլիսի 5-ին:

ՆԳ նախարար Պրիտի Պատելը նախատեսում է վերանայել ապաստանի տրամադրման կանոնները՝ փորձելով կանխել այն, ինչն իր գերատեսչությունը բնութագրել է որպես «ապաստանի գնում»:

Մասնավորապես, շաբաթ օրը ներկայացված օրենսդրությունը քրեական հանցագործություն է համարում առանց թույլտվության ՄԹ մուտք գործելը, իսկ երկիր ապօրինի մուտք գործողների համար առավելագույն պատժաչափը վեց ամսից դառնում է չորս տարի: Միևնույն ժամանակ, մաքսանենգներին ցմահ ազատազրկում է սպառնում`ներկայիս առավելագույն 14 տարի ժամկետի փոխարեն:

Երեքշաբթի օրինագիծը խորհրդարանը կքննարկի առաջին ընթերցմամբ: Դրա հրապարակումը բխում է բրիտանական ապաստանի տրամադրման համակարգի լարվածությունից, որը պայմանավորված է Լա Մանշով ժամանումների ռեկորդային թվով: 2021 թվականի առաջին վեց ամիսներին նեղուցն անցան ընդհանուր առմամբ ժամանել է գրեթե 6000 միգրանտ: Միտումների պահպանման դեպքում, հավանաբար, մոտակա երկու ամիսների ընթացքում կգերազանցվի 2020 թվականի ընդհանուր առմամբ 8 417 ժամանումների թիվը:

Ըստ ՆԳՆ-ի՝ «շատ հավանական է, որ նրանք, ովքեր Մեծ Բրիտանիա են մեկնում փոքր նավերով, գալիս են Եվրամիության անվտանգ երկրից, որտեղ նրանք կարող են ապաստան խնդրել»:

«Այս դեպքում նրանք ապաստան չեն փնտրում առաջին իսկ հնարավորության դեպքում, կամ փոխարենը «ապաստան են գնում»՝ ընտրելով Մեծ Բրիտանիան որպես այլ քաղաքների նախընտրելի ուղղություն և օգտագործելով անօրինական երթուղի»,- ավելացրել են վարչությունից: