Մամուլի տեսություն 03.08.2021
Իրանը նպատակ ունի Թեհրանի ամենաերկար փողոցը գրանցել համաշխարհային մասշտաբով:
Քեյհան օրաթերթ
Մենք օպերատիվ և արագ արձագանքելու ենք ցանկացած հնարավոր արկածախնդրության
Իրանի ԱԳՆ խոսնակ Սաիդ Խաթիբզադեն ափսոսանք է հայտնել Իրանի դեմ Մեծ Բրիտանիայի արտգործնախարարի կողմից հնչեցրած անհիմն մեղադրանքների կապակցությամբ, որոնք նույն համատեքստում կրկնվել են ԱՄՆ պետքարտուղարի կողմից: Նա նշել է, որ այդ մեղադրանքներն ունեն հակասական, կեղծ և սադրիչ բնույթ և դատապարտել է դրանք:
Կիրակի օրը, Մեծ Բրիտանիայի արտաքին գործերի նախարար Դոմինիկ Ռոբը Իրանին մեղադրել է Օմանի ծովում մի նավի դեմ հարձակում իրականացնելու մեջ:
Առանց որևէ փաստ ներկայացնելու, Ռոբը հայտարարել է. «Մենք կարծում ենք, որ այս հարձակումը դիտավորյալ էր, նպատակաուղղված և Իրանի կողմից միջազգային իրավունքի ակնհայտ խախտում էր»:
Էբթեքար օրաթերթ
Պայքար շրջակա միջավայրին վնասելու միջոցով. Ինչու՞ է ՔԲԿ-ն հրկիզել Թուրքիայի անտառները
TRT World News Agency- ն իր զեկույցում վերլուծել է Թուրքիայում մոլեգնող վերջին հրդեհները և ընդգծելով, որ դիտավորյալ հրկիզումները Թուրքիայի կառավարության դեմ պայքարում ՔԲԿ-ի հիմնական մարտավարություններից է, որձել է բերել փաստարկներ՝ ապացուցելու խմբավորման դերը՝ Թուրքիայում մոլեգնող հրդենրի բռնկման հարցում:
Հարկ է նշել, րո միտումնավոր հրկիզման պատասխանատվությունն իր վրա է վերցրել ՔԲԿ-ի հետ կապված «Կրակի երեխաներ» խումբը:
Շահրվանդ օրաթերթ
Իրանի նորընտիր նախագահի երդմնակալությանը ներկա կլինեն 73 երկրների պաշտոնյաներ
Իրանի խորհրդարանի նախագահության կազմի խոսնակը հայտարարել է, որ 13 -րդ նախագահի երդմնակալության արարողությունը տեղի կունենա հինգշաբթի օրն իսլամական խորհրդարաանում՝ 73 երկրների 115 պաշտոնյաների ներկայությամբ:
Խորասան օրաթերթ
Սերիալիների արտադրության շուկայում շրջանառվում է 500 միլիարդ դոլար
Տարիների ընթացքում հեռուստատեսային և ինտերնետային սերիալներն աստիճանաբար ավելի մեծ նշանակություն են ձեռք բերել զվարճանքի ոլորտում և որոշ դեպքերում նույնիսկ գերազանցել են կինոարդյունաբերությանը:
Տարբեր երկրներ կատաղի մրցակցության մեջ են սերիալների արտադրության, ցուցադրման և արտահանման համար, և հարկ է ասել, որ Իրանն այստեղ որևէ մասնաբաժին չունի:
Իրանի մշակույթի և իսլամական առաջնորդության նախարար Սեյեդ Աբբաս Սալեհին, ով հրավիրված էր Իսլամական խորհրդարան, պատասխանելով երկրում նկարահանվող սերիալների վիճակի վերաբերյալ հարցին, խուսափել է խոսել այս ոլորտի մեծ շուկայի մասին: Նա անդրադարձել է մի թուրքական սերիալի, որի 150 մասերն այդ երկրի 12 հազար բնակչությամբ փոքր քաղաքը վերածել են ծանոթ քաղաքի: Սալեհին հավելել է, որ սերիալների արտադրությունից ԱՄՆ -ի տարեկան եկամուտը կազմում է 100 միլիարդ դոլար:
Էբթեքար օրաթերթ
Իրանի մայրաքաղաքի ամենաերկար փողոցը սպասում է համաշխարհային գրանցման
Եթե դուք ապրում եք Թեհրանում կամ եկել եք Թեհրան ճանապարհորդելու, անկասկած, Վալիասր գեղեցիկ փողոցը գրավել է ձեր սիրտը: Երկար փողոցը երկու կողմից շրջապատված է սոսիներով, որոնք դրան տալիս են գեղեցիկ տեսք և հաճելի մթնոլորտ: Արդեն որոշ ժամանակ, քաղաքի պատասխանատուները փորձում են ազգային ժառանգության ցանկում ներառված այս փողոցը գրանցել նաև համաշխարհային մասշտաբով:
armenpress.am
Թուրքիան ԵՄ-ից օգնություն է խնդրել անտառային հրդեհների մարման գործում
Թուրքիան Եվրամիությունից օգնություն Է խնդրել իր տարածքում անտառային սաստիկ հրդեհների մարման գործում: Օգոստոսի 2-ին այդ մասին հայտնել Է Եվրահանձնաժողովը (ԵՀ), տեղեկացնում Է «Արմենպրես»-ը:
«Թուրքիան գործի Է դրել Քաղաքացիական պաշտպանության եվրոպական մեխանիզմը: Խորվաթիան եւ Իսպանիան արդեն հայտարարել են աղետի գոտի հրշեջ ինքնաթիռ ուղարկելու մասին, որը մտնում Է աննախադեպ եւ ավերիչ հրդեհների դեմ պայքարի համար ԵՄ-ի փրկարար օդանավատորմի կազմի մեջ:
Հուլիսի 29-ին Թուրքիայի նախագահ Թայիփ Էրդողանը հայտարարել Է, որ պետությունը կրակի դեմ պայքարի համար մոբիլիզացրել Է բոլոր հնարավոր ուժերը: Նախագահական վարչակազմի տվյալներով՝ հրդեհների մարմանը գործի Է դրված ավելի քան 1,1 հազար միավոր տեխնիկա, այդ թվում երեք ռուսական Բե-200 ամֆիբիա-ինքնաթիռ: Թուրքիայի գյուղատնտեսության եւ անտառային տնտեսության նախարարության՝ օգոստոսի 1-ին տարածված ամփոփագրի համաձայն՝ հրշեջները ներկայումս անտառային հրդեհների օջախների դեմ պայքար են մղում Անթալիայի եւ Մուղլայի նահանգներում: Գերատեսչության տեղեկատվությամբ՝ մեկուսացնել հաջողվել Է 107 օջախ, հաղորդել Է ՏԱՍՍ-ը:
armenpress.am
Հունաստանի ԱԳՆ-ն հերքել է Թուրքիայի պնդումները սահմանի հունական կողմից կրակոցների մասին
Հունաստանի արտաքին գործերի նախարարությունը հերքել է թուրքական կողմի պնդումներն այն մասին, թե հունա-թուրքական սահմանին իբր այնպիսի միջադեպ է տեղի ունեցել, որի ընթացքում հունական կողմից արձակված կրակոցների հետևանքով թուրք քաղաքացի է զոհվել: Այս մասին ասված է Հունաստանի արտաքին քաղաքական գերատեսչության տարածած հաղորդագրության մեջ։
Ինչպես տեղեկացնում է «Արմենպրես»-ը՝ վկայակոչելով ՏԱՍՍ-ը, Հունաստանի ԱԳՆ-ի տվյալներով՝ «Անկարայում Հունաստանի գործերի ժամանակավոր հավատարմատարը, ստացված հրահանգներին համապատասխան, արձագանքելով համապատասխան արտակարգ դեմարշին, որի շրջանակներում նա այսօր կանչվել է Թուրքիայի արտաքին գործերի նախարարություն, լիովին հերքել է Թուրքիայի մեղադրանքները Էվրոսի շրջանում (հունա-թուրքական ցամաքային սահմանին) իբր տեղի ունեցած միջադեպի վերաբերյալ»: «Նա թուրքական կողմին մատնանշել է իր սահմանները պաշտպանելու և մարդկանց առևտրով զբաղվողների գործունեությունը և անօրինական ներգաղթը թույլ չտալու պարտավորությունը», - ասված է հաղորդագրության մեջ:
Հունաստանի քաղաքացիների պաշտպանության գործերի նախարարությունը և հունական ոստիկանությունը կիրակի կարճ հայտարարություն են տարածել, որում ասվում է. «Ինչ վերաբերում է կայքերում վերարտադրված թուրքական ԶԼՄ-ների հրապարակումներին, ապա մենք հայտնում ենք, որ հունական ուժերը չեն մասնակցել Էվրոսում՝ դրանց կողմից նկարագրվող միջադեպին»:
Թուրքական ԶԼՄ-ների վարկածը
Թուրքական ԶԼՄ-ները պնդում էին, որ շաբաթ օրը Էվրոս գետի թուրքական ափին, որի հունով մասամբ անցնում է երկու երկրների միջև սահմանը, Էդիրնե քաղաքից ոչ հեռու, հունական կողմի կրակից զոհվել է 43-ամյա թուրք:
Աթենքի աղբյուրները հունական iefimerida թերթին հայտնել են, որ Հունաստանը ոչ մի կապ չունի 43-ամյա թուրքի մահվան հետ։ Դրանց խոսքով ՝ միջադեպը տեղի է ունեցել Էվրոսի թուրքական ափին, որին մասնակցել են անօրինական միգրանտների երկու մատակարար, նրանցից մեկը հարբած է եղել:
Աթենքի իրավասու աղբյուրները նաև պարզաբանել են, որ հետաքննությունն անցկացվել է ինչպես բանակում, այնպես էլ ոստիկանությունում, և հաստատվել է, որ հունական կողմից հրաձգություն չի եղել: Նույն աղբյուրները խոսում են թուրքական կողմից Էվրոսում տեղի ունեցածը քարոզչական նպատակներով օգտագործելու մասին ՝ Հունաստանին վերագրելու մտադրությամբ։
armenpress.am
Սահակաշվիլին խոստացել է աշնանը վերադառնալ Վրաստան
Վրաստանի նախկին նախագահ Միխայիլ Սահակաշվիլին հայտարարել է, որ այս աշնանը կժամանի Վրաստան, չնայած նրան, որ հայրենիքում գտնվում է հետախուզման մեջ:
«Վրաց ժողովուրդը ցանկանում է արժանապատիվ կյանք և աղքատության հաղթահարում: Ժողովուրդը հոգնել է ապրել ճահճի, հուսահատության մեջ, որտեղ միակ հեռանկարը, որ ներկայացվում է մարդկանց, դա երկրից վտարումն է: Այդ ընտրություններն ամեն դեպքում տեղի կունենան և ես կիրականացնեմ իմ պարտքը, որը ստանձնել եմ ժողովրդի և պատմության առաջ: Այս անգամ կժամանեմ Վրաստան՝ քաղաքացիական հանրաքվեից առաջ: Այս անգամ Իվանիշվիլին չի կարողանա տրորել վրաց ժողովրդին, նրա կառավարումն ավարտվել է»,- «Արմենպրես»-ի հաղորդմամբ՝ հայտարարել է Սահակաշվիլին «Ֆեյսբուք»-ի եթերում:
Սահակաշվիլին լքել է Վրաստանը 2013 թվականին, որտեղ նրա դեմ քրեական գործեր են հարուցել, որոշ գործերով նա հեռակա դատապարտվել է: Վրաստանի իշխանությունները բազմիցս հայտարարել են, որ կձերբակալեն Սահակաշվիլիին, երբ նա կհատի Վրաստանի սահմանը:
panarmenian.net
Ղազախստանի և Արգենտինայի նախագահները, Ուկրաինայի վարչապետը շնորհավորել են Փաշինյանին
Ղազախստանի և Արգենտինայի նախագահները, ինչպես նաև Ուկրաինայի վարչապետը շնորհավորել են Նիկոլ Փաշինյանին ՀՀ վարչապետի պաշտոնում նշանակվելու կապակցությամբ:
Ղազախստանի նախագահ Կասիմ-Ժոմարտ Տոկաևը շնորհավորական ուղերձում մասնավորապես ասվում է․ «Վստահ եմ, որ պատասխանատու պետական պաշտոնում Ձեր հետագա բեղմնավոր աշխատանքը կնպաստի Հայաստանի կայուն զարգացմանն ու առաջընթացին, ինչպես նաև երկկողմ և բազմակողմ ձևաչափերով ղազախա-հայկական հարաբերությունների ընդլայնմանը և խորացմանը»։
Արգենտինայի նախագահ Ալբերտո Ֆերնանդեսը, շնորհավորելով Փաշինյանին, վերահաստատել է իր կառավարության պատրաստակամությունը՝ շարունակելու ամրապնդել բարեկամության և համագործակցության ավանդական կապերը՝ հիմնված փոխըմբռնման և հարգանքի վրա, որոնք միավորում են Արգենտինան և Հայաստանը։
«Մեր հողի վրա հայկական ծագումով կարևոր համայնքի ներկայությունը նպաստում է այս մտերմությանը և հարստացնում մեր մշակույթը՝ մեզ հիշեցնելով այն ներուժի մասին, որը մենք դեռ կարող ենք զարգացնել մեր բոլոր փոխանակումներում»,-ասվում է ուղերձում։
Ուկրաինայի վարչապետ Դենիս Շմիգալի շնորհավորական ուղերձում ասվում է․ «Վստահ եմ, որ ձեր պրոֆեսիոնալիզմը և քաղաքական փորձը կնպաստեն Ուկրաինայի և Հայաստանի միջև գործընկերային հարաբերությունների հաստատմանը: Ցանկանում եմ հավաստիացնել, որ Ուկրաինայի կառավարությունը պատրաստ է բոլոր ոլորտներում հայ-ուկրաինական համագործակցության կառուցողական և փոխշահավետ զարգացմանը», գրում է AnalitikaUA.net-ը:
ՀՀ նախագահ Արմեն Սարգսյանը Նիկոլ Փաշինյանին նշանակել է վարչապետ։ Նա ստորագրել է համապատասխան հրամանագիրը։Հանրապետության նախագահը նորընտիր Ազգային ժողովի լիազորությունների ժամկետն սկսվելուց հետո անհապաղ վարչապետ է նշանակում Սահմանադրության 89-րդ հոդվածով սահմանված կարգով ձևավորված խորհրդարանական մեծամասնության ներկայացրած թեկնածուին։
panarmenian.net
ՍԴ-ն հակասահմանադրական է ճանաչել «Բարձագույն կրթության և գիտության մասին» օրենքը
Սահմանադրական դատարանը հակասահմանադրական է ճանաչել «Բարձագույն կրթության և գիտության մասին» օրենքը։ Այդ մասին ֆեյսբուքյան իր էջում տեղեկացրել է ԱԺ 7-րդ գումարման «Լուսավոր Հայաստան» խմբակցության պատգամավոր Աննա Կոստանյանը։
Մասնավորապես, հակասահմանադրական են ճանաչվել հետևյալ կետերը․
3. Հանրային բուհի կառավարման խորհուրդը ձևավորվում է հետևյալ համամասնությամբ՝ 1) չորսին առաջադրում է բուհի ակադեմիական խորհուրդը, որոնց ներկայացվող պահանջները, առաջադրման և լիազորությունների դադարեցման կարգը սահմանվում են բուհի կանոնադրությամբ, 2) հինգին նշանակում է համապատասխան լիազոր մարմնի ղեկավարը։
4. Կառավարման խորհրդի բուհի չորս անդամին այս հոդվածի 6-րդ մասում սահմանված ժամկետում չառաջադրելու կամ չորսից պակաս առաջադրելու դեպքում կառավարման խորհրդի բուհի կողմից չառաջադրված անդամների համալրումն իրականացնում է համապատասխան լիազոր մարմնի ղեկավարը։
«Ընդունված օրենքը նախագահի կողմից ստորագրելու պարագայում խաթարվելու էր բուհերի ինքնավարության սկզբունքը․ բուհերի հոգաբարձուների խորհրդի անդամների թիվը հասցվելու էր 9-ի, որից 5-ին նշանակելու էր կառավարությունը, սա էլ իր հերթին զրկելու էր բուհին ինքնուրույն որոշումներ կայացնելու բացառիկ հնարավորությունից։
Հանուն արդարության ասենք, որ ՍԴ-ն պահպանեց բարձրագույն դատարանի՝ իր ողջախոհությունը և փրկեց բուհական համակարագի ինքնավարությունը հարվածի տակ դնելուց»,-ասվում է գրառման մեջ։
Նախագահ Արմեն Սարգսյանը հրաժարվել էր ստորագրել օրենքը և ուղարկել այն ՍԴ՝ Սահմանադրությանը համապատասխանությունը որոշելու։
