Մամուլի տեսություն 8-8-2021

Սիոնիստական ​​ռեժիմը վախենում է տարածաշրջանից ամերիկյան զորքերի դուրսբերումից և նրանց համար ամուր հենակետ է փնտրում:

Քեյհան օրաթերթ

Տարածաշրջանային հաշվարկներ

Սիոնիստական ​​ռեժիմի  տեսակետից ժամանակը սպառվում է: Եթե ​​ներկայիս իրավիճակը տարածաշրջանում հանգեցնի ամերիկյան զորքերի կրճատմանը, ապա դա սարսափելի է Իսրայելի համար: Ուժերի կրճատումը, նույնիսկ եթե դա տեղի ունենա դանդաղ և ժամանակացույցով, այնուամենայնիվ սարսափելի կլինի Սիոնիստական ​​ռեժիմի համար: Միացյալ Նահանգները, որն ի վիճակի չէ պահպանել իր ռազմական ուժերը տարածաշրջանում, և նույնիսկ եթե պահպանի այդ ուժերն ու ռազմակայանները, չի կարող դրանք օգտագործել: Առաջին քայլն իր զորքերի մի մասի տեղափոխումն է Աֆղանստանից Պարսից ծոցից հարավ գտնվող բազաներ, իսկ մի մասն էլ  Իրաքից և Սիրիայից դեպի Հորդանան: Սա ժամանակավոր բուժում է Սիոնիստական ​​ռեժիմի համար: Բայց նա Թել Ավիվին ասում է, որ եթե կարող է, պետք է իր անվտանգության  համար մտածի: Երբ տասը օր առաջ Արաբական ծովում ՝ Ֆուջեյրա ափի մոտ, Իսռայելի ռեժիմի տանկիստի վրա անօդաչու թռչող սարք էր հարձակվել և Սիոնիստական ​​ռեժիմը օգնության էր խնդրել ԱՄՆ-ից ԱՄՆ-ի պաշտպանության նախարարն ասել է. «Իսրայելը գիտի ինչպես պաշտպանվել»:

Շահրվանդ օրաթերթ

 Տոկիո-2020 օլիպիական խաղերում իրանը շահել է 7 մեդալև  գրավել 27 -րդ տեղը

16 -օրյա մրցումներից հետո Տոկիոյի Օլիմպիական խաղերն ավարտվեցին: Մարզիկները կսկսեն պատրաստվել Փարիզի Օլիմպիական խաղերին:  Տոկիոյի խաղերին մասնակցել են 66 իրանցի մարզիկներ:

Երեք ոսկե մեդալներով Իրանի Մարզախումբը Ջավադ Ֆորուղիի (հրաձգություն), Մոհամեդ Ռեզա Գարայի (ըմբշամարտ) և Սաջադ Գանջզադե (կարատե), և երկու արծաթե մեդալ ՝ Հասան Յազդանի (ազատ ոճի ըմբշամարտ) և Ալի Դավուդիի (ծանրամարտ), և երկու բրոնզե մեդալ Մոհամմադ Հադի Սարավիի (ազատ ոճի ըմբշամարտ) և Ամիր Հոսեյն Զաաարե (ազատ ոճի ըմբշամարտ) Տոկիոյի օլիմպիական խաղերում ավարտեց իր առաքելությունը:

Ջավան օրաթերթ

Ավագ ռազմական հրամանատարներ. Իրանի ռազմական ուժը չփորձարկեք

Ի պատասխան ԱՄՆ -ի և Սիոնիստական ​​ռեժիմի պնդմանը, թե իրանական անօդաչու թռչող սարքերը հարձակվել են Օմանի ծովում իսրայելական նավի վրա, և Իրանի վրա հարձակվելոի Իսրայելի սպառնալիքի, Իսլամական հեղափոխության պահապանների կորպուսի օդուժի հրամանատարն ասել է.« Իրանն անցել է փորձությունը և կարիք չունի նորից փորձարկվելու: Սիոնիստական ​​ռեժիմը և ԱՄՆ -ն փորձարկել են Իրանին և գիտեն, թե ինչ պատասխանի կառժանան»:

Գեներալ Հաջիզադեն  նշել է.«Մենք ունենք ուժ գործադրելու և՛ կառողությունը, և՛ կամքը, և անկասկած, կտրուկ պատասխան կտանք: Նրանք չեն կարող նման սխալ թույլ տալ»:

Նա ասել է. «Մենք կոշտ պատասխան կտանք թշնամու ցանկացած հարձակման»:

Իրան օրաթերթ

Իրանում վերջնաժամկետ է ներկայացվել կորոնավիրուսի դեմ պայքարում փոփոխություն մտցնելու նախագիծը վերջնական տեսքի բերելու համար

ԻԻՀ նախագահը վերջնաժամկետ է ներկայացրել կորոնավիրուսի դեմ պայքարում փոփոխություն մտցնելու նախագիծը վերջնական տեսքի բերելու համար:

ԻԻՀ նախագահ ասել է, որ Կորոնավիրուսի դեմ պայքարում փոփոխություն մտցնելու նախագիծը վերջնական տեսքի բերելու նախագիծը օգտագործելով վերջին մեկուկես տարվա փորձը, հատուկ հանձնաժողովում  կձևակերպվի և հաջորդ շաբաթ  կդրվի Ազգային շտաբի հանդիպման օրակարգում:

lragir.am

Էլիուդ Կիպչոգեն դարձավ օլիմպիական չեմպիոն մարաթոնյան վազքում

Օգոստոսի 8-ին՝ Օլիմպիական խաղերի մրցումային վերջին օրը, կայացավ տղամարդկանց մարաթոնյան վազքը: 42.2 կմ տարածությունը, ինչպես նախորդ Օլիմպիական խաղերում, ամենաարագը հաղթահարեց քենիացի վազորդ Էլիուդ Կիպչոգեն՝ դառնալով կրկնակի օլիմպիական չեմպիոն:

Կիպչոգեն տարածությունն անցավ 2 ժամ 8 րոպե 38 վայրկյանում: Արծաթե մեդալը նվաճեց Նիդերլանդների ներկայացուցիչ Աբդի Նագիյեն: Բրոնզե մեդալակիր դարձավ Բելգիայի ներկայացուցիչ Բաշիր Աբդին:

Տեղեկացնենք, որ Կիպչոգեն երրորդ մարզիկն է, որին հաջողվեց դառնալ կրկնակի օլիմպիական չեմպիոն այս մրցաձևում:

araratnews.am

SpaceX ընկերությունը ստեղծում է աշխարհի ամենաբարձր հրթիռը

Ամերիկյան SpaceX ավիատիեզերական ընկերությունն ավարտել է Տեխասի տիեզերակայանում Starship երկաստիճան բազմակի կրիչի հավաքման աշխատանքը:

Համալիրի ընդհանուր բարձրությունը 120 մետր է։ Մեկնարկային հարթակի հետ միասին համակարգը ձգվում է մինչև 145 մետր։

Համեմատության համար նշենք, որ եգիպտական Գիզայում գտնվող Քեոփսի բուրգի բարձրությունը հասնում է 136 մետրի։

Հրթիռի վերջնական տարբերակը փորձարկվելու է Մեքսիկական ծովածոցում՝ ուղեծրային թռիչքի ժամանակ։ Ամսաթիվը դեռևս չի նշվում։ 

armenpress.am

Հունաստանի վարչապետը հայտարարել է, որ հրդեհների հետ կապված իրավիճակը փոքր-ինչ բարելավվել է

Հունաստանի վարչապետ Կիրիակոս Միցոտակիսը հայտարարել է, որ երկրում բռնկված հրդեհների հետ կապված իրավիճակը փոքր-ինչ բարելավվել է: «Արմենպրես»-ի հաղորդմամբ՝ այս մասին հայտնում է ՏԱՍՍ-ը:

«Վիճակն այսօր ավելի լավ է, քան երեկ էր: Մենք պետք է շարունակենք [հրդեհի] բոլոր օջախները մարելու և կրկնակի բռնկման վտանգը բացառելու ինտենսիվ ջանքերը», - ասել է Միցոտակիսը Հունաստանի Հրշեջ ծառայության օպերատիվ համակարգման կենտրոն կատարած այցելությունից հետո:

Հունաստանի վարչապետին այդ կենտրոնում ներկայացրել են բնական հրդեհների բռնկումից հետո երկրում ստեղծված իրավիճակը: Վարչապետը երախտագիտություն է հայտնել Հրշեջ ծառայության աշխատակիցներին, կամավորներին, հունական ոստիկանությանը և առափնյա պահպանությանը հսկայական ջանքերի համար, որոնք նրանք գործադրել են նախորդ գիշեր Իթակայի կենտրոնական շրջանում, Էվբեա կղում և Մանի թերակղզում կրակը հսկողության տակ վերցնելու համար:

Կիրիակոս Միցոտակիսը խորը ափսոսանք է հայտնել կատարվածի համար ու ևս մեկ անգամ հավաստիացրել է բոլոր տուժածներին, որ նրանց հասցված վնասի վերականգնումը լինելու է իր քաղաքական առաջնահերթությունը:

armenpress.am

Փարիզում սանիտարական անցաթղթերի կիրառման դեմ բողոքի ակցիա է իրականացվում

Փարիզում տեղի է ունեցել բողոքի ակցիա՝ ընդդեմ սանիտարական անցաթղթերի կիրառման: Ինչպես տեղեկացնում է «Արմենպրես»-ը, այս մասին իրադարձությունների վայրից հաղորդում է «ՌԻԱ Նովոստի»-ի թղթակիցը:

Սանիտարական անցաթղթերի դեմ հանդես եկող քաղաքացիները հավաքվել են  Պոն դը Նյոյի կայարանի մոտ: Նրանք երթով կշարժվեն դեպի Շատլեի հրապարակը։ Մետրոյի մի քանի կայարաններ փակ են, երթեւեկությունը կանգնած է: Ցուցարարների շարասյունը կարգավորում են ոստիկանության աշխատակիցները:

Երթի մասնակիցները վանկարկում են «Ազատություն», «Մակրոն, մենք չենք ուզում ձեր սանիտարական անցաթղթերը»:

Ֆրանսիայի նախագահ Էմանուել Մակրոնը հուլիսի 12-ին հայտարարել է COVID-19-ով հիվանդացության տարածումը զսպելու համար մի շարք նոր սահմանափակող միջոցների մասին: Մասնավորապես, նա հայտարարել է COVID-19-ի դեմ պատվաստումների կամ բացասական թեստի արդյունքների մասին վկայող սանիտարական անցաթղթերի օգտագործման պրակտիկայի ընդլայնման մասին: Նախատեսվում է դրանք կիրառել բարերում, ռեստորաններում, հեռավոր չվերթների գնացքներում եւ ինքնաթիռներում: Ֆրանսիայի Հանրապետության ղեկավարը նաեւ հայտնել է Ֆրանսիայում բժիշկների եւ հիվանդանոցների եւ ծերանոցների բոլոր աշխատողների համար պարտադիր պատվաստումների ներդրման մասին:

yerevan-times.com

Հրանտ Դինքի ծննդավայրում գտնվող Մալաթիայի հայկական եկեղեցին վերականգնվել է. այն ծառայելու է նաև որպես մշակութային կենտրոն

Թուրքիայի Մալաթիա նահանգում գտնվող Սուրբ Երրորդություն հայկական եկեղեցին վերականգնվել է: Այդ մասին հաղորդում է Ակոս թերթի կայքը: Եկեղեցին ծառայելու և՛ որպես եկեղեցի, և՛ որպես մշակութային կենտրոն:

Եկեղեցու պաշտոնական բացումը տեղի է ունենալու օգոստոսի 26-ին, իսկ օգոստոսի 29-ին տեղի է ունենալու պատարագ, որին մասնակցելու է նաև Պոլսի հայոց պատրիարք Սահակ արքեպիսկոպոս Մաշալյանը։

Մալաթիայի Սուրբ Երրորդությունը գործել է մինչեւ 1915-ը, որից հետո մինչեւ 1940-ը ծառայել է որպես զինվnրական պահեստ, այնուհետ մшտնվել է բախտի քմահաճույքին:

Եկեղեցու վերանորոգման անհրաժեշտության մասին դեռևս 2002-ին բարձրաձայնել էր Հրանտ Դինքը:

Հիշեցնենք, որ եկեղեցին գտնվում է Ակոսի նախկին խմբագրապետ Հրանտ Դինքի ծննդավայրում՝ Մալաթիայի Չավուշօղլու թաղամասում: