Մամուլի տեսություն 13.08.2021
Թալիբներն իրար հետևից գրավում են Աֆղանստանի քաղաքները՝ մտահոգություն առաջացնելով աֆղանների և հարևան երկրների անվտանգության մտահոգությունները աֆղան ժողովրդի և նրա հարևանների համար:
Համշահրի օրաթերթ
Լիբանանում վերջին 150 տարիների ընթացքում երրորդ ամենամեծ տնտեսական ճգնաժամն է տիրում
Լիբանանի ճգնաժամը հայտնվել է տարածաշրջանային և համաշխարհային լրատվական գործակալությունների վերնագրերում: Ճգնաժամ, որն առնվազն վերջին երկու տարվա ընթացքում ստվերել է երկրի բոլոր քաղաքական, տնտեսական և սոցիալական հարթությունները և կարող է նույնիսկ երկարաժամկետ կործանարար հետևանքներ ունենալ Մերձավոր Արևելքի հյուսիսի անվտանգության վրա: Լիբանանյան կուսակցությունները, չնայած արտաքին ճնշումներին, չեն ցանկանում նահանջել ազգային միասնության կառավարության ձևավորման նպատակից, իսկ առաջադրված չորս վարչապետների և նախագահի բանակցությունները մինչ այժմ տապալվել են: Համաձայն Համաշխարհային բանկի վերջին զեկույցի, Լիբանանի տնտեսական ճգնաժամը 150 տարվա ընթացքում երրորդ խոշոր տնտեսական ճգնաժամն է:
Էթեմադ օրաթերթ
«Չելսին» նվաճեց Եվրոպայի սուպերգավաթը
«Չելսին» 11 մետրանոց հարվածով հաղթեց «Վիլյառեալին» և դարձավ Եվրոպայի սուպերգավաթակիր:
Եվրոպայի սուպերգավաթի եզրափակիչը տեղի ունեցավ «Չելսիի» և «Վիլյառեալի» միջև: Խաղն ավարտվեց 11 մետրանոցներով, արդյուքնում գրանցվեց 1:1 հաշիշ: Լրացուցիչ ժամանակում 11 մետրանոցների ժամանակ, «Չելսին» հաղթեց 6-5 հաշվով և նվաճեց չեմպիոնի տիտղոսը: «Չելսին» երեք անգամ նվաճել է Եվրոպայի սուպերգավաթ:
Ջամե Ջամ օրաթերթ
New York Times. Քաբուլը կընկնի 30 օրից
ԱՄՆ կառավարության մի շարք բարձրաստիճան պաշտոնյաներ պնդում են, որ Թալիբանի կողմից Աֆղանստանի Բալխ նահանգի հնարավոր գրավումը կարող է հանգեցնել Քաբուլի կառավարության արագ անկման:
The New York Times- ը, հղում անելով Աֆղանստանի որոշ բարձրաստիճան պաշտոնյաների և հաշվի առնելով բանակի նկատմամբ թալիբների ապշեցուցիչ հաղթանակները, հրապարակել է մի հոդված, որում կանխատեսում է արվել Քաբուլում Աֆղանստանի կառավարության տապալման ժամկետների մասին:
Ամերիկյան պաշտոնյաների կարծիքով, Բալխ նահանգի վրա թալիբների հնարավոր վերահսկողությունը ճանապարհ կբացի Քաբուլի կառավարության անկման համար, ինչն ըստ կանխատեսումների, տեղի կունենա 30 օրից:
Թալիբան շարժման ներկայացուցիչ Զաբիուլլահ Մոջահեդը հինգշաբթի երեկոյան իր թվիթերյան միկրոբլոգում գրել է, որ շարժման ուժերը լիակատար վերահսկողություն են հաստատել Հերաթի ոստիկանության շտաբի և նահանգապետարանի շենքի վրա, և որ մի շարք կառավարական ուժեր հանձնվել են խմբին:
Իրան օարթերթ
Էրդողան. Հնարավոր է, որ ես հանդիպեմ թալիբների առաջնորդի հետ
Թուրքիայի նախագահը զգուշացրել է, որ եթե թալիբների նկատմամբ բարձր մակարդակով վերահսկողություն չսահմանվի, Աֆղանստանում խաղաղություն հնարավոր չի լինի հաստատել:
Ըստ Անատոլու գործակալության, Թուրքիայի նախագահ Ռեջեփ Թայիփ Էրդողանը թուրքական Canaan և Kanal D ցանցերին տված հարցազրույցում պատասխանել է լրագրողների հարցերին անօրինական ներգաղթի և տարածաշրջանում զարգացումների վերաբերյալ:
Նա ասել է. «Մեր համապատասխան կառույցները փորձում են բանակցել թալիբների հետ: Հավանական է նաև, որ ես հանդիպեմ նրանց առաջնորդի հետ: Եթե մենք չվերահսկենք թալիբներին բարձր մակարդակով, ապա Աֆղանստանում հնարավոր չի լինի հասնել խաղաղության»:
armenpress.am
ՌԴ ներքին գործերի նախարարությունը ադրբեջանցի նախկին դեսպանին 50 տարով արգելել է մուտք գործել Ռուսաստան
Ռուսաստանի դաշնության ներքին գործերի նախարարությունը Բելառուսում Ադրբեջանի նախկին դեսպան Իսֆանդիյար Վագաբզադեին 50 տարով արգելել է մուտք գործել ՌԴ։
Ինչպես հաղորդում է «Արմենպրես»-ը, այս մասին հայտնում է ՌԴ ներքին գործերի նախարարության մամուլի ծառայությունը։
Հայտարարության մեջ ասվում է, որ Վագաբզադեի մուտքն արգելելու համար հիմք է հանդիսացել այն, որ նախկին դեսպանը ազգամիջյան ատելություն է հրահրել։
Բելառուսում Ադրբեջանի նախկին արտակարգ և լիազոր դեսպան Իսֆանդիյար Վագաբզադեն կոշտ քննադատության էր ենթարկել Ռուսաստանի Լիբերալ-դեմոկրատական կուսակցության առաջնորդ, պետդումայի պատգամավոր Վլադիմիր Ժիրինովսկուն։ «Ձեր ազգը խոզի պես հոտած է»,-ասել է ասել է Վագաբզադեն։ Նա Ժիրինովսկուն անվանել է «հաստլիկ խոզ» և «ծեր էշ»: Նա մասնավորապես ասել է․«Վոլոդյա, լսի՛ր, չաղ խոզ, ծեր էշ: Մի անգամ դու մեզ խոյեր անվանեցիր, բայց ես չեմ հասկանում, թե ինչու բոլորս լռեցինք: Որոշ ժամանակ անցավ և դու սկսեցիր լկտիանալ: Քո լկտիությունը սահմանններ չունի: Դուք խոզի նման գարշահոտ եք, դուք խոզ եք, և ձեր ազգը խոզ է»։
armenpress.am
«Ռոմա»-ի առաջին մրցակիցը Կոնֆերենցիաների լիգայում թուրքական ակումբ է
Իտալական «Ռոմա»-ի առաջին մրցակիցը Կոնֆերենցիաների լիգայում թուրքական ակումբ է:
«Արմենպրես»-ի հաղորդմամբ` ՈՒԵՖԱ-ի հովանու ներքո առաջին անգամ անցկացվող Կոնֆերենցիաների լիգայի փլեյ-օֆֆում «Ռոմա»-ն կմրցի թուրքական «Տրապզոնսպոր»-ի հետ: Թիմերի առաջին հանդիպումը կկայանա օգոստոսի 19-ին Թուրքիայում, իսկ պատասխան հանդիպումը կլինի Հռոմում օգոստոսի 26-ին:
Կոնֆերենցիաների լիգայի խաղարկությունը Եվրոպայի ակումբային հեղինակությամբ երրորդ մրցաշարն է և անցկացվելու է Չեմպիոնների ու Եվրոպայի լիգայի խաղարկություններին զուգահեռ:
armenpress.am
Թուրքիայում հեղեղումների զոհերի թիվը հասել Է 27-ի
Թուրքիայի սեւծովյան ափի Կաստամոնու նահանգում հորդառատ անձրեւների հետեւանքով առաջացած հեղեղումներից զոհվածների թիվն ավելացել Է՝ հասնելով 27-ի: Այդ մասին, ինչպես տեղեկացնում Է «Արմենպրես»-ը, հաղորդել Է երկրի արտակարգ իրավիճակների եւ տարերային աղետների վարչությունը (AFAD): Թուրքիայի նախագահ Ռաջեփ Թայիփ Էրդողանը օգոստոսի 12-ին հայտնել Էր 17 զոհվածների մասին:
«Սելավներից եւ հեղեղումներից Կաստամոնուում զոհվել Է 25 մարդ, երկուսը զոհվել Է Սինոպում, մեկն անհետ կորել Է Բարթինում»,-հաղորդել Է գերատեսչությունը: Ավելի վաղ հաղորդվել Էր, որ տարերային աղետի շրջանում որոնողա-փրկարարական աշխատանքները շարունակվում են, տարհանվել Է ավելի քան 600 մարդ: Շուրջ 300 բնակավայրեր մնացել են առանց Էլեկտրականության:
Կամուրջների քանդվելու եւ ճանապարհային պաստառների վնասվելու պատճառով արգելափակվել Է երթեւեկությունը տարերային աղետի շրջանի մի շարք ավտոճանապարհներին, այդ թվում՝ Բարթին-Ղարաբյուք ճանապարհին: Կաստամոնուի նահանգի Բոզքուրթ քաղաքում հեղեղումների պատճառով կործանվել են մի քանի բազմահարկ շենքեր, փլվածքների վրա աշխատում են փրկարարները, հաղորդել Է ՌԻԱ Նովոստին:
panarmenian.net
ՌԴ ՊՆ-ն հայտնել է ադրբեջանական ԶՈւ-ի կողմից հրադադարն Արցախում խախտելու մասին
Ռուսաստանի ՊՆ-ն հայտնել է ադրբեջանական ԶՈւ-ի կողմից Արցախում հրադադարի խախտման մասին։
«Արձանագրվել է հրադադարի ռեժիմի մեկ խախտում։ 2021-ի օգոստոսի 11-ին՝ ժամը 7.29-ին և 7.58-ին, Ադրբեջանի զինված ուժերը հարվածային տիպի ԱԹՍ-ներով 2 հարված են հասցրել Լեռնային Ղարաբաղի զինված կազմավորումների դիրքերի ուղղությամբ: Տուժածներ չկան»,-ասվում է ՌԴ ՊՆ հաղորդագրության մեջ:
Նշվում է, որ ռուսական խաղաղապահ զորախմբի հրամանատարությունը միջոցներ է ձեռնարկել իրավիճակի հետագա սրում թույլ չտալու համար։
Անցկացվում է հետաքննություն:
Ավելի վաղ ՊԲ-ն հաղորդել էր, որ օգոստոսի 11-ին՝ ժամը 08:29-ի և 08:58-ի սահմաններում հակառակորդը հարվածային անօդաչու թռչող սարքեր է կիրառել Պաշտպանության Բանակի մարտական դիրքերի ուղղությամբ: Հայկական կողմը կորուստներ չի ունեցել:
«Միջադեպի առնչությամբ համապատասխան տեղեկատվություն և փաստեր են տրամադրվել ռուսական խաղաղապահ զորակազմի հրամանատարությանը»,-ասվում էր ԱՀ ՊՆ հաղորդագրության մեջ:
panarmenian.net
Փաշինյան․ Եթե ՀԱՊԿ-ի համար ընդունելի չէ դիտորդական առաքելությունը, այլընտրանքը մնում է ԵԱՀԿ ՄԽ-ն
Վարչապետ Նիկոլ Փաշինյանը, կառավարության նիստում անդրադառնալով սահմանային իրավիճակին, ասել է, որ հրադադարի խախտումների նախաձեռնող կողմի նույնականացումը դժվար է պատկերացնել առանց միջազգային մոնիթորինգի մեխանիզմի գործարկման:
«Այս հարցին անդրադարձել եմ, կարծում եմ՝ դա պիտի լինի Հավաքական անվտանգության պայմանագրի դիտորդական առաքելություն, իսկ եթե ՀԱՊԿ-ի համար դա ընդունելի չէ, այլընտրանքը մնում է ԵԱՀԿ Մինսկի խմբի համանախագահության դիտորդական առաքելությունը:
Նախկինում ասել եմ, հիմա էլ կարծում եմ, որ հրադադարի խախտումների նախաձեռնող կողմի նույնականացումը և այդ սադրիչ գործողության հասցեական դատապարտումն էական նշանակություն ունի իրադրության հետագա դեէսկալացիայի և կայունացման համար»,-ասել է նա:
Վարչապետը հավելել է, որ հայկական կողմի համար միանշանակ ընդունելի է նաև սադրիչ գործողություններից և հայտարարություններից զերծ մնալու համանախագահների կոչը:
«Ակնհայտ է, որ այս պայմանի պահպանումն առանցքային նշանակություն ունի պատեհ բանակցային մթնոլորտ և միջավայր ձևավորելու համար: Ու եթե սադրիչ հայտարարությունների հետագծելիության հարցը մեծ բարդություն չի ներկայացնում, սադրիչ գործողությունների և հրադադարի ռեժիմի խախտումներ նախաձեռնող կողմի հարցը մշտապես բանավեճերի տեղիք է տալիս և նման գործառույթը դժվար է պատկերացնել առանց միջազգային մոնիթորինգի մեխանիզմի գործարկման»,-ասել է նա:
Կառավարության հերթական նիստում, ախքան օրակարգի քննարկումը, վարչապետ Նիկոլ Փաշինյանն անդրադարձել է տարածաշրջանում իրավիճակի դեէսկալացիայի, երկարատև կայունություն և խաղաղություն հաստատելու քայլերի շուրջ ՀՀ կառավարության պատկերացումներին:
panarmenian.net
Գյումրիում Lufthansa-ի հաբ կարող է հիմնվել
Էկոնոմիկայի նախարար Վահան Քերոբյանի և Lufthansa-ի ներկայացուցիչներիի հանդիպմանը քննարկվել է Գյումրիում ավիաընկերության հաբ հիմնելու հարցը և Գյումրիի օդանավակայանից Lufthansa ավիաընկերության ինքնաթիռներով թռիչքներ իրականացնելու հնարավորությունը։
Հանդիպմանը մասնակցել է նաև Զբոսաշրջության կոմիտեի նախագահի պարտականությունները կատարող Ալֆրեդ Քոչարյանը:
Կարևորելով Հայաստան-Գերմանիա գործարար կապերի ակտիվացումը՝ Քերոբյանը նշել է, որ զբոսաշրջության ոլորտում երկու երկրի միջև գործակցության զարգացման մեծ հնարավորություններ և հեռանկարներ կան։ Ներկայացնելով Հայաստանի համար կարևոր զբոսաշրջային շուկաները՝ նա ընդգծել է այդ ոլորտում հատկապես որակի վրա շեշտադրում անելու պետական քաղաքականությունը։ Այս համատեքստում նախարարը խոսել է Գերմանիայից Հայաստան զբոսաշրջային հոսքեր ունենալու կարևորության մասին և ընկերության ներկայացուցիչների հետ մտքեր փոխանակել երկու երկրի միջև այդ հոսքերի ակտիվացման նպատակով համատեղ մարքեթինգային արշավներ կազմակերպելու հարցերի շուրջ։
Lufthansa-ի ներկայացուցիչներն իրենց հերթին նշել են, որ Հայաստանը նախընտրելի զբոսաշրջային ուղղություն է գերմանացի զբոսաշրջիկների համար, հետևաբար՝ իրենք շահագրգռված են օգտագործել դեպի Հայաստան զբոսաշրջային հոսքեր բերելու հնարավորությունը և պատրաստ են գործակցել մարքեթինգային արշավների կազմակերպման և իրականացման աշխատանքներում։
Զբոսաշրջության կոմիտեի նախագահի պարտականությունները կատարող Ալֆրեդ Քոչարյանն ավելացրել է, որ գերմանական շուկան ևս շատ հետաքրքիր է Հայաստանի համար և այդ նպատակով օգոստոսի վերջին Հայաստանում նախատեսվում է անցկացնել ճանաչողական այց Գերմանիայի զբոսաշրջության ոլորտի ավելի քան 60 ընկերության մասնակցությամբ, որը լավ հնարավորություն է երկու երկրների զբոսաշրջային ներուժը ներկայացնելու և համագործակցության նոր ուղիներ գտնելու համար։
Գյումրիի «Շիրակ» օդանավակայանում վերանորոգման աշխատանքներ են ընթանում։ Նորոգվում է վազքուղին, կառուցվում է նոր ժամանման սրահ։
