Մամուլի տեսություն 16.09.2021
Իրանը, ընդգծելով ՀԳՀԾ-ի բանակցություններում արդյունքի հասնելու անհրաժեշտությունը, հայտարարել է, որ իր պարտավորությունները խախտելու պատճառով դեռ չի վստահում ԱՄՆ -ին և որ Վաշինգտոնն իր պարտավորությունները կատարելու համար պետք է վերացնի իր ժողովրդի նկատմամբ սահմանված ճնշող պատժամիջոցները:
Ջավան օրաթերթ
Ռազմավարական փոփոխություն Իրանի տարածաշրջանային քաղաքականության մեջ
Տաջիկստանի Դուշանբե քաղաքում ուրբաթ և շաբաթ օրերին կայանալիք գագաթնաժողովի Իրանի նախագահի ներկայությունը կարևոր քայլ է Թեհրանի տարածաշրջանային ռազմավարության իրագործման ուղղությամբ, որը սահմանվել է որպես հիմնական քաղաքականություն՝ տարածաշրջանային և գլոբալ փոխազդեցությունների գործընթացում: Գագաթնաժողովին, որին կմասնակցեն ՇՀԿ և ՀԱՊԿ անդամները, ներկա կլինեն 17 երկրների բարձրաստիճան պատվիրակություններ և ՇՀԿ-ի ու ՀԱՊԿ-ի գլխավոր քարտուղարները: Տաջիկստանի մայրաքաղաքում կայանալիք գագաթնաժողովին Այաթոլլա Ռայիսիի ներկայությունը, որ տեղի է կունենա նախագահ ընտրվելուց ի վեր նրա առաջին արտասահմանյան ուղևորության շրջանակում, նշանակում է, որ Իսլամական Իրանը, որպես Արևմտյան Ասիայի ամենակարևոր երկիր, կարողացել է պայքարել Արևմուտքի կողմից ստեղծված հզոր ահաբեկչության դեմ, Դիմադրությունն ուղղորեդլ համաշխարհային հավասարումների մեջ տարածաշրջանային և որոշիչ ուժի ուղղությամբ:ն Այդ իսկ պատճառով, Ռայիսիի ներկայությունը, բացի Իրանի համար տնտեսական և քաղաքական ձեռքբերումներից, կբարձրացնի այս կազմակերպության նկատմամբ վստահությունը:
Էթեմադ օրաթերթ
Մոլլա Բարադարը՝ ամերիկյան Time- ամսագրի 2021 թվականի 100 ամենաազդեցիկ մարդկանց ցուցակում
Time- ը 2021 թվականի 100 ամենաազդեցիկ մարդկանց թվում ներառել է «Թալիբանի» հիմնադիրներից Մոլլա Բարադարին: Իհարկե, սա ամենևին չի նշանակում խմբավորման հաստատում: Այս ցուցակում տարբեր գործիչների, նույնիսկ բացասական գործունեություն ծավալողների ներկայությունը երկար պատմություն ունի: «Ալ-Ղաիդայի» նախկին առաջնորդ Ուսամա բեն Լադենը ցանկում եղել է առնվազն երկու անգամ (2004 և 2007 թվականներին): 2014 թվականին ցուցակում էր նաև ԴԱԻՇ-ի առաջնորդ Աբու Բաքր ալ-Բաղդադին:
Ինչպես նշում է The Independent- ը, Time- ը գրել է. «Ասում են, որ բոլոր կարևոր որոշումները կայացվում են նրա կողմից: Դրանք ներառում են կառավարության նախկին ղեկավարներին ներում շնորհելը, Քաբուլ մուտք գործելու ժամանակ արյունահեղությունից խուսափելը և «Թալիբանի» կառավարության կապերը հարևան կառավարությունների հետ, ինչպիսիք են Չինաստանը և Պակիստանը»:
Համշահրի օրաթերթ
ԱՄՆ նախագահի վերջին սխալը
Բրիտանիայի և Ավստրալիայի հետ Հնդ-խաղաղօվկիանոսյան տարածաշրջանում անվտանգության պայմանագրի հայտարարման ժամանակ, ԱՄՆ նախագահը մոռացել է Ավստրալիայի վարչապետի անունը և նրան անվանեց «ընկեր»:
ԱՄՆ 78-ամյա նախագահ Ջո Բայդենը Լոնդոնի և Կանբերայի հետ եռակողմ համաձայնագրի հայտարարության ժամանակ մոռացել է Ավստրալիայի վարչապետ Սքոթ Մորիսոնի անունը և ասել. «Ես ուզում եմ շնորհակալություն հայտնել… նաև մեր ընկերներին: Շատ շնորհակալ եմ, ընկեր»:
Իրան օրաթերթ
Իրանի դեսպան. Մենք չենք վստահում ԱՄՆ -ին. Պատժամիջոցները պետք է գործնականում չեղարկվեն
Անդրադառնալով միջուկային գործարքից ԱՄՆ -ի միակողմանի դուրս գալուն, Միացյալ Թագավորությունում Իրանի դեսպանը հայտարարել է, որ Իրանի Իսլամական Հանրապետությունը չի վստահում ԱՄՆ -ին և որ ՀԳՀԾ-ի վերականգնումը պահանջում է պատժամիջոցների գործնական չեղարկում:
Մոհսեն Բահարվանդը RT- ին տված հարցազրույցում ասել է, որ Իրանն այլ երկրների հետ իր տարաձայնությունները լուծելիս բանակցային մոտեցում է ցուցաբերում, իսկ ՀԳՀԾ-ի վերաբերյալ «կան հարցեր, որոնք, Իրանի կարծիքով, պետք է լուծենք այլ կողմերի հետ»:
armenpress.am
Փաշինյանը Ռահմոնի հետ քննարկել է երկկողմ հարաբերություններին և ՀԱՊԿ-ին վերաբերող հարցեր
Վարչապետ Նիկոլ Փաշինյանը Տաջիկստան այցի շրջանակներում առաձնազրույց է անցկացրել նախագահ Էմոմալի Ռահմոնի հետ:
«Արմենպրես»-ի հաղորդմամբ՝ քննարկվել են երկկողմ հարաբերություններին և ՀԱՊԿ շրջանակում փոխգործակցությանը վերաբերող հարցեր։
Հանդիպումից հետո ՀԱՊԿ անդամ երկրների ղեկավարները համատեղ լուսանկարահանվել են։
ՀՀ վարչապետը սեպտեմբերի 16-ին կմասնակցի Հավաքական անվտանգության պայմանագրի կազմակերպության խորհրդի նիստին։ Նույն օրը նախատեսվում է նաև Նիկոլ Փաշինյանի և Էմոմալի Ռահմոնի հանդիպում։
Սեպտեմբերի 17-ին վարչապետը կմասնակցի Շանհայի համագործակցության կազմակերպության և Հավաքական անվտանգության պայմանագրի կազմակերպության համատեղ նիստին։
armenpress.am
Հռոմի պապը պատվաստանյութերը մարդկության բարեկամ է անվանել
Կաթոլիկ աշխարհի հոգևոր առաջնորդ Հռոմի Ֆրանցիսկոս պապն իր տարակուսանքն է հայտնել այն փաստի առթիվ, որ շատ մարդիկ, այդ թվում և որոշ կարդինալներ, հրաժարվում են պատվաստվել կորոնավիրուսի դեմ: Ինչպես փոխանցում է «Արմենպրես»-ը, այս մասին նա լրագրողների հետ խոսել է ինքնաթիռում՝ Սլովակիայից վերադառնալու ճանապարհին:
«Դա տարօրինակ է, քանի որ մարդկությունը պատվաստանյութերի հետ բարեկամության պատմություն ունի: Մանուկ տարիքում մենք պատվաստվում ենք կարմրուկի, պոլիոմելիտի դեմ, բոլորը պատվաստվում են, և ոչ ոք ոչինչ չի ասում»,- նշել է Ֆրանցիսկոսը, ով անձամբ կորոնավիրուսի դեմ պատվաստված է և հաճախ է կոչ անում մարդկանց անել նույնը:
armenpress.am
ՄԱԿ-ը մտահոգություն է հայտնել Կորեական թերակղզում զարգացումների առնչությամբ
Միավորված ազգերի կազմակերպությունը մտահոգված է Կորեական թերակղզում հրթիռային արձակումների առնչությամբ: Ինչպես փոխանցում է «Արմենպրես»-ը, այս մասին լրագրողների հետ ճեպազրույցում հայտարարել է ՄԱԿ-ի գլխավոր քարտուղարի պաշտոնական ներկայացուցիչ Ստեֆան Դյուժարիկը:
«Մենք մտահոգված են իրադարձությունների զարգացմամբ: Ինչպես հաղորդել էինք ավելի վաղ, դիվանագիտական փոխգործակցությունը շարունակում է մնալ Կորեական թերակղզում խաղաղության հաստատման, լիարժեք ապամիջուկայնացման միակ ուղին»,- ասել է նա:
Կորեայի Ժողովրդա-Դեմոկրատական Հանրապետությունը սեպտեմբերի 15-ին երկու բալիստիկ հրթիռ է արձակել Ճապոնական ծովի ուղղությամբ: Նույն օրը Հարավային Կորեայի նախագահականից հայտնել են, որ Կորեայի Հանրապետությունն առաջին անգամ բալիստիկ հրթիռ է արձակել սուզանավից:
panarmenian.net
Բաքուն հաստատել է․ Գորիս-Կապան ճանապարհին իրանցի վարորդներ են ձերբակալվել
Ադրբեջանը հատատել է, որ Գորիս-Կապան ճանապարհին իրանցի վարորդներ են ձերբակալվել։ Ըստ Ադրբեջանի ներքին գործերի նախարարության հայտարարության, նրանք ձերբակալվել են «Ադրբեջանի տարածք ապօրինի մուտք գործելու համար»։
Ադրբեջանի ՆԳՆ մամուլի քարտուղար Էհսան Զահիդովն ասել է, որ «ՀՀ-ով Ադրբեջանի տարածք անցած ավտոմեքենաները կանգնեցվել են Ադրբեջանի ՆԳՆ, Պետական մաքսային ծառայության և Պետական սահմանապահ ծառայության կողմից», գրում է Haqqin.az-ը։
«Այդ մեքենաների վարորդների հանդեպ կկիրառվեն համապատասխան միջոցներ՝ ըստ Ադրբեջանի օրենսդրության»,-ասել է նա։
Վարորդները Ստեփանակերտից վերադառնալիս են եղել, այնտեղ նրանք բեռնել են ցեմենտը և վերադարձել Բերձոր–Գորիս ավտոմայրուղիով, որի Որոտանի հատվածում նրանց ձերբակալել են, գրում է Sputnik Արմենիան։
2021թ. սեպտեմբերի 9-ից Երևան-Կապան Մ2 միջպետական ճանապարհին՝ Գորիսի Որոտան բնակավայրի հատվածում, ադրբեջանական իշխանությունները տեղադրել են ոստիկանական հենակետ, որը սեպտեմբերի 11-ից սկսել է գործել:
ՀՀ ԱԱԾ-ն տեղեկացրել է, որ սեպտեմբերի 12-ին՝ ժամը 12։00-ից, Գորիս-Կապան միջպետական ճանապարհի Որոտան բնակավայրի մոտ Ադրբեջանի վերահսկողության տակ գտնվող «Էյվազլի բնակավայրի հատվածում»։
Ավելի ուշ հայտնի դարձավ, որ ադրբեջանցիները կանգնեցնում են իրանական բեռնատարները և գումար գանձում։ Դա հաստատեց նաև պաշտոնական Բաքուն՝ հայտարարելով, որ «ճանապարհային հարկ է» գանձվում։
panarmenian.net
Փաշինյան․Դեկտեմբերին Գորիս-Կապանով օտարերկրյա բեռների երթևեկման մասով չէինք պայմանավորվել
Վարչապետ Նիկոլ Փաշինյանը, ԱԺ-ում անդրադառնալով իրավիճակին Գորիս-Կապան ճանապարհին և նշելով, որ այդ հարցում բազմաթիվ շերտեր և ենթատեքստեր կան, ասել է, որ 2020-ի դեկտեմբերին պայմանավորվածություն էր ձեռք բերվել, որ այդ ճանապարհահատվածով կարող են անարգել անցնել ՀՀ տրանսպորտային միջոցները և բեռները, բայց օտարերկրյա բեռների հանգամանքը չէր արձանագրվել։
Նա ասել է, որ Ադրբեջանը կիրառում է արգելքը՝ ի պատասխան հայկական կողմի այն հայտարարությունների, որ նոյեմբերի 10-ի և հունվարի 11-ի եռակողմ հայտարարությունների մեջ հիշատակված չէ ՀՀ տարածքով միջանցք տրամադրելու վերաբերյալ դրույթ։
«Հայաստանը, ընդունելով, որ տարածաշրջանի կոմունիկացիաները պիտի բացվեն, այնուամենայնիվ արձանագրում է, որ օտարկերկրյա բեռները ՀՀ տարածքը հատելիս, այդ թվում՝ Ադրբեջանի արևելյան շրջաններից դեպի Նախիջևան ուղևորվելիս, պիտի հատեն մաքսային, անձնագրային և այլ կետեր»,-ասել է նա:
Փաշինյանը հերթական անգամ անդրադարձել է 2010-ին ԱԺ-ի ընդունած Վարչատարածքային բաժանման մասին օրենքին, որտեղ, ըստ նրա, հստակ նշված է, որ, օրինակ, Շուռնուխ և Որոտան գյուղերի վարչական սահմանները համապատասխանում են հայ-ադրբեջանական սահմանին.
«Այս իրողությունն է ընդունվել որպես հիմք, ինչպես նաև՝ ԽՍՀՄ ժամանակվա Խորհրդային Հայաստանի և Խորհրդային Ադրբեջանի սահմանը: Երկու տեղ՝ Գորիս-Կապան ավտոճանապարհը դուրս է գալիս ՀԽՍՀ վարչական սահմանից, որտեղ էլ ժամանակին տեղակայվեցին հայտնի ցուցանակները»,-ասել է վարչապետը: Նա ասել է նաև, որ իր ելույթում օգտագործել է բնակավայրերի ադրբեջանական անվանումները՝ Էյվազլի և Չայզամի, որպեսզի «ՀՀ քաղաքացիների համար պարզ լինի, որ խնդրո առարկա կետերը գտնվում են ոչ թե ՀՀ կամ ՀԽՍՀ տարածքում, այլ այդ տարածքից դուրս»:
Փաշինյանն ասել է նաև, որ 2020-ի դեկտեմբերին իրականացվել է ՀՀ զինված ուժերի դիրքերը ԽՍՀՄ-ից ժառանգած սահմաններին համապատասխանեցնելու գործընթաց, և դա արվել է ռազմական նոր էսկալացիայից խուսափելու համար։
2021թ. սեպտեմբերի 9-ից Երևան-Կապան Մ2 միջպետական ճանապարհին՝ Գորիսի Որոտան բնակավայրի հատվածում, ադրբեջանական իշխանությունները տեղադրել են ոստիկանական հենակետ, որը սեպտեմբերի 11-ից սկսել է գործել:
ՀՀ ԱԱԾ-ն տեղեկացրել է, որ սեպտեմբերի 12-ին՝ ժամը 12։00-ից, Գորիս-Կապան միջպետական ճանապարհի Որոտան բնակավայրի մոտ Ադրբեջանի վերահսկողության տակ գտնվող «Էյվազլի բնակավայրի հատվածում»։
Ավելի ուշ հայտնի դարձավ, որ ադրբեջանցիները կանգնեցնում են իրանական բեռնատարները և գումար գանձում։ Դա հաստատեց նաև պաշտոնական Բաքուն՝ հայտարարելով, որ «ճանապարհային հարկ է» գանձվում։
