Մեկնաբանություն- Հարևանների հետ հարաբերությունների ընդլայնումն Իրանի կառավարության արտաքին քաղաքականության առաաջնահերթությունն է
Իրանի ԱԳ նախարարն ասել է.«ԻԻՀ հավատարիմ է երկխոսության և երկկողմ ու տարածաշրջանային խնդիրների քաղաքական լուծումների կիրառման սկզբունքին»:
Շաբաթ օրն Օմանի ԱԳ նախարարության դիվանագիտական հարցերով տեղակալ Շեյխ Խալիֆա ալ-Հարեսիի հետ հանդիպման ժամանակ, Իրանի արտաքին գործերի նախարար Հոսեյն Ամիր Աբդոլլահյանն ասել է.«Իրանի կառավարության արտաքին քաղաքականության մեջ հարևան երկրների հետ հարաբերությունների ընդլայնմանն առաջնային տեղ է հատկացված»:
Օմանի ԱԳ նախարարության դիվանագիտական հարցերով տեղակալը Թեհրան է այցելել ռազմավարական խորհրդակցությունների համատեղ կոմիտեի նիստին մասնակցելու նպատակով:
Օմանը տարածաշրջանի իրադարձություններում Իսլամական հանրապետության հետ համագործակցությամբ, ակտիվ դեր է խաղում միջնորդության և լարվածությունը նվազեցնելու հարցում,և այդ քաղաքականությունը, հույժ կարևոր և արժեքավոր է Իրանի տեսանկյունից։
Իրանի Իսլամական Հանրապետությունը համոզված է, որ կայուն անվտանգության հաստատումը և տարածաշրջանային զարգացումը հնարավոր կլինեն հարևանների համագործակցության միջոցով։ Այս տեսանկյունից Իրանի տարածաշրջանային քաղաքականությունը կարելի է վերլուծել երեք առանցքներից.
Առաջինը տարածաշրջանում կայուն անվտանգության հաստատումը և տարածաշրջանն ապակայունացնող հոսանքների դեմ պայքարն է:
Երկրորդ նպատակը դրական գործողություններն են, որոնք ուղղված են տարածաշրջանում անապահովության վերացմանը և տարածաշրջանի ու հարևան երկրների միջև կառուցողական և բարեկամական հարաբերություններում վստահության ձևավորմանը:
Երրորդ նպատակըն է ներկայացնել կառուցողական տեսակետներ ՝ տարածաշրջանի երկրների համագործակցությամբ, տարածաշրջանային հակամարտություններին և պատերազմներին վերջ տալու նպատակով անվտանգության համատեղ գործողությունների վերաբերյալ: Փորձը ցույց է տվել, որ կոլեկտիվ շահերի ապահովումը հնարավոր է համագործակցության և փոխըմբռնման միջոցով: Հակամարտությունների ու պատերազմների պատճառով, տարածաշրջանի երկրների միջև լարվածությունը շարունակվում է: Իսկ դա բխում է միայն օտարների ու միջամտող ուժերիի շահերից: Խնդրի կարևորությունն ի հայտ է գալիս այն ժամանակ, երբ տարածաշրջանում անվտանգության գործոնները ճանաչելու ուղղությամբ համատեղ հասկացություն է ձևավորվում: Իրանն ու Օմանը համակարծիք են, որ միջազգային նոր պայմաններում տարածաշրջանի հարցերի շուրջ երկխոսությունն ու խորհրդակցությունը կարող են նպաստել տարածաշրջանի երկրների միջև համաձայնության ամրապնդմանը: Դժբախտաբար տարածաշրջանային որոշ դերակատարներ իրականացնելով միլիտարիստական քաղաքականություն, տարածաշրջանում անապահովության ու անկայունության պատճառ են դարձել: ԱՄՆ-ի, սիոնիստական շրջանակների և եվրոպական որոշ երկրների հակաիրանական քարոզչությունը՝ Թեհրանի տարածաշրջանային դերի և պաշտպանական կարողությյունների վերաբերյալ, իրականացվում են հակաիրանական պատժամիձջոցների չեղարկման թեմայով Վիեննայի բանակցություններում գրանցվող առաջընթացին զուգահեռ:
Իրանի Իսլամական հանրապետությունն իր արտաքին քաղաքականությունը վարում է հարևանների հետ ավելի լավ, կայուն ու անվտանգ հարաբերություններ հաստատելու սկզբունքի հիման վրա: Բացի տնտեսական ասպեկտներից, Իրանի և նրա հարևանների միջև լավ հարաբերությունները ռազմավարական նշանակություն ունեն տարածաշրջանում հավաքական անվտանգության պահպանման համար։ Նման հարաբերությունները ճանապարհ են հարթում հարևանների միջև տնտեսական, առևտրային և ներդրումային կարողությունների փոխանակման համար և, իհարկե, շահավետ են տարածաշրջանի բոլոր երկրների համար։ Տարածաշրջանի միջամտող և քայքայիչ տարրերը քաջ գիտակցում են, որ Իրանի և հարևան երկրների հարաբերությունների բարելավման արդյունքը տարածաշրջանային անվտանգության ամրապնդումն է՝ առանց օտարների ներկայության և բոլոր ոլորտներում երկկողմ ու բազմակողմ համագործակցությունների զարգացումը։ Տարածաշրջանում Իրանի անվտանգության քաղաքականությունը հիմնված է հավաքական անվտանգության դոկտրինայի վրա, և ըստ այդմ, Թեհրանը տարածաշրջանի անապահովությունը համարում է ի վնաս տարածաշրջանի բոլոր երկրների։ Տարածաշրջանում ստեղծված իրավիճակը պահանջում է, որ վեճերը լուծելու համար երկխոսությունն ու բանակցությունները փոխարինվեն լարվածությամբ և թշնամությամբ: