Մեկնաբանություն. Իրանի նախագահը պատասխանել է Բայդենի հայտարարությանը

Իրանի Իսլամական Հանրապետության նախագահ Սեյեդ Էբրահիմ Ռայիսին աբանի13-ի (նոյեմբերի 4-ի) Համաշխարհային մեծապետականության  դեմ պայքարի ազգային օրվա առիթով կազմակերպված արարողության ընթացքում ընդգծելով  ,որ ԱՄՆ-ը  ​​առաջատար դեր է խաղում պատերազմների և արյունահեղության մեջ և հանուն իր շահերի ոչնչացնում է ժողովուրդների շահերը, արձագանքել է երկրում տեղի ունեցած վերջին անկարգություններին հովանավորելու՝ Ջո Բայդենի հայտարարություններին:

Ռայիսին ասել է.«Ժամեր առաջ տեղեկացա ,որ ԱՄՆ-ի նախագահը մի արտահայտություն է կատարել, որը միգուցե նրա մտացրված լինելու հետևանքն է: ԱՄՆ-ի նախագահը ասել է, որ իրենք մտադիր են Իրանն ազատել, սակայն Իրանը ազատագրվել է 43 տարի առաջ և այլևս չի լինելու ԱՄՆ-ի գերին: Մենք երբեք այլևս կաթնատու կով չենք լինելու»:

Իրանի նախագահի վճռական հնչում է ի պատասխան ԱՄՆ նախագահ Ջո Բայդենի վերջին հայտարարության։ Որևմտյան Կալիֆորնիա նահանգում Դեմոկրատական ​​կուսակցության ներկայացուցչի համար  ֆինանսական օգնություն ներգրավելու լայնածավալ արշավի շրջանակում, մի քանի մարդկանց ներկայությամբ, ովքեր գրություններ են պարզել ի հովանավորություն Իրանի խռովարարների, Ջո Բայդենն ասել է. «Մի մտահոգվեք  մենք ազատելու ենք Իրանը: Նրանք (խռովարարները) շուտով իրենց ազատելու են»:

 

Իրանի դեմ Վաշինգտոնի գործողություններից են՝ 1953 թվականի օգոստոսին (իրանական մորդադ ամսի 28-ի) պետական ​​հեղաշրջումը և շահի բռնապետական  կառավարման համար անհրաժեշտ պայմանների ստեղծումը մինչև 1979 թվականը։ Բացի այդ, ԱՄՆ-ը​​ դարձավ Սավաքի ստեղծման պատճառը, որը մինչև Իսլամական հեղափոխության հաղթանակը գլխավոր դերը խաղաց Փահլավի ռեժիմի դեմ հանդես եկող մարտիկներին ձերբակալելու, խոշտանգելու և սպանելու գործում։ Մյուս կողմից, ամերիկյան նավթային ընկերությունները նույնպես կարևոր դեր են խաղացել Իսլամական հեղափոխությանը նախորդած տարիների երկրի նավթի թալանի գործում: Միևնույն ժամանակ ԱՄՆ-ն շահի ռեժիմին էր վստահել Պարսից ծոցի ժանդարմի դերը, իհարկե, Իրանի ժողովրդի հաշվին։

Իսլամական հեղափոխության հաղթանակից հետո ԱՄՆ-ն որդեգրեց հակաիրանական քաղաքականություն: Վերջին չորս տասնամյակների ընթացքում ԱՄՆ-ն բազմաթիվ պատժամիջոցներ է սահմանել Իրանի նկատմամբ:  ԱՄՆ նախկին նախագահ Դոնալդ Թրամփի նախագահության օրոք հակաիրանական պատժամիջոցների սահմանումը ՀԳՀԾ-ից դուրս գալուց և առավելագույն ճնշման քաղաքականությունից հետո, նոր և աննախադեպ չափեր ստացավ։ Վաշինգտոնն Իրանի ժողովրդի դեմ կիրառեց ամենախիստ պատժամիջոցները՝ հույս ունենալով, որ Իրանը կհանձնվի Միացյալ Նահանգների անտրամաբանական և անօրինական պահանջներին, ինչը, բնականաբար, ձախողվեց: Այդ մասին խոստովանեց նաև Բայդենի կառավարությունը:

ԱՄՆ-ի ներկայիս նախագահ Ջո Բայդենը, չնայած իր նախկին կարգախոսներին, պաշտոնը ստանձնելուց ի վեր շարունակել է առավելագույն ճնշման քաղաքականությունը և ժամանակ առ ժամանակ տարբեր պատրվակներով հայտարարում է Իրանի դեմ նոր պատժամիջոցների մասին։ ԱՄՆ-ն այժմ պաշտոնապես հրաժարվել է Վիեննայի բանակցություններից՝ Իրանում տեղի ունեցած անկարգությունների պատրվակով և հայտարարել անկարգություններին աջակցելու մասին: Իրանում վերջին անկարգությունների սկզբից ի վեր ամերիկացի պաշտոնյաները ոչ միայն միջամտողական հայտարարություններ են կատարել, այլեւ պատժամիջոցներ են սահմանել Իրանի պաշտոնյաների ու կառույցների դեմ: Իսկ օրերս, ԱՄՆ-ն, Ալբանիայի հետ մեկտեղ Անվտանգության խորհրդի ոչ պաշտոնական նիստ  կազմակերպեց: Նիստ, որը, չնայած իր ՛ուրջը բարձրացված աղմուկին, ոչ մի ձեռքբերում չունեցավ կազմակերպիչների համար։