Մեկնաբանություն - Իրանի դեմ Ալիևի կոշտ հայտարարությունները պետք է պակասեն
Համալսարանի աշխարհաքաղաքականության դասախոսն ասել է. «Ալիևի նմանների հոխորտանքները պետք է պակասեն»։
Աբդոլռեզա Ֆարաջիռադը Ադրբեջանի և Թուրքիայի միջև համատեղ զորավարժությունների անցկացման մասին ասել է.-«Ադրբեջան-Հայաստան պատերազմն սկսվեց, ու մնաց կիասավարտ,ինչը նշանակում է, որ ադրբեջանցիներն Իսրայելի և Թուրքիայի օգնությամբ փորձել են ոչ միայն գրավել Ղարաբաղը, այլև ձեռք բերել Հայաստանի ինքիշխան տարածքը»:
Երբ Ռուսաստանի միջնորդությամբ հրադադար հաստատեց, նրանք ձգտեցին կառուցել Զանգեզուրի միջանցքը,որին ընդդիմացավ Իրանը։ Ալիևը, որ զգում էր իր գործը կիսատ է մնացել, և դրա պատճառը Ռուսաստանն ու Իրանն են, դրանից հետո սկսեց հարձակվել Մոսկվայի և Թեհրանի վրա, բնականաբար չէր կարող ծայրահեղության գնալ Մոսկվայի հետ կապված, բայց նա սկսեց ծայրահեղ քայլերի դիմել Իրանի նկատմամբ: Այնուհետև ինչ-որ խաղեր նախագծեց և սկսեց ապատեղեկատվություն տարածել թե մենք ձգտում ենք Նախիջևանի միջոցով միանալ Հայաստանին:
Այդ ժամանակվանից արդեն պարզ էր, որ նրանք խաղ են անում իրենց գործն առաջ տանելու համար:Ի վերջո սեպտեմբերին կայացած Իրանի զորավարժությունը զայրացրեց Ալիևին, և նա զգաց, որ այս զորավարժությամբ փաստորեն ներկա ժամանակահատվածում Զանգեզուրի միջանցքի իրագործման հնարավորություն չկա:
Նորվեգիայում Իրանի նախկին դեսպանը նշել է.-« Այս դեպքերից հետո Իլհամ Ալիևն անձամբ զգաց, որ կարող է շահարկել Իրանում տեղի ունեցող վերջին իրադարձությունները և իր տեսակետները, որոնք անցյալում այլ կերպ էր արտահայտում, ներկա պայմաններում արտահայտել ավելի կոշտ : Նա սկսեց անջատողական հայտարարություններ անել ու շարունակել դրանք»:
Մի կողմից, Իրանը փորձեց հանդուրժողականություն դրսևորել և թույլ չտալ, որ երկու երկրների հարաբերությունները սրվեն, սակայն Ալիևը կոշտ հայտարարություններ անելուց բացի, Թուրքիայի հետ համաձայնեցված զորավարժություններ իրականացրեց Իրանի զորավարժությունների դեմ: Իրանը զորավարժությունների ժամանակ Արաքս գետի վրա կամուրջ էր գցել, իսկ Ադրբեջանն էլ նույն քայլի դիմեց և մոդելավորեց նույն ժամանակավոր կամուրջը, որն օգտագործվում է պատերազմի ժամանակ։ Ուստի նա այդպիսով փորձեց սպառնալ Իրանին ու մկաններ ցույց տալ:
Թուրքիան քաղաքական տեսակետից իր շահերն է հետապնդում, իսկ Ադրբեջանը հարուստ երկիր է, և նավթի լավ վաճառք ունի, դա կարող է նավթային անցուղի լինել Թուրքիայի համար։ Արդյունքում Թուրքիան երբեք չի լքի Ադրբեջանին իր նյութական օգուտների համար:
Մյուս կողմից՝ Ուկրաինայի հարցում Արևմուտքը պնդում է, որ Իրանը օգնում է Ռուսաստանին, և փաստորեն, այս բոլոր հարցերը պատճառ են դարձել, որ արևմտյան երկրները մեր դեմ դիրքորոշվեն և չարաշահեն նաև հարևան երկրներին։ Հետեւաբար, եթե Ալիեւը հոխորտում է, բնականաբար պետք է նստի իր տեղը և հասկանա,որ սահմանափակ աշխարհագրություն ունի։