Մեկնաբանություն- Չինաստանի զեկույցը՝ ԱՄՆ-ում մարդու իրավունքների խախտումների վերաբերյալ
Չինաստանը հրապարակել է իր զեկույցը, 2022 թվականին ԱՄՆ-ում մարդու իրավունքների խախտումների վերաբերյալ։
Այդ զեկույցում անդրադարձ է կատարվել ԱՄՆ-ում մարդու իրավունքների իրավիճակի աննախադեպ անկմանը և քննադատության է ենթարկվել Վաշինգտոնը, այդ երկրի քաղաքացիների տարրական իրավունքներն ու ազատություններն անտեսվելու պատճառով:
Չինաստանի Պետական խորհրդի տեղեկատվական գրասենյակի հրապարակած «2022 թվականին ԱՄՆ-ում մարդու իրավունքների խախտման մասին» զեկույցում ասված է-«ԱՄՆ-ում առկա են այնպիսի լուրջ խնդիրներ, ինչպես՝ ռասայական խտրականությունը, հրազենային բռնությունները, ոստիկանների բռնությունները և հարստության անարդար բաշխումը»:
«Ամերիկյան ոճի ժողովրդավարությունը կորցրել է իր հանրային աջակցությունը և ֆինանսական աջակցությունների միջոցով փորձ է արվում գաղտնի փոխել առաջիկա ընտրությունների արդյունքները:Միացյալ Նահանգներում մարդիկ գտնվում են իրավապահ ուժերի սպառնալիքների թիրախում, և դա այն դեպքում, երբ ԱՄՆ-ն իրեն ներկայացնում է որպես մարդու իրավունքների պաշտպան»,ասված է զեկույցում:
Չինաստանի կառավարությունը ամեն տարի հրապարակում է ԱՄՆ-ում մարդու իրավունքների վիճակի մասին զեկույց, որի նպատակն է լուսաբանել այդ երկրի քաղաքացիների նկատմամբ մարդու իրավունքների բնույթը:
ԱՄՆ-ում մարդու իրավունքների ոտնահարման վերաբերյալ տարեկան զեկույց ներկայացնելով Չինաստանը փորձում է քննարկելով այդ երկրում մարդու իրավունքների խախտման դեպքերը, աշխարհի հասարակական կարծիքին բացատրել հենց այդ երկրի քաղաքացիների, հատկապես գունամորթների նկատմամբ Սպիտակ տան վարած քաղաքականության և ծրագրերի իրական բնույթը :
Գլոբալիզացիայի հետազոտությունների ամերիկյան կենտրոնի հետազոտող Սթիվեն Լենդմանը ասում է.-«ԱՄՆ-ն միայն խոսքով դեմոկրատական երկիր է, բայց գործնականում, ունենալով հազարավոր բանտարկյալներ, ունի ամենամեծ թվով բանտերը և մարդու իրավունքների ամենամեծ ոտնահարողն է աշխարհում: 2001 թվականի սեպտեմբերի 11-ից հետո Ջորջ Բուշը որպես գործադիր բարձրագույն պաշտոնյա, խոշտանգումների քաղաքականությունը օրինական հայտարարեց, և դա ոտնահարեց բազմաթիվ մարդկանց, այդ թվում՝ մուսուլմանների իրավունքները»։
Չնայած մարդու իրավունքների վերաբերյալ իր հավակնություններին, ԱՄՆ-ի կառավարությունը մարդու իրավունքների չափանիշների պահպանման առումով սև վկայական ունի և ուղղակիորեն ու անուղղակիորեն ոտնահարում է այլ երկրների մարդու անօտարելի իրավունքները:
Այլ երկրներում հատկապես Իրաքում և Աֆղանստանում պատերազմ հրահրելը, , ԱՄՆ-ի կողմից մարդու իրավունքների ուղղակի խախտումներից է միջազգային ասպարեզում։
Անկախ և Միացյալ Նահանգների գերիշխանական քաղաքականությանն ընդդիմացող երկրների դեմ միակողմանի, հատկապես դեղորայքի ոլորտում պատժամիջոցների կիրառումը Միացյալ Նահանգների կողմից մարդու իրավունքների անուղղակի խախտումներից է։
ԱՄՆ-ում մարդու իրավունքների խախտումների վերաբերյալ Չինաստանի զեկույցում նշվել է.«Միացյալ Նահանգները միակողմանի պատժամիջոցներ է սահմանել աշխարհի ավելի քան 20 երկրների դեմ, այդ թվում՝ Կուբայի՝ 1962 թվականից, Իրանի՝ 1979 թվականից, Սիրիայի՝ 2011 թվականից և Աֆղանստանի դեմ վերջին տարիներին»։
Այս երկրի ներսում և դրսում ԱՄՆ-ի վարած մարդու իրավունքների դեմ քաղաքականության խորությունը պատճառ է դարձել,որ ԱՄՆ-ն աշխարհում ճանաչվի,որպես մարդու իրավունքների ամենամեծ ոտնահարողը:
ԱՄՆ-ի կառավարությունը մարդու իրավունքների հարցը վերածել է Սպիտակ տան գերիշխանությանն ընդդիմացող երկրների դեմ քաղաքական ճնշում գործադրելու և հոգեբանական պատերազմ սանձազերծելու գործիքի, որն, իհարկե, կորցրել է իր արդյունավետությունը և տարբեր երկրներում մարդիկ այլևս չեն հավատում մարդու իրավունքները պաշտպանելու վերաբերյալ ԱՄՆ-ի անհիմն հայտարարություններին:
