Մամուլի տեսություն - 03.06.2023

BRICS-ի անդամ 5 երկրներ սատարել են Իրանի անդամակցությունն այս խմբին և Թեհրանի միանալն այս խմբին համարել են ձեռնտու նրա անդամների համար։

Ջամե Ջամ օրաթերթ

BRICS-ի անդամ 5 երկրներ աջակցում են Իրանի անդամակցությանը

Անդրադառնալով BRICS-ի անդամ 5 երկրների աջակցությանը այս խմբին Իրանի անդամակցությանը, Իրանի ԱԳ նախարարն ասել է. «Մենք սպասում ենք, որ նրանք մեզ տեղեկացնեն մոտ ապագայում նոր անդամի ընդունման համար համաձայնեցված մեխանիզմի մասին»։

Երեկ Հարավային Աֆրիկայում կայացած BRICS+ հանդիպման ժամանակ առաջին անգամ Իրանի և մի շարք այլ երկրների արտաքին գործերի նախարարները հրավիրվել էին մասնակցելու վերոնշյալ հանդիպմանը։ Այս հանդիպմանը, որը Իրանի անդամակցության դիմումի վերանայման և BRICS-ի հինգ հիմնական անդամ երկրներին համալրվելու նախնական քայլերի սկիզբն է, Իրանի Իսլամական Հանրապետությունը կարողացավ արտահայտել իր դիրքորոշումները։

 

Իրան օրաթերթ

Լավրովի և Ամիր Աբդոլլահյանի խորհրդակցությունը ՀԳՀԾ-ի, պատժամիջոցների վերացման շուրջ  և կովկասյան հարցերի վերաբերյալ

Իրանի ԱԳ նախարար Հոսեյն Ամիրաբդոլլահյանը Հարավային Աֆրիկայի Քեյփթաուն քաղաքում կայացած ԲՐԻԿՍ-ի հանդիպման շրջանակում հանդիպել և զրուցել է ՌԴ ԱԳ նախարար Սերգեյ Լավրովի հետ։ Այս հանդիպմանը քննարկվել են ՀԳՀԾ-ի վերջին կարգավիճակը և պատժամիջոցների վերացման բանակցությունները, կովկասյան խնդիրները, տարածաշրջանային համագործակցության և Հարավային Կովկասի հարցերով եռակողմ և վեցակողմ նախաձեռնությունները, համագործակցությունը Կասպից ծովի տարածքում, շարունակական համագործակցությունը Հյուսիս-Հարավ տարանցիկ միջանցքի ավարտին, իրականացումը:

Նաև քննարկվել են Սիրիայի հարցով տնտեսական ներդրումների, մշակութային համագործակցության, էներգետիկայի, բանկային, հյուպատոսական և Աստանայի գործընթացում ձեռք բերված պայմանավորվածությունների մասին։

 

Էթեմադ օրաթերթ

Ստեղծված իրավիճակում Իսրայելը չունի Ատոմային էներգիայի միջազգային գործակալության վրա ազդելու հնարավորություն

Միջազգային հարաբերությունների վերլուծաբան Ռեզա Նասրին ասել է.«Թվում է, թե ներկա իրավիճակում Իսրայելը կարողություն ունի ազդելու գործակալության մոտեցման վրա»։ Եթե ​​նա ցանկանում է լարվածություն կամ ճնշում գործադրել ներկայիս դիվանագիտական ​​գործընթացի վրա, անպայման կգործի այս շրջանակից դուրս։

 

Ջավան օրաթերթ

Արվեստի գեղագիտությունը Իմամ Խոմեյնիի մտքերում

Իմամ Խոմեյնին որպես կրոնագետ և մշակութային և գեղարվեստական ​​ասպարեզում քաղաքական առաջնորդ ներկայացրեց նաև նշանակալից տեսակետ, որը հանգեցրեց դպրոցական արվեստի շարժման ձևավորմանը՝ որպես իսլամական հեղափոխության գեղարվեստական ​​կերպար։

Իմամը իր գրքում ներկայացնում է արվեստի համապարփակ սահմանում, որը դպրոցական արվեստի հոսքի հիմնական հիմքն է և հետևողականություն է հաղորդում Իրանի ժամանակակից արվեստին։

Գրքում ասվում է. «Գեղեցիկ և մաքուր արվեստ է, որը կործանում է ժամանակակից կապիտալիզմը, կործանում է բարգավաճման և շքեղության իսլամը, էկլեկտիզմի իսլամը, փոխզիջման իսլամը, բարեկեցիկ և ցավազուրկների իսլամը և մի խոսքով ամերիկյան իսլամը»:

 

tert.am

Ադրբեջանական քարոզչական մեքենան կրկին ակտիվացել է` դրսևորվելով երկու ուղղություններով. Տիգրան Աբրահամյան

Վերջին 3 օրերին ադրբեջանական քարոզչական մեքենան կրկին ակտիվացել է` դրսևորվելով երկու ուղղություններով: Այս մասին իր ֆեյսբուքյան էջում գրել է ԱԺ «Պատիվ ունեմ» խմբակցության քարտուղար Տիգրան Աբրահամյանը։

«Առաջին, Արցախի ու Հայաստանի ուղղությամբ հրադադարի խախտումներ հրահրելով փորձում է իրավիճակի պատասխանատվությունը բարդել հայկական զինուժի վրա:

Երկրորդ, արդեն քանի օր է Ադրբեջանից հրապարակվում է Իվանյան (նախկ. Խոջալու) բնակավայրի հարևանությամբ գտնվող զորավարժարանից` ԱԹՍ-ից արված կադրեր, որտեղ երևում է կրակային պատրաստություն իրականացնող հայկական փոքր ստորաբաժանումներ:

Ադրբեջանի` ամենօրյա ռազմական հոխորտանքների, հայաստանյան իշխանության փախուստի և միջազգային հանրության լռության պայմաններում, Արցախի ինքնապաշտպանության խնդիրը մնացել է այնտեղ ապրող մեր հայրենակիցների վրա:

Ինժեներական-ամրաշինական աշխատանքները, մարտական պատրաստություն, իրավիճակից բխող մյուս գործողություններն ունեն մեկ նպատակ` ԻՆՔՆԱՊԱՇՏՊԱՆՎԵԼ, ինչը հատկապես տրամաբանական է Ադրբեջանից հնչող սպառնալիքների համատեքստում:

Հայաստանի իշխանությունը միջազգային բանակցություններում ոչ միայն ջանքեր չի գործադրում Ադրբեջանի հնարավոր ագրեսիան կանխելու, Արցախի ապաշրջափակմանը հասնելու համար, այլ հանդես է գալիս այնպիսի դիրքերից, ինչը միայն բարենպաստ վիճակ է ստեղծում միջազգային դերակատարների հանցավոր լռության և Ադրբեջանի լկտիության առումով», - գրել է նա:

 

tert.am

Հայաստանի և Ադրբեջանի փոխվարչապետերի հանդիպմանը ձեռք է բերվել ընդհանուր փոխըմբռնում Երասխ-Ջուլֆա-Մեղրի-Հորադիզ երկաթուղային հաղորդակցության մասին. պաշտոնական

Կայացել է Հայաստանի Հանրապետության, Ռուսաստանի Դաշնության և Ադրբեջանի Հանրապետության փոխվարչապետերի համանախագահությամբ եռակողմ աշխատանքային խմբի հերթական նիստը։ Այս մասին հայտնել է փոխվարչապետ Մհեր Գրիգորյանի գրասենյակը։

«Հայաստանի Հանրապետության, Ռուսաստանի Դաշնության և Ադրբեջանի Հանրապետության ղեկավարների` ս.թ. մայիսի 25-ին Մոսկվայում կայացած հանդիպման ընթացքում ձեռք բերված պայմանավորվածությունների իրականացման նպատակով հունիսի 2-ին ՌԴ մայրաքաղաքում կայացել է Հայաստանի Հանրապետության փոխվարչապետ Մհեր Գրիգորյանի, Ռուսաստանի Դաշնության փոխվարչապետ Ալեքսեյ Օվերչուկի և Ադրբեջանի Հանրապետության փոխվարչապետ Շահին Մուստաֆաևի համանախագահությամբ եռակողմ աշխատանքային խմբի 12-րդ նիստը:

Նիստն անցել է կառուցողական մթնոլորտում: Գոհունակությամբ էական առաջընթաց է արձանագրվել Հայաստանի Հանրապետության և Ադրբեջանի Հանրապետության միջև տրանսպորտային հաղորդակցությունների ապաշրջափակման կազմակերպման եղանակների համաձայնեցման հարցում:

Մասնավորապես ձեռք է բերվել ընդհանուր փոխըմբռնում Երասխ-Ջուլֆա-Մեղրի-Հորադիզ երթուղով երկաթուղային հաղորդակցության վերականգման և կազմակերպման ուղղությամբ կոնկրետ քայլերի իրականացման հարցում:

Կայացած բանակցությունների արդյունքները կզեկուցվեն Հայաստանի Հանրապետության, Ռուսաստանի Դաշնության և Ադրբեջանի Հանրապետության ղեկավարներին:

Կողմերը պայմանավորվել են շարունակել աշխատանքները Եռակողմ աշխատանքային խմբի շրջանակներում»,- ասված է հաղորդագրության մեջ:

 

news.am

Կոչ ենք անում Փաշինյանին վերանայել Արցախի հարցում իր դիրքորոշումը․ Կանադայի Հայ դատի հանձնախումբ

Կանադայի Հայ Դատի հանձնախումբը (ANCC-Armenian National Committee of Canada) հատուկ հաղորդագրութմամբ իր խորը հիասթափությունն ու մերժումն է հայտնում   Հայաստանի վարչապետ Նիկոլ Փաշինյանի վերջին հայտարարության առնչությամբ՝ Արցախի Հանրապետությունը (Լեռնային Ղարաբաղը) Ադրբեջանի մաս ճանաչելու կապակցությամբ։

Հաղորդագրության մեջ նշվում է, որ եթե այդ հայտարարությունը գործադրության դրվի՝ լրջորեն պիտի նսեմացվեն Արցախի ժողովրդի անկախության բազմադարյան ձգտումը, ինքնորոշման իրավունքը եւ միջազգայնորէն միջնորդված խաղաղության գործընթացը։

«Արցախի ժողովուրդը տարիներ շարունակ դիմակայել է դժվարություններին՝ ձգտելով պաշտպանել իր մշակութային ինքնությունը, պահպանել իր ժառանգությունը եւ պաշտպանել ապահով և բարօր հայրենիքի մեջ ապրելու իր իրավունքը։

Արցախահայության ազգային ինքնորոշման համար մղված պայքարը ճանաչված է բազմաթիվ միջազգային կառույցներիւ կողմից եւ հաստատագրված միջազգային իրավունքի սկզբունքներով: Վարչապետ Փաշինյանի հայտարարությունը ոչ միայն արհամարհում է Արցախի ժողովրդի  կամքը, այլեւ անտեսում է նրա հիմնարար իրավունքները։

Կանադան եւ միջազգային ընտանիքի մյուս անդամները պետք չէ խրախուսեն Հայաստանի վարչապետի որդեգրած քաղաքականությունը եւ պետք է վերահաստատեն իրենց դիրքորոշումը Արցախի հակամարտությունը լուծելու ինքնորոշման սկզբունքի հիման վրա, ինչպես նշված է Հելսինկեան սկզբունքների մեջ։

 

news.am

Ինչո՞ւ Նիկոլին տարան Անկարա. Վահե Հովհաննիսյան

Վստահաբար, Անկարայում թե´ Էրդողանը, թե´ Ալիևը նշելու են հայերին ջարդելու փաստը՝ որպես համատեղ եղբայրության գրավական։ Այս մասին իր ֆեյսբոեւքյան էջում գրել է «Այլընտրանքային նախագծեր» խմբի անդամ Վահե Հովհաննիսյանը:

«Ինչո՞ւ Նիկոլին տարան Անկարա

Հասարակությունները, որոնք չեն վիրավորվում, սովորաբար շատ ծանր աղետներ են ստանում։ Վիրավորվելը շատ կարևոր է կենսունակ լինելու համար։

Ներկայիս հայ հասարակությունը, ցավոք, չի վիրավորվում։

Էրդողանը 100 անգամ հպարտացել է, որ իր ուղարկած զենքերով են սպանել 5000 հայ, գրավել մեր հայրենիքը։ Ու Նիկոլը գնում է Էրդողանի երդմնակալությունը։ Ու հայ հասարակությունը չի վիրավորվում։

Հնում պատերազմ հաղթող կողմը պարտվածի թագավորին տանում էր որպես ռազմավար։ Հիմա լրիվ նույն վիճակն է։ Թուրքերը Նիկոլին տանում են Անկարա՝ որպես ռազմավար, ցույց տալով, որ ջարդեցինք Հայաստանը, հաղթեցինք, սպանեցինք, հիմա էլ նրանց «Թագավորին» ենք բերել՝ ի տես։

Վստահաբար, Անկարայում թե´ Էրդողանը, թե´ Ալիևը նշելու են հայերին ջարդելու փաստը՝ որպես համատեղ եղբայրության գրավական։

Կարող է ժեստ անեն ու տեղում «ներում շնորհեն» նրան։ Դա էլ է ընդունված ավանդույթ։

Ինձ չի հետաքրքրում՝ Նիկոլը դրանից կնեղվի, թե չէ, ինչ կզգա կամ չի զգա։ Ողբերգությունն այն է, որ հայ հասարակությունը դրանից չի վիրավորվելու։ Ու հարյուրավոր հայեր նրան դիմելու են «մեծարգո»-ով, հազարներով շարունակելու են աշխատել նրա նկարի տակ»,- գրել է նա։

 

news.am

Էրդողանը պաշտոնապես դարձավ Թուրքիայի նախագահ

Թուրքիայի նախագահ Ռեջեփ Թայիփ Էրդողանին հանձնվեց  Բարձրագույն ընտրական խորհրդի արձանագրությունը Թուրքիայում նախագահական ընտրությունների երկրորդ փուլում հաղթելու մասին, այնուհետեւ Թուրքիայի նախագահը երդվեց Ազգային մեծ ժողովում (խորհրդարանում) եւ պաշտոնապես ստանձնեց պաշտոնը։ Այս մասին տեղեկացնում է «ՌԻԱ Նովոստի»-ն։

Էրդողանի հաղթանակի մասին արձանագրությունը Թուրքիայի նախագահին է հանձնել Ազգայնական շարժում կուսակցության առաջնորդ եւ տարիքով ավագ պատգամավոր Դեւլեթ Բահչելին։

Այնուհետեւ Էրդողանը երդվել է՝ դրանով իսկ ստանձնելով Թուրքիայի նախագահի պաշտոնը։ Հնչել է Թուրքիայի օրհներգը։ Երդումից հետո Էրդողանը կայցելի Աթաթյուրքի դամբարան (Անըթքաբիր)։

«Հանրապետական դաշինքի», որը գլխավորում է կառավարող Արդարություն եւ զարգացում կուսակցությունը (AK Parti), միասնական թեկնածուն՝ Էրդողանը, վերընտրվել է Թուրքիայի նախագահ, նա հավաքել է ընտրողների ձայների ավելի քան 52 տոկոսը։ Նրա մրցակիցը՝ ընդդիմադիր «Ժողովրդական դաշինքի» միասնական թեկնածու Քեմալ Քըլըչդարօղլուն, հավաքել է ձայների 47,82 տոկոսը։

 

armenpress.am

Հայաստանի նախագահը ցավակցություն է հայտնել Հնդկաստանում տեղի ունեցած ողբերգական երկաթուղային վթարի կապակցությամբ

ԵՐԵՎԱՆ, 3 ՀՈՒՆԻՍԻ, ԱՐՄԵՆՊՐԵՍ։ Հայաստանի նախագահ Վահագն Խաչատուրյանը ցավակցություն է հայտնել Հնդկաստանում գնացքների բախման հետևանքով տեղի ունեցած ողբերգական վթարի կապակցությամբ:

«Իմ խորին և անկեղծ ցավակցությունն եմ հայտնում Հնդկաստանի բարեկամ ժողովրդին և ղեկավարությանը Օդիշայում տեղի ունեցած սարսափելի երկաթուղային աղետի կապակցությամբ, որը հարյուրավոր անմեղ կյանքեր է խլել: Ցավակցում եմ զոհվածների ընտանիքներին և շուտափույթ ապաքինում մաղթում բոլոր տուժածներին»,- «Թվիթեր»-ի իր միկրոբլոկում գրել է նախագահը։

Հնդկաստանում երկու մարդատար և մեկ բեռնատար գնացքների բախման հետևանքով զոհերի թիվը վերջին տվյալներով հասել է 288-ի, վիրավորների թիվը՝ 900-ի։

 

armenpress.am