Մամուլի տեսություն - 13.11.2023

Սպիտակ տունն ու սիոնիստները ոչ միայն չեն կարողացել ռազմական ոլորտում ինչ-որ բանի հասնել պաղեստինցիների դեմ, այլև համաշխարհային հասարակական կարծիքը կանգնած է Գազայի և Պաղեստինի թիկունքում։

Էթեմադ օրաթերթ

Haaretz. Գազայի հակամարտությունը «ավելի բարդ է», քան նկարագրել էր Նեթանյահուն

Իսրայելցի ռազմական փորձագետ Ամոս Հարիելը Haaretz թերթում գրել է. «Գազայի հատվածում հակամարտությունները ավելի բարդ են, քան այն, ինչ պատկերել էր Բենիամին Նեթանյահուն»։

Նույն իսրայելական թերթում հրապարակված հոդվածում Հարիելն ասել է. «Իսրայելական բանակի հրամանատարների և Գազայի հատվածում մարտը ղեկավարողների հետ քննարկումները ցույց տվեցին, որ պատերազմի պատկերն ավելի բարդ է, քան թվում է՝ հաշվի առնելով ՀԱՄԱՍ-ի ուժերի ներկայիս ռազմական գործողությունների բնույթը»։ 

Քեյհան  օրաթերթ

Ամերիկայի և Սիոնիստական ​​ռեժիմի անգործունեությունը ռազմական ոլորտում և հասարակական կարծիքում

Սիոնիստները ոչ միայն չեն կարողացել որևէ բանի հասնել ռազմական ոլորտում, այլև համաշխարհային հասարակական կարծիքը կանգնած է Գազայի և Պաղեստինի թիկունքում։ Մինչդեռ Պաղեստինին աջակցելու բազմաթիվ սահմանափակումներ կան։ Վիճակագրությունը վկայում է նաև Գազայում օկուպացիոն ուժերի մեծ թվի զոհերի մասին։

Շուրջ երեք շաբաթ է, ինչ սիոնիստները սկսել են Գազայում ցամաքային գործողությունների համակողմանի ջանքերը, և այժմ, մոտ 18 օր անց, Սիոնիստական ​​ռեժիմը դեռևս ոչնչի չի հասել Գազայի մարտադաշտում:

Վաթանե Էմրուզ

Իրանական կինոն ընդդեմ սիոնիզմի

Իրանցի 126 հայտնի կինեմատոգրաֆիստներ ՄԱԿ-ի գլխավոր քարտուղարին ուղղված նամակում, դատապարտելով Գազայի ճնշված ժողովրդի սպանությունը, պահանջել են անհապաղ զինադադար հաստատել Գազայի հատվածում։

Թեհրանի խաղաղության թանգարանը և Կինոթատրոնի մի տունը հայտարարությանբ դատապարտել են Գազայի հատվածում խաղաղ բնակիչների սպանությունը և կոչ են արել անհապաղ դադարեցնել կրակը: Մինչ այժմ այս հայտարարությունը ստորագրել են Խաղաղության թանգարանի և կինոյի ավելի քան 100 քիմիական վետերաններ, ինչպիսիք են Դավուդ Միրբաղերին, Մաջիդ Մաջիդին, Փարվիզ Փարասթուին, Ռեզա Քիանյանը, Լեյլա Հաթամին և այլն։

Ջավան օրաթերթ

Բայդենի քաղաքականության փլուզումը Արևմտյան Ասիայում

ԱՄՆ պետքարտուղար Էնթոնի Բլինկենի վերջին դիվանագիտական ​​այցը Մերձավոր Արևելք նվաստացուցիչ ձախողում էր և ցույց տվեց, որ ԱՄՆ նախագահ Ջո Բայդենը հայտնվել է արտաքին քաղաքականության ծուղակի մեջ, որն ինքն է ստեղծել:

Ամեն ինչ՝ սկսած Գազայի ճակատագրից մինչև տարածաշրջանային պատերազմի հնարավորությունը, որի ժամանակ Եմենից մինչև Սիրիա կարող են ակտիվանալ դիմադրության բոլոր ճակատները, կախված է Բայդենի մոտեցումների փոփոխությունից և Իսրայելի լարվածության ստեղծման սահմանափակումների կիրառումից:

Բայդենի արտաքին քաղաքականությունը խրված է իր իսկ նախագծած դժվարին թակարդում և անօգնական՝ իր իսրայելցի, արաբ և թուրք գործընկերների հանդեպ ստանձնած պարտավորությունների միջև: Հրադադարի և պատանդների ազատ արձակման համար դեռ ժամանակ կա, սակայն Բայդենի վարչակազմը նախ պետք է վերջ տա իր մոլորություններին։

tert.am

ԵՄ երկրների ԱԳ նախարարները Երևանի ու Բաքվի միջև բանակցությունները կքննարկեն Բրյուսելում

ԵՄ երկրների արտաքին գործերի նախարարներն այսօր Բրյուսելում կայանալիք նիստում կքննարկեն Լեռնային Ղարաբաղի շուրջ ստեղծված իրավիճակը, մասնավորապես Հայաստանի եւ Ադրբեջանի միջեւ խաղաղ բանակցությունները, ինչպես նաեւ Եվրամիության աջակցությունը Երեւանին:

Լրագրողների հետ զրույցում այս մասին ասել է ԵՄ բարձրաստիճան ներկայացուցիչը։

Դիվանագետը հայտնել է, որ հնարավոր է` Եվրամիությունն ընդլայնի իր դիտորդական առաքելությունը Հայաստանում՝ ի պատասխան Ադրբեջանի կողմից ՀՀ-ի ինքնիշխանության ու տարածքային ամբողջականության դեմ սպառնալիքների:

Բացի այդ, ըստ ԵՄ ներկայացուցչի` կազմակերպությունը քննարկում է, թե ինչպես Հայաստանին աջակցի կայունության ամրապնդման գործում, այդ թվում՝ անվտանգության ոլորտում:

tert.am

Հայաստանը չի կատարել պարտավորությունները․ Ալիևը՝ «Զանգեզուրի միջանցքի» մասին

.

Նոյեմբերի 13-ին Ադրբեջանի նախագահ Իլհամ Ալիևն ընդունել է ԵԱՀԿ Խորհրդարանական վեհաժողովի նախագահ Պիա Կաումային։

Այս մասին հայտնում է ադրբեջանական ԱՊԱ գործակալությունը։

Հանդիպմանը մտքերի փոխանակում է տեղի ունեցել Հարավային Կովկասի տարածաշրջանում տիրող իրավիճակի և ԵԱՀԿ Խորհրդարանական վեհաժողովի դերի շուրջ։

Ադրբեջանի ղեկավարն ընդգծել է, որ Հայաստանը իբր չի կատարել 2020 թվականի եռակողմ համաձայնագրի հայտարարությունից բխող պարտավորությունները․

«Բացի այդ, Հայաստանը չի կատարել «Արևելյան Զանգեզուրի» և Նախիջևանի միջև կապ ստեղծելու իր պարտավորությունները»,-ասել է նա։

Ալիևը նշել է, թե այս հարցերն անցյալում են և ներկայումս տարածաշրջանում խաղաղության օրակարգի համար շատ լավ հնարավորություններ կան․

«Ադրբեջանը Հարավային Կովկասում կայուն խաղաղության կողմնակից է, և աջակցում է տարածաշրջանային խաղաղության օրակարգին, հարաբերությունների կարգավորմանը և Հայաստանի հետ խաղաղության պայմանագրի ստորագրմանը»։

tert.am

Մեծ Բրիտանիայի նախկին վարչապետ Քեմերոնը նշանակվել է արտգործնախարար

Մեծ Բրիտանիայի նախկին վարչապետ Դեյվիդ Քեմերոնը նշանակվել է այդ երկրի արտգործնախարարի պաշտոնում։ Այդ մասին քիչ առաջ հայտարարել է Միացյալ Թագավորության վարչապետի աշխատակազմը:

Քեմերոնը բրիտանական կառավարությունը ղեկավարում էր 2010-2016 թվականներին։

Նրա կառավարությունն էր, որ համաձայնելով Պահպանողական կուսակցության ներսում հնչող պահանջներին՝ համաձայնեց Մեծ Բրիտանիայի՝ Եվրամիությունից դուրս գալու հանրաքվե անցկացնել, ինչի արդյունքում երկիրը լքեց դաշինքը։

tert.am

Փարիզի քաղաքապետը միացել է Բաքվում պահվող 55 հայ քաղբանտարկյալներին ազատ արձակելու պահանջին

Փարիզի քաղաքապետ Ան Իդալգոյի հետ պահանջել ենք ազատ արձակել Ադրբեջանում պահվող 55 հայ քաղբանտարկյալներին:

Այս մասին X-ի իր միկրոբլոգում գրել է Ֆրանսիայի հայկական կազմակերպությունների համակարգող խորհրդի (CCAF) համանախագահ Մուրադ Փափազյանը։

armenpress.am

Հայաստանն ու Իրանը կարող են եռապատկել «գազ՝ էլեկտրաէներգիայի դիմաց» ծրագրի ծավալները․ դեսպան

Հայաստանն ու Իրանը կարող են ավելացնել «գազ՝ էլեկտրաէներգիայի դիմաց» ծրագրի ծավալները։

Ինչպես հաղորդում  է «Արմենպրես»-ը, այդ մասին «Սիվիլնեթ»-ին տված հարցազրույցում ասել է Հայաստանում Իրանի դեսպան Մեհդի Սոբհանին։

«Երկու երկրների միջև առկա է գազի գիծ և մենք երկու ամիս առաջ երկարաձգեցինք «գազ՝ էլեկտրաէներգիայի դիմաց» պայմանագիրը: Դա երկու երկրների հարաբերություններում մեծ և ռազմավարական քայլ էր: Այդ պայմանագրի շնորհիվ մենք կկարողանանք ավելացնել Հայաստանից էլեկտրաէներգիայի ներմուծումը գազի դիմաց, եռապատկել կամ նույնիսկ քառապատկել այն: Շատ լավ ծրագրեր ունենք Հայաստանի հետ: Ունենք երրորդ էլեկտրահաղորդման գիծը, որ հուսով եմ առաջիկա ամիսների ընթացքում ավարտին կհասցվի»,- ասել է նա։

Դեսպանը հիշեցրել է, որ նախորդ տարի Հայաստանի և Իրանի միջև առևտրաշրջանառության ծավալը 711 միլիոն դոլար է կազմել։ Նա հույս է հայտնել, որ այս տարի այդ թիվը մոտ մեկ միլիարդի կհասնի:

«Կա նաև Ագարակ-Քաջարան 32 կիլոմետրանոց ճանապարհի նախագիծը, որը նույնպես ռազմավարական կարևորության է և ամենամեծ նախագիծն է, որը կնքվել է Հայաստանի կառավարության և իրանական ընկերությունների միջև: Մենք միշտ խրախուսել ենք ուրիշ իրանական ընկերություններին, որ գան Հայաստան և օգտվեն Հայաստանում աշխատանքի լավ հնարավորություններից, այստեղ արտադրեն և արտահանեն ուրիշ երկրներ: Ընդհանուր առմամբ, կարող եմ ասել, որ մեր առևտրային և տնտեսական կապերը զարգացման լավ դինամիկա ունեն և մենք վճռականորեն շարունակելու ենք այդ ուղին»,- նշել է Սոբհանին։

armnepress.am

ՀՀ Ազգային ժողովը կհյուրընկալի ԵԱՀԿ ԽՎ աշնանային նստաշրջանը

Հայաստանի Հանրապետության Ազգային ժողովը նոյեմբերի 18-20-ը կհյուրընկալի Եվրոպայի անվտանգության եւ համագործակցության կազմակերպության խորհրդարանական վեհաժողովի աշնանային նստաշրջանը՝ «ԵԱՀԿ-ն ճգնաժամի պահերին. Խորհրդարանական վեհաժողովի դերը ներքին եւ արտաքին մարտահրավերները հակազդելու գործում» խորագրի ներքո:

«Արմենպրես»-ին այս մասին հայտնեցին Հայաստանի Ազգային ժողովից։Հայաստանը հունիսի 13-ին ՀՀ ԱԺ նախագահի անունից պաշտոնական նամակով դիմել էր ԵԱՀԿ ԽՎ նախագահին եւ գլխավոր քարտուղարին՝ հայտնելով, որ Հայաստանի խորհրդարանը պատրաստ է աշնանային նստաշրջանն անցկացնել Երեւանում:Հայաստանում կհյուրընկալվեն կառույցի 57 անդամ պետությունների պատվիրակությունների շուրջ 300 պատգամավորներ: Կքննարկվեն Հարավային Կովկասի տարածաշրջանին առնչվող հարցեր: Նախատեսվում են նաեւ երկկողմ հանդիպումներ: