ԱՄՆ-ը և ներքին ահաբեկչության մարտահրավերը
ԱՄՆ-ի նախագահը հերքել է Օրլանդոյի գիշերային ակումբներից մեկում տեղի ունեցած ահաբեկչական հարձակման կապը ահաբեկչական մեծ դավադրության հետ:
«Այս դեպքը վկայում է ԱՄՆ-ում ներքին ծայրահեղականության գոյության մասին»,-ասել է Օբաման:
Կիրակի օրը ԱՄՆ Ֆլորիդա նսհանգի Օրլանդոյում տեղի ունեցած հարձակումն ամենամեծ մասայական սպանությունն է համարվում 2001 թվականի 11-սեպտեմբերյան դեպքերից հետո: Դեպքից հետո, հասարակական կարծիքի ուշադրության կենտրոնում են հայտնվել ծայրահեղական խմբերի սպառնալիքներն ու ահաբեկչական քալերը:
Չնայած լրատվամիջոցների լայն քարոզչություններին, ԱՄՆ-ի և այդ երկրի քաղաքացիների դեմ ուղղված անվտանգության սպառնալիքները արտասահմանյան բնույթ չունեն:
Համենայնդեպս ԱՄՆ-ում կան ծայրահեղական ու ահաբեկչական բազմաթիվ խմբեր: Ոմանք գտնում են, որ ԱՄՆ-ի պետությունը ձգտում է սահմանափակել քաղաքացիական ազատությունները: Մեկ այլ խումբ ռասայական մոտեցում ունի: Որոշ կրոնական խմբեր ծայրահեղականության ու բռնության են դիմում: Մի շարք ծայրահեղականներին էլ մտահոգում է այն հանգամանքը, որ համաշխարհայնացման բովում կվերանա ամերիկյան ինքնությունը:
Այս բոլորն այն դեպքում, երբ որոշ խմբավորումներ կոշտ վերաբերմունք են ցուցաբերում մի շարք հարցերի, այդ թվում համասեռականությսն և հղիության արհեստական ընդահտման նկատմամբ:
Անտարակույս, ԱՄՆ-ում շատ հզոր է ծայրահեղական ու բռնատիրական գաղափարների ձևավորման մթնոլորտը. Այն դեպքում, երբ այդ երկրում շատ դյուրին է հրազենին հասանելիություն ունենալը:
Օկլահոմա Սիթիի դաշնային շենքում ռմբադրությունը , կամ Չարլսթոնում սևամորթների եկեղեցում իրականացված հրաձգությունն ԱՄՆ-ում ներքին ահաբեկչության դեպքերից են համարվում: Ավելի վաղ, ԱՄՆ-ի անվտանգության պաշտոնատարները հայտարարել էին, որ ներքին ահաբեկչության դեմ պայքարն ավելի դժվար է:
Անցած երկու տասնամյակներում, ԱՄՆ-ի կառավարության հակաահաբեկչական քայլերը կենտրոնացած են եղել միջազգային ահաբեկչության դեմ պայքարի վրա: Իսկ հենց այդ ժամանակահատվածում, ԱՄՆ-ում առավել քան երբևէ հզորացել է ներքին ահաբեկչությունը: Այնպես որ այդ երկրում ծնված երիտասարդը հրազենից օգտվելով ամենամեծ մասայական սպանությունն է իրականացնում: Ոստիկանության խոսքերով, Օմար Մաթինը դեմ էր համասեռականությանը և Օրլանդոյի գիշերային ակումբներից մեկում իրականացրած հարձակման ժամանակ ներշնչված է եղել ԻԼԻՊ-ի քարոզչություններից ու բռնության ձևերից:
Բարաք Օբամայի խոսքերով, այդ հարձակումը ԱՄՆ-ում արտասահմանցի ահաբեկիչների գործը չի եղել, այլ ներքին ահաբեկչություն ու ծայրահեղականության հետևանք է: Հետևաբար ԱՄՆ-ում ներքին ծայրահեղականությունը չկանխելու դեպքում, երկրի այլ շրջաններում ևս նման հարձակումների հավանականությունը չի բացառվում: