Օբաման զգուշացրել է Իսլամը չարաշահելու կապակցությամբ
Սպիտակ Տան խոսնակ՝ Ջաշ Էռնեստը հայտարարել է.«ԱՄՆ նախագահ՝ Բարաք Օբաման նախազգուշացրել է Իսլամը չարաշահելու կապակցությամբ»:
Սպիտակ Տանը կայացած մամլո ասուլիսի ժամանակ , Ջաշ Էռնեստն ասել է.«Բարաք Օբաման բազմիցս խոստովանել է, որ այն ինչ ԻԼԻՊ-ը և ծայրահեղական կազմակերպությունները ներկայացնում են , իսլամից շեղվածություն է նշանակում»:
Վկայակոչելով Օբամային, նա ասել է.«ԱՄՆ-ի ու արևմուտքի թշնամին իսլամ կրոնը չէ , այլ այն ծայրահեղականները, որոնք իսլամը խեղաթյուրում և այնպես են ներկայացնում ,որ ստեղծվում է տպավորություն, թե այն միայն կռվի ու պատերազմի կրոն է»:
Մուսուլմաններն արևմուտքում, ներառյալ ԱՄՆ-ում բազմիցս ընդգծել են, որ Իսլամի ու ծայրահեղականության միջև ոչ մի առնչություն չկա:
Արևմտյան լրատվամիջոցները արևմտյան պետությունների հետ համադրված քարոզչական հարձակումներ են սկսել Իսլամի ու մուսուլմանների դեմ և փորձում են Իսլամը ծայրահեղականությանը համազոր ներկայացնել ,որպեսզի ԱՄՆ-ում կամ արևմտյան այլ երկրներում մուսուլմանների վրա հարձակման ենթահող ստեղծվի: Կարելի է ասել ,որ Օբամայի վերջերս կատարած արտահայտությունները հակազդեցություն են ուղղված ԱՄՆ-ի հասարակության մեջ տիրող իսլամաֆոբիային:
2015 թ.-ի դեկտեմբերի 2-ին Կալիֆորնիա նահանգի Սան Բերնարդինո քաղաքում տեղի ունեցած ահաբեկչական ակտի հետևանքով սպանվեց 14 մարդ: Այդ օրվանից ԱՄՆ-ում խորացել է մուսուլմանների նկատմամբ ատելությունը:
Նման դեպքերը պատճառ են դարձել , որ ԱՄՆ-ում ծայրահեղական աջակողմյաններն իրենց նպատակների իրականացման համար փորձեն մուսուլմանների դեմ հոգեբանական պատերազմ շղթայազերծել: Ի դեպ ԱՄՆ նախագահի հանրապետական թեկնածու՝ Դոնալդ Թրամփը փորձել է առաջարկներ ներկայացնելով մուսուլմանների դեմ , ԱՄՆ-ի ժողովրդի համաձայնությունը շահել ու բարձրացնել իր վարկանիշը:
Թրամփը Սան Բերնարդինոյի և Օրլանդոյի ահաբեկչական դեպքերից հետո , պահանջել է ամբողջովին արգելել մուսուլմանների մուտքն ԱՄՆ:
Թրամփի հակաիսլամական արտահայտությունները դարձան պատրվակ ԱՄՆ-ի աջակողմյանների ու ցեղապաշտների ձեռքում և ԱՄՆ-ում իսլամական կենտրոնների ու մուսուլմանների դեմ հարձակումները դարձան հաճախակի: Ամերիկա-իսլամական հարաբերությունների խորհուրդը որոշ ժամանակ առաջ հրապարակած հաղորդագրությամբ հայտարարել է, որ Փարիզում ու Սան Բերնարդինոյում տեղի ունեցած հարձակումներից հետո, ԱՄՆ-ում մզկիթների ու մուսուլմանների վրա հարձակումներն ավելացել են: Խորհուրդը հայտարարել է, որ մուսուլմանների նկատմամբ բացասական զգացմունքները հետևանք են ԱՄՆ-ում տիրող քաղաքական մթնոլորտի:
Մյուս խնդիրն ԱՄՆ-ի անհերքելի դերն է ահաբեկչական-թաքֆիրական խմբավորումների, հատկապես ԻԼԻՊ-ի ստեղծման գործում, որի մասին խոստովանել է նույնիսկ ԱՄՆ-ի նախկին պետքարտուղար և դեմոկրատների առաջատար թեկնածու՝ Հիլարի Քլինթոնը:
Ամերիկացիներն իրենց արաբ ու արևմտյան դաշնակիցների հետ թաքֆիրական խմբերի, հատկապես ԻԼԻՊ-ի դեմ պայքարելու փոխարեն Միջին Արևելքում լոկ իրենց շահերի ուղղությամբ են քայլ կատարում և սատարում են ԻԼԻՊ-ին ու տասնյակ այլ ահաբեկչական խմբերին և արդյունքում այդ խմբերը կարողացել են մեծ թվով ուժեր ներգրավելով սարսափելի գործողություններ իրականացնել: Եվ այժմ ԻԼԻՊ ահաբեկչական խմբավորման թիրախում են հայտնվել նաև այն ստեղծող արևմտյան երկրներն, այդ թվում ԱՄՆ-ն: