Մամուլի տեսություն 03-08-2016
ՄԱԿ-ի աղբյուրները հայտարարել են,որ Եմենի դեմ շղթայազերծած պատերազմի կապակցությամբ Սաուդյան Արաբիան բավարար փաստեր չունի իր անունը սև ցուցակից հանելու համար:
Համշահրի
ՄԱԿ-ի աղբյուրները հայտարարել են ,որ Սաուդյան Արաբիան բավարար փաստեր չի ներկայացրել սև ցուցակից իր անունը հանելու համար
ՄԱԿ-ի աղբյուրները հայտարարել են,որ Եմենի դեմ շղթայազերծած պատերազմի կապակցությամբ Սաուդյան Արաբիան բավարար փաստեր չունի իր անունը սև ցուցակից հանելու համար:
ՄԱԿ-ի պատասխանատուները մտադիր են մեկնել Ռիադ արծարծված բազում հարցերի մանրամասներին ծանոթանալու նպատակով:
Երեխաների և զինված խմբերի վերաբերյալ ՄԱԿ-ի ամենամյա զեկույցում ասված է.«Սաուդյան կոալիցիան 2015 թվականին երեխաների 60 տոկոսի մահացության պատասխանատուն է : Անցած տարի զոհվել է 510 երեխա»:
Սաուդյան Արաբիայի գլխավորած կոալիցայում ընդգրկված են Արաբական միացյալ էմիրությունները, Քուվեյթը, Սենեգալը, Բահրեյնը, Կատարը, Սուդանը, Մարոկկոն,Եգիպտոսը և Հորդանանը:
Այն բանից հետո,երբ Սաուդյան Արաբիան ՄԱԿ-ին սպառնաց ,որ կդադարեցնի այդ կազմակերպությանն ուղղված իր ֆինանսական աջակցությունը, Պան Գի Մունն անմիջապես մի արձանագրություն ավելացնելով հունիսի վեցին հրապարակված զեկույցին, ժամանակավորապես Արաբական կոալիցիայի անունը հանեց սև ցուցակից: Այնուհետև որոշվեց վերստին գնահատման ենթարկել այդ զեկույցը: Ընդսմին Ռիադը հերքեց ՄԱԿ-ի նկատմամբ սպառնալիքի լեզվից օգտվելու փաստը:
Աննախադեպ քայլի դիմելով Պան Գի Մունը զեկույցի հարցով քննադատել է Սաուդյան Արաբիային՝ ՄԱԿ-ի նկատմամբ ճնշում գործադրելու համար:
---
Համշահրի
Էրդողան.«Թուրքիայի հեղաշրջումը ծրագրվել էր արտերկրում»
Թուրքիայի նախագահ Ռեջեբ Թայիբ Էրդողանը կրկին անգամ Արևմուտքին մեղադրել է ահաբեկչությանը և հեղաշրջման կազմակերպիչներին աջակցելու մեջ:«Ձախողած հեղաշրջումը Թուրքիայի ներսում չէր նախագծվել, արտերկրից թաքնված ձեռքեր ղեկավարել են հեղաշրջումը»,ասել է նա:
Էրդողանը Թուրքիայում ամերիկացի ավագ գեներալի հետ միաժամանակ արտահայտվելիս իր քննադատությունների հիմնական թիրախն է դարձրել ԱՄՆ-ին: Նա Վաշինգտոնի հետ ռազմավարական հարաբերությունների շարունակումը պայմանավորել է Ֆեթուլլահ Գյուլենի արտահանձնամբ, ով Էրդողանի համոզմամբ, անհաջող հեղաշրջման կազմակերպիչն է:
«Ինչ ռազմավարական դաշնակից եք, եթե այդ մարդուն թաքցնում եք ձեր երկրում: Ցավոք, Արևմուտքն աջակցում է ահաբեկչությանն ու կանգնած է խռովարարների կողքին »,- ասել է Էրդողանը`դիմելով ամերիկյան իշխանություններին:
Այդ արտահայտությունները ցույց են տալիս,որ ամերիկացի գեներալի բանակցությունները չեն բավարարել Թուրքիայի պաշտոնատարներին: Երեկ ԱՄՆ բանակի գլխավոր շտաբի պետն Անկարայի պաշտոնատարների հետ բանակցելուց հետո ասել է,որ Թուրքիայի պաշտոնատարների հետ ունեցած հանդիպումներում ոչ մի մեղադրանք չի հնչել:
Վաշինգտոնի և Անկարայի միջև երկու շաբաթ տևած լարվածությունից հետո, Գեներալ Ջոզեֆ Դանֆորդը Թուրքիայի ղեկավարներին սիրաշահելու նպատակով մեկնել էր Անկարա: Նա լրագրողներին տված հարցազրույցում ասել է.«ԱՄՆ բարձրաստիճան զինվորական պաշտոնատարը Թուրքիայի Ինջերլիկ ռազմաբազան հասնելուց հետո, անմիջապես այցելել է Անկարա, որպեսզի երկու երկրի միջև լարվածությունները մեղմելու նպատակով հանդիպում ու բանակցություն ունենա իր թուրք պաշտոնակցի, Թուրքիայի խորհրդարանի նախագահի և վարչապետի հետ:
---
News.am
Ներկա իրավիճակում մեծացել է ԼՂ խնդրի կարգավորման հավանականությունը. Մայքլ Ռուբին
Հարավային Կովկասում ստեղծված ներկա իրավիճակում աճել է Լեռնային Ղարաբաղի հիմնախնդրի կարգավորման հավանականությունը: Այս մասին հայտնել է «American Enterprise Institute » հաստատության վերլուծաբան Մայքլ Ռուբինը:
Նրա խոսքով, առաջին հերթին փոխվել է տարածաշրջանի կարեւոր դերակատար՝ Ռուսաստանի դիրքորոշումը. «Ռուսաստանը որոշել է, որ Հայաստանի եւ Ադրբեջանի միջեւ սառեցված հակամարտության փոխարեն Ռուսաստանի շահերից է բխում երկու երկրների միջեւ խաղաղությունը: Դա փոխում է Մոսկվայի հաշվարկները Երեւանի նկատմամբ»:
Վերլուծաբանի խոսքով, Մոսկվայի եւ Բաքվի հարաբերությունների բարելավումն իրականում կարող է դրական հետեւանքներ ունենալ. «Մինչ այդ Ռուսաստանը լիովին բավարարված էր ղարաբաղյան խնդրի սառեցված կարգավիճակով, սակայն, եթե Ռուսաստանը դիտարկի Հայաստանն ու Ադրբեջանը որպես իր դաշնակիցներ, ապա այն կարող է փորձել մեկընդմիշտ կարգավորել այս խնդիրը»:
Մայքլ Ռուբինի հետ համամիտ չէ «Ատլանտյան Խորհուրդ» հաստատության վերլուծաբան, Ուկրաինայում ԱՄՆ-ի նախկին դեսպան Ջոն Հերբսթը. «ԼՂ խնդրում առաջընթացի հեռանկարները չափազանց փոքր են, մասնավորապես, որովհետեւ այս խնդրում ներգրավված հիմնական դրսի ուժը Ռուսաստանն է եւ չեմ կարծում, որ Կրեմլը հետաքրքրված է այս հակամարտության կարգավորման մեջ»:
Միեւնույն ժամանակ, դեսպան Հերբսթի խոսքով, Միացյալ Նահանգները հաջորդ ամիսներին զբաղված է լինելու նախընտրական ներքին հարցերով եւ եթե տեղի չունենա ապրիլյան պատերազմի նման արտակարգ իրավիճակ, հավանաբար ակտիվորեն չի ներգրավվելու կարգավորման մեջ: Ի դեպ, անդրադառնալով ապրիլյան պատերազմին, Ջոն Հերբսթը նշեց, որ իր կարծիքով այն միանշանակ սկսել էր Բաքուն. «Այն իրականում նախաձեռնել էր ադրբեջանական կողմը եւ, իմ համոզմամբ դա լուրջ սխալ էր»:
Միացյալ Նահանգները սակայն կարող է ղարաբաղյան խնդրի իրական կարգավորման գործընթաց նախաձեռնել ընտրություններում նախկին պետքարտուղար Հիլարի Քլինթոնի հաղթանակի դեպքում, կարծում է նախկին դիվանագետը. «Պետքարտուղար Քլինթոնը հետաքրքրված կլինի ԼՂ խնդրի կարգավորման մեջ: Չեմ կարծում, որ դա լինելու է նրա առաջնահերթ հարցը, սակայն համոզված եմ, որ նա գործընթացին նոր շունչ կհաղորդի»:
Ինչ վերաբերում է ԱՄՆ-ի քաղաքականությանը Հարավային Կովկասում ընտրություններում Դոնալդ Թրամփի հաղթանակի դեպքում, ապա երկու վերլուծաբանները համաձայնեցին, որ այն կարող է լինել անկանխատեսելի:
