Մամուլի տեսություն 05-01-2017
Հունվարի 5-ի երեկոյան հայկական եկեղեցիներում նշվում է ճրագալույցի սուրբ պատարագը, որից հետո հավատացյալ մարդիկ եկեղեցիներից տուն են վերադառնում իրենց հետ տանելով ճրագները, որը խորհրդանշում է աստվածային լույսը և եկեղեցու օրհնությունը։
Հայ Եկեղեցին Հիսուս Քրիստոսի Ս. Ծննդյան տոնը նշում է հունվարի 6-ին, այլ ոչ դեկտեմբերի 25-ի
Հայ Առաքելական Ս. Եկեղեցին Հիսուս Քրիստոսի Ս. Ծննդյան տոնը նշում է հունվարի 6-ին:Կաթոլիկ եկեղեցին այդ տոնը նշում է դեկտեմբերի 25-ին: Մինչև 4-րդ դարը բոլոր քրիստոնյաները Ս. Ծնունդը նշել են հունվարի 6-ին: Սակայն անգամ քրիստոնեության ընդունումից հետո հռոմեացիները շարունակում էին հեթանոսական տոներ նշել: Դեկտմեբերի 25-ին մեծ շուքով նշվում էր արևի պաշտամունքին նվիրված տոնը: Հեթանոսական ավանդույթները խափանելու համար 336թ. Հռոմի եկեղեցին դեկտեմբերի 25-ը պաշտոնապես հռչակեց Հիսուս Քրիստոսի ծննդյան օր: Հետագայում Ասորիքում և գրեթե ողջ արևելքում Քրիստոսի Ծննդյան տոնի օրը փոխադրվեց դեկտմեբերի 25-ին, իսկ հունվարի 6-ը մնաց որպես Հիսուն Քրիստոսի Ս. Ծննդյան և Մկրտության օր:
Նշենք,որ Հունվարի 5-ի երեկոյան հայկական եկեղեցիներում նշվում է ճրագալույցի սուրբ պատարագը, որից հետո հավատացյալ մարդիկ եկեղեցիներից տուն են վերադառնում իրենց հետ տանելով ճրագները, որը խորհրդանշում է աստվածային լույսը և եկեղեցու օրհնությունը։ Սուրբ Ծնունդն սկսում ենք տոնել հունվարի 5-ի երեկոյան՝ շարունակելով այն նաև հունվարի 6-ին։ Ըստ Հայ Առաքելական Եկեղեցու, Ս. Ծննդյանը նախորդող մեկ շաբաթը պահոց շրջան է: Դեկտեմբերի 30-ից մինչև հունվարի 5-ի երեկո մարդիկ պահք են պահում: Պահեցողները պահքի շրջանից դուրս են գալիս հունվարի 5-ի երեկոյան, երբ եկեղեցում մատուցվում է Ս. Ծննդյան Ճրագալույցի Ս. Պատարագ և տրվում է Ս. Ծննդյան ավետիսը: Մարդիկ միմյանց ողջունում են «Քրիստոս Ծնվեց և Հայտնվեց, Օրհնյալ է Հայտնությունը Քրիստոսի»: Վաղը, Հունվարի 6-ին` Ս. Ծննդյան Ս. Պատարագից հետո, կատարվում է Ջրօրհնեք, որը խորհրդանշում է Հորդանան գետում Քրիստոսի մկրտությունը:
---
«Ռեսալաթ» օրաթերթ
ԱՄՆ-ի խաղաղասիրական ժեստը պաղեստինցիների համար
Քերին ինչ է նախատեսել օկուպացված տարածքների համար
Որոշ ժամանակ առաջ պաղեստինյան «Ալ Ղոդս» օրաթերթը գրել է․-«ԱՄՆ պետքարտուղար՝ Ջոն Քերին վերջերս մի նախագիծ է ներկայացրել ,որի շրջանակում՝ պաշտոնապես ճանաչվում է Իսրայելի հրեականությունը և խլվում է պաղեստինցի փախստականների իրենց երկիր վերադառնալու իրավունքը»։
«Երուսաղեմը պետք է դառնա երկու պետությունների մայրաքաղաքը»,- վերջերս հայտարարել է ամերիկյան դիվանագիտության ղեկավարը, որն արդեն հունվարի 20-ին կթողնի իր պաշտոնը:Պարզից էլ պարզ է,որ ամերիկացիները ,մասնավորապես Ջոն Քերին չնայած «երկու պետություն՝երկու ժողովուրդների համար» սկզբունքի իրագործմանն ուղղված ջանքեր տանելու հավակնություն ունեն, բայց նրանք խորքում համոզված են,որ օկուպացված տարածքներում պետք է մեկ պետություն լինի և այն է՝ Իսրայելի պետությունը։
«Մենք չենք կարող հաշտություն պարտադրել»,-նշել է ամերիկյան դիվանագիտության ղեկավարը՝ խոսելով պաղեստինա-իսրայելական ուղղակի բանակցությունների մասին: Ընդ որում՝ նանախազգուշացրել է, որ եթե Իսրայելը չընդունի «երկու պետություն՝ երկու ժողովուրդների համար»սկզբունքը, ապա նա չի կարողանա «իսկական խաղաղության մեջ լինել մնացած արաբական երկրների հետ»:
Փաստորեն Ջոն Քերին ,որ մի քանի օրից լքելու է իր պաշտոնը, ամպագոռգոռ հայտարարություններով է հանդես եկել ,քաջ գիտակցելով ,որ նույնիսկ չեն կարող այդ հարցով գեթ մի անգամ բանակցության սեղանի շուրջ նստել։ Քերին այդպիսի արտահայտություններով նպատակ ունի հանրությանը խաբել և ձևացնել թե իր պաշտոնավարման վերջին օրերին էլ ջանքեր չի խնայում պաղեստինա-իսրայելական հաշտության ուղղությամբ:
---
«Շարղ» օրաթերթ
«Անխաղաղ երկիր»
«յերկիր խաղաղութիւն, ի մարդիկ հաճութիւն»
Այս տոնական օրերին, քրիստոնյա հոգևորականների կողմից հայրապետական սիրով և օրհնությամբ հնչում է Սուրբ Ծննդյան «Փառք ի բարձունս Աստուծոյ, յերկիր խաղաղութիւն, ի մարդիկ հաճութիւն» ավետիսը։2016 թվականի՝ արյունահեղությամբ ու կոտորածներով լի տարվա վերջին օրերին ԱՄՆ ընտրված նախագահն իր թվիթերյան էջում գրել էր․-«ԱՄՆ-ն պետք է աշխատի հզորացնել և ընդլայնել իր միջուկային կարողությունը»։ 2016 թվականին աշխարհը լի էր հակամարտություններով,որոնց հետևանքով անցած տարի առնվազն 150 հազար մարդ է զոհվել :Սիրիայում ընթացող քաղաքացիական պատերազմը խլել է 46 հազար 442 մարդու կյանք:Իրաքյան պատերազմի հետևանքով զոհվել է 23 հազար 584 մարդ: Իսկ Աֆղանստանում ևս անցած տարվա ընթացքում զոհվել է ավելի քան 21 հազար 932 մարդ:
