Սիրիայում լարվածության նվազեցման չորս գոտիներ ստեղծելու ռուսական նախագծի նպատակները

Պաշտոնական Դամասկոսը   իր բարյացակամությունը ցույց տալու համար համաձայնել է  Սիրիայի  որոշ շրջաններում   ապաէսկալացման գոտիներ ստեղծելու  նախաձեռնությանը:

Սիրիայի ԱԳ նախարարությունը հայտարարել է.«Լարվածության նվազեցման նպատակով Դամասկոսը ողջունում է Սիրիայում լարվածության նվազեցման չորս գոտիներ ստեղծելու Ռուսաստանի առաջարկը: Եթե «Աստանա-4» նիստի մասնակիցները համաձայնեն Սիրիայում ապաէսկալացման գոտիներ ստեղծելու  նախաձեռնությանը, այդ բանակցությունների կարևորագույն ձեռքբերումը կլինի այդ նախագիծը:

Սիրիայում  ապաէսկալացման գոտիներ ստեղծելու   նախագիծը ներկայացրել է Ռուսաստանը: Այդ նախագիծը նույնիսկ նախքան «Աստանա-4» հանդիպման կայացումը հանձնվել էր նիստի մասնակիցներին, այդ թվում` Սիրիայի ընդդիմադիրներին:

ՌԴ նախագահ Վլադիմիր Պուտինը նախքան «Աստանա-4» հանդիպումը, ԱՄՆ նախագահ Դոնալդ Թրամփի հետ ունեցած հեռախոսազրույցի ժամանակ ստացել էր Վաշինգտոնի համաձայնությունը` այդ նախագծի վերաբերյալ:

 Լարվածության նվազեցման չորս գոտիների ստեղծման նախագիծը ընդգրկում է Թուրքիայի սահմանին մոտ Սիրիայի Իդլիբի նահանգը, Հոմս քաղաքից դեպի հյուսիս, Արևելյան Գուտանը, Դամասկոսի արևելյան արվարձանը  և Սիրիայի հետ Հորդանանի հարավային տարածքը:

Նախագծի նպատակն է ամրապնդել Սիրիայում հաստատված հրադադարի ռեժիմը, որը 2016 թվականից առ այսօր հանդիսանում է Սիրիայի հարցով Աստանայի և Ժնևյան բանակցությունների առանցքը:

Ի լրումն դրան, մարդասիրական նպատակները ,այդ թվում խաղաղ բնակիչներին հովանավորելը և նրանց մարդասիրական աջակցությունների մատակարարման երաշխավորումը, նախագծի մյուս նպատակն է:

Մյուս խնդիրն  այն է, որ լարվածության նվազեցման գոտիների ստեղծման նախագիծը տարբերվում է անվտանգ գոտիների ստեղծման նախագծից: Իրականում Ռուսաստանը ապաէսկալացման գոտիներ ստեղծելու նախագիծը ներկայացրեց Թուրքիայի և ԱՄՆ-ի կողմից նկատի առած անվտանգ գոտիներ ստեղծելու նախագծի դիմաց:  

Չնայած անվտանգ գոտիների նախագծի ստեղծման , լարվածության նվազեցման գոտիների ստեղծման նախագծում  ընդգրկված են միջազգային դիտորդներ, որոնց ուշադրության կենտրոնում կլինեն անվտանգության և հումանիտար նպատակները: Վերոնշյալ տարածքներում հրադադարը կվերահսկեն Իրանի իսլամական հանրապետությունը, Թուրքիան և Ռուսաստանը: Այս երկրները իրենց զինվորական ստորաբաժանումները  կտեղակայեն այդ տարածքներում:

Մյուս տարբերությունն այն է, որ անվտանգ գոտիների ստեղծման համար պահանջվում է թռիչքազերծ  գոտի ստեղծել, ինչը չի նախատեսվում լարվածության նվազեցման գոտիների ստեղծման նախագծում:  Նախագծում ներառված զինվորական ստորաբաժանումների  տեղակայումը և մարդասիրական քայլերի իրականացումը ավելի կարևոր են,   քան թռիչքազերծ  գոտիների ստեղծումը:

Մյուս հարցն այն է,որ անվտանգ գոտիների ստեղծումը հիշեցնում է Լիբիայի ճգնաժամի կարգավորմանն ուղղված արևմուտքի մեխանիզմը ,որը հանգեցրեց թռիչքազերծ գոտու ստեղծմանը և այդ երկրի դեմ ռազմական միջամտությանը: Ռուսաստանը ապաէսկալացման գոտիներ ստեղծելու  նախագիծը ներկայացնելով կանխել է Սիրիայում Լիբիայի սցենարի կրկնվելը: