Թուրքիայի քրդամետ Ժողովուրդների դեմոկրատական կուսակցության նոր ղեկավարների ընտրությունը
Թուրքիայի քրդամետ Ժողովուրդների դեմոկրատական կուսակցության երրորդ համագումարում, կուսակցության նոր համանախագահներ են ընտրվել Փերվին Բուլդանը և Սեզայի Թեմելլին:
Փերվին Բուլդանը և Սեզայի Թեմելլին այսուհետ համապատասխանաբար ղեկավարելու են կուսակցության կանանց և տղամարդկանց ճյուղերը:
2016 թվականի հուլիսի 15-ի անհաջող պետական հեղաշրջման փորձից հետո, Անկարայի կառավարությունը չեղարկել է խորհրդարանի պատգամավորների քաղաքական անձեռնմխելիության իրավունքը, որից հետո մեծ թվով պատգամավորներ դատարան են կանչվել: Այնուամենայնիվ, Ժողովուրդների դեմոկրատական կուսակցության պատգամավորները դատարան չեն ներկայացել: Այդ իսկ պատճառով 2016 թվականի նոյեմբերի սկզբին Անկարան ձերբակալել է կուսակցության նախկին համանախագահներ Սալահեդդին Դեմիրթաշին, Ֆիգեն Յուկսուկդաղին և մի քանի այլ պատգամավորների: Այդպիսով վերջին 15 ամիսներին քրդամետ կուսակցությունը ղեկավար կազմ չի ունեցել:
Նման պայմաններում, կասկածից վեր է այն հանգամանքը, որ Թուրքիայի խորհրդարանում մեծ ժողովրդականություն վայելող կուսակցության համանախագահների ընտրությունը, կուսակցությանը հնարավորություն է տալիս ամրապնդել քաղաքական դաշտում իր ներկայությունը: Ուստի քրդամետ կուսակցության համանախագահների ընտրությունը խելացի քայլ է գնահատվում: Ի դեպ նոր համանախագահների ընտրությունը պարտություն է համարվում մրցակից կուսակցությունների համար, որոնք ցանկանում էին կրճատել քաղաքական դաշտում այդ կուսակցության դերը: Այդ կապակցությամբ թուրքագետ Սարփիլ Քամալբայն ասել է.«Թուրքիայի կառավարությունը նպատակ ուներ իր հարձակումներով քրդամետ կուսակցությանը մարգինալ վիճակում դնել ՝ ղեկավարներին մեկուսացնելով, սակայն պետք է ասել, որ նրանք ձախողվեցին»:
Որոշ քաղաքագետներ համոզված են, որ Սալահեդդին Դեմիրթաշը մեծ ազդեցություն է ունեցել կուսակցության միջոցով Թուրքիայում ոչ-քրդերի ձայները շահելու գործում: «Թուրքիայի և արդերի միջև խաղաղությունը ՝ մի պարտության վերլուծում» գրքի հեղինակ Բուրակ Բիլ Ջեյհանն ասել է.«Դեմիրթաշը հավաքում էր Թուրքիայի ոչ-քուրդ լիբերալների ու ձախակողմյանների ձայները: Առանց նրա ներկայության, չէր կարելի ակնկալել, որ քրդամետ կուսակցությունը կարող են արմատական դիրքորոշում ընդունել»:
Ընդհանուր առմամբ կարելի է ասել, որ կուսակցության համանախագահների ընտրությամբ, կարելի է ակնկալել, որ հաջորդ տարվա խորհրդարանական ընտրություններում, կուսակցությունը կարող է Դեմիրթաշի և Յուքսեքդաղի նախագահության ժամանակաշրջանի նման ձայներ հավաքել: Թեև մի խումբ վերլուծաբաններ խոսել են խորհրդարանում մեծ ժողովրդականություն վայելող երրորդ կուսակցության քաղաքական քայլերի փոփոխման և երկրի ներքին ու արտաքին իրադարձությունների նկատմամբ առավել խիստ դիրքորոշվելու հավանականության մասին: Դա այն դեպքում, երբ գործնականում Թուրքիայի քրդամետ Ժողովուրդների դեմոկրատական կուսակցությունը կուսակցական քարոզարշավում, ավելի քան մեկ տարի հետ է մնացել Թուրքիայի քաղաքական դաշտում ակտիվ մյուս կուսակցություններից: