Իրան. Եմենում ռազմական հարձակումները պետք է անմիջապես դադարեցվեն

Սաուդյան Արաբիայի գլխավորած կոալիցիոն ուժերի կողմից Եմենի դեմ ռազմական ագրեսիայի չորրորդ տարվա կապակցությամբ, ԻԻՀ ԱԳ նախարարությունը մի հաղորդագրությամբ դատապարտելով ռազմական ներխուժումը, կոչ է արել անհապաղ դադարեցնել ռազմական հարձակումները, մարդկանց կոտորելը և Եմենի շրջափակումը:

ԻԻՀ ԱԳՆ-ն ընդգծել է, որ ԱՄՆ-ն և որոշ եվրոպական երկրներ պետք է լուրջ միջոցներ ձեռնարկեն՝ պատերազմը և շարունակական ոճրագործությունները կանխելու համար: Նրանք նաև պետք է կանխեն Եմենի դեմ հարձակվող ագրեսորներին պաշտպանելն ու նրանց զենքի ու  ռազմական կործանիչների մատակարարումը:

Իրանի արտաքին գործերի նախարարությունը նշել է, որ Եմենի ճգնաժամի միակ լուծումը քաղաքական գործընթացն է, և այդ պատերազմը չունի ռազմական լուծում: Հետևաբար, ԻԻՀ-ը ցանկանում է, որ միջազգային հանրությունը մեծացնի ճնշումը` վերջ դնելու Եմենի դեմ ոտնձգություններին և շրջափակմանը:

Միավորված ազգերի կազմակերպության զեկույցի համաձայն, 2017 թ. հունվարին, Սաուդյան Արաբիայի գլխավորած կոալիցիոն ուժերի կողմից Եմենի դեմ իրականացված օդային հարձակումների զոհերի թիվը  հասել է ավելի քան 12.000-ի:

ՄԱԿ-ի Գլխավոր քարտուղարի օգնական Մարկ Լեքուկը վերջերս  ռմբակոծված Սանաա քաղաք կատարած այցից հետո ասել է. «Եմենում հումանիտար աղետ է, և իրավիճակն ամեն օր վատանում է»:

Եմենի կրթության նախարարությունը հայտարարել է, որ Սաուդյան Արաբիայի եռամյա հարձակումների արդյունքում, այդ երկրում ոչնչացվել է ավելի քան 2640 դպրոց և ուսումնական կենտրոն:

Սաուդյան Արաբիան, ԱՄՆ-ի, Միացյալ Արաբական Էմիրությունների և մի շարք այլ երկրների օջակցությամբ, 2015 թ. մարտից  սկասած  պատերազմ է հրահրել Եմենի դեմ և պաշարել է այդ երկիրը:

The Independent-ը հաղորդել է որ Եմենի ժողովրդի երկու երրորդը, այսինքն՝  7 միլիոն մարդ, տառապում է սովից: Այս իրավիճակի շարունակման հետևանքով, ամեն 10 րոպեն մեկ զոհվում է մեկ երեխա:

Եմենում իր հարձակումների ժամանակ Սաուդյան Արաբիան օգտագործում է  արգելված զենք, ներառյալ կասետային ռումբեր:

Human Rights Watch- ի գործադիր տնօրեն Քենետ Ռասն ասել է.«Սաուդյան Արաբիան չունի հիմնավորում Եմենում՝ կասետային ռումբերի օգտագործման համար»: 

Վերջին երեք տարիների ընթացքոմ, Եմենում Սաուդյան Արաբիայի պատերազմական հանցագործությունները շարունակվում են, իսկ ՄԱԿ-ի Անվտանգության խորհուրդը հրաժարվել է ընդունել  Եմենի դեմ պատերազմը դադարեցնելը պարտադրող բանաձև :

ՄԱԿ-ը պատշաճ կերպով  չի կատարել իր պարտականությունը և հետաձգել է Եմենի աղետյալներին միջազգային մասշտաբով  աջակցության տրամադրումը: Բացի այդ, կազմակերպությունը հարաժարվել է դատապարտել  Սաուդյան կոալիցիայի ուժերի կողմից Եմենում իրականացվող պատերազմական հանցագործությունները:

Եմենի պատերազմը Սաուդյան կոալիցիայի համար ճահճի է վերածվել  և այդ երկիրը չի կարողանում վերջ տալ պատերազմին:

Եմենի պատերազմին վերջ տալը պահանջում է համաշխարհային կամքի դրսևորում, արևմտյան երկրներիի կողմից ու Սաուդյան Արաբիայի անմարդկային գործողությունների դատապարտում :

Ռիադի իշխանությունների անմարդկային գործողությունները վերջին յոթ տարիների ընթացքում հանգեցրել են  Եմենում մարդկային ողբերգության, սակայն ոչ ոք դրա համար պատասխանատվություն չի կրում: