Երևանը նախազգուշացնում է Բաքվին՝ Հայաստանի իրավիճակը շահարկելու կապակցությամբ
ՀՀ պաշտպանության նախարարությունը նախազգուշացնում է Ադրբեջանին՝ Լեռնային Ղարաբաղում նոր արկածախնդրության նպատակով երկրում առկա իրավիճակը շահարկելու կապակցությամբ
ՀՀ Պաշտպանության նախարարության հաղորդագրության մեջ նշված է, որ Ադրբեջանի քաղաքական և ռազմական իշխանություններից ստացած զեկույցների համաձայն, Հայաստանի վերջին զարգացումները դիտարկվում են որպես Լեռնային Ղարաբաղի տարածաշրջանի դեմ նոր արկածախնդրության հնարավորություն:
Հաշվի առնելով Հայաստանում վերջին մեկ շաբաթվա ընթացքում տեղի ունեցած զարգացումները, Երևանի պաշտոնյաների նախազգուշացումը Ադրբեջանին կարող է դիտվել որպես հայկական կողմի ցուցադրական քայլ Բաքվի դեմ:
Անկասկած, Հայաստանի իշխանությունները փորձում են լուծումներ գտնել` կանխելու ընդդիմադիրների կողմից փողոցային ցույցերի շարունակումը: Այս համատեքստում, Հայաստանի Հանրապետության ներքին իրավիճակի շահարկումը Ադրբեջանի իշխանությունների համար կարող է օգտագործվել, որպես նրանց պահանջների կատարման լավագույն տարբերակ:
Ադրբեջանի ԱԳՆ խոսնակ Հեքմաթ Հաջիևը նշել է.«Սերժ Սարգսյանի կառավարության որոշ անդամների պնդումները, թե Ադրբեջանը ղարաբաղյան հակամարտության գոտում ռազմական տեխնիկա է տեղակայել, կեղծ է և դրա նպատակն է շեղել հասարակական կարծիքը»:
Եերբ հակամարտության կողմերից մեկի ներքին վիճակը վատթարանում է, երկու թշնամական պետությունների իշխանությունները նման նախազգաուշացումներով են հանդես գալիս միմյանց դեմ:
Այս նախազգուշացումները ցույց են տալիս, որ երկու երկրների ղեկավարների միջև բացակայում է փոխադարձ վստահության մթնոլորտը, որն ամեն օր խորանում է:
Անկասկած, երկու հակմարտող երկրների ներքին տագնապալի իրավիճակը պայմաններ է ստեղծում մյուս կողմի համար՝ միջամտելու ցանկացած երկրի ներքին գործերին:
Հայաստանում տեղի ունեցած վերջին զարգացումներից ու Սերժ Սարգսյանի հրաժարականից հետո Ադրբեջանի արտաքին գործերի նախարարության մամուլի քարտուղար Հեքմաթ Հաջիևն ասել է.«Բաքուն պատրաստ է շարունակել բանակցությունները Հայաստանի առողջ քաղաքական ուժերի հետ՝ Լեռնային Ղարաբաղի հակամարտության կարգավորման համար»:
Նշելով, որ Սերժ Սարգսյանի վարած քաղաքականությունների արդյունքում ԼՂ հակամարտության կարգավորման գործընթացում մինչ այժմ ոչ մի առաջընթաց չի արձանագրվել , Հեքիմ Հաջիևը հույս է հայտնել, որ Հայաստանում առողջ քաղաքական ուժեր կգան իշխանության:
Փաստորեն, Բաքվի կառավարության պաշտոնյաները նման հայտարարություններով փորձում են տարաձայնություններ առաջացնել հայ քաղաքական ուժերի միջև: Հայաստանի պաշտպանության նախարարության նախազգուշացումը Ադրբեջանին կարող է համարվել ադրբեջանական կողմի նման միջամտության պատասխան:
Ավելի վաղ, Ադրբեջանը բազմիցս փորձել է նմանատիպ խնդիրներ հարուցել Հայաստանի համար: