Ամերիկյան կոալիցիայի նոր ոճրագործությունը Սիրիայում. զոհվել է 15 խաղաղ քաղաքացի
ԱՄՆ-ի ղեկավարած ԻԼԻՊ-ի դեմ պայքարի միջազգային կոալիցիայի ռազմական ինքնաթիռները շաբաթ գիշեր ռմբակոծել են Սիրիայի արևելքում գտնվող Դեյր-ալ-Զորի Հեջին գյուղը:
Համաձայն Իրանի ռադիո-հեռուստատեսության լրատվական գործակալության հաղորդման, հարձակման հետևանքով զոհվել են առնվազն 15 խաղաղ քաղաքացիներ:
Ամերիկյան կոալիցիայի ռազմական ինքնաթիռները վերջին օրերին բազմիցս ռմբակոծել են այս գյուղը: Այս հարձակումների ժամանակ ամերիկյան կոալիցիան օգտվել է ֆոսֆորային արգելված ռումբերից:
Սիրիայի կառավարությունը, բողոքի նոտա հղելով ՄԱԿ-ի գլխավոր քարտուղարին և ԱԽ-ի նախագահին, բազմիցս նրանց կոչ է արել վերջ տալ Սիրիայում ամերիկյան կոալիցիայի ոճրագործություններին:
Իրաքում ու Սիրիայում ԱՄՆ-ի ղեկավարած ԻԼԻՊ-ի դեմ միջազգային կոալիցիայի հարձակումներին հետևող «Էյրվարզ» դիտորդական խումբը վերջերս հայտարարեց, որ 2014 թվականից ի վեր Իրաքում ու Սիրիայում ամերիկյան կոալիցիայի ավիահարվածների ժամանակ զոհվել են ավելի քան 5000 խաղաղ քաղաքացիներ:
