Ամերիկացի հարյուրավոր զորայիններ և զենք փոխադրող 250 բեռնատարներ ժամանել են Սիրիա
Այն պայմաններում, երբ Վաշինգտոնը հայտարարում է, որ մտադիր է հեռանալ Սիրիայից, Human Rights Watch խումբը տեղեկացրել է, որ հարյուրավոր ամերիկացի զորայինների և զենք փոխադրող տասնյակ բեռնատարներ ժամանել են Սիրիա:
Խումբը հայտարարել է. «Հինգշաբթի երեկոյան, հարյուրավոր ամերիկացի զորայիններ, ամերիկյան կոալիցիային պատկանող զենք ու զինամիջոց փոխադրող 250 բեռնատարների ուղեկցությամբ, մտել են Սիրիայի Հալեպ, Ռաքքա և Ալ-Հասաքա նահանգներ»:
Հունվարի 14-ն Human Rights Watch-ը տեղեկացրել էր, որ տասնյակ ամենագնացներից բաղկացած ԱՄՆ-ի ռազմական մի շարասյուն, Եփրատը Իրաքի Քուրդիստանի տարածքին կապող անցակետով մուտք է գործել Սիրիայի Դեյր-Էլ-Զոր նահանգ:
Իսկ հունվարի 11-ին նույն խումբը տեղեկացրել էր 150 զրահապատ ամենագնացներ և ռազմական ու լոգեստիկական սարքեր փոխադրող 150 բեռնատարների Սիրիա ժամանելու մասին:
Սիրիայի իշխանությանը կործանելու ուղղությամբ ահաբեկիչների 7-ամյա ջանքերը ձախողելուց հետո ԱՄՆ նախագահ Դոնալդ Թրամփը դեկտեմբերի 19-ին հայտարարեց Սիրիայից ամերիկացի զորայինների դուրս բերման մասին:
