Իրաքի ԱԳՆ.«Թեհրան-Բաղդադ հարաբերությունները ռազմավարական բնույթ են կրում»
Իրաքի ԱԳ նախարարն ասել է.«Թեհրան-Բաղդադ հարաբերություններն արմատավորված են և ռազմավարական բնույթ են կրում»: Այս մասին հաղորդել ԻՌՆԱ լրատվական գործակալությունը:
Բաղդադում Իրանի ԱԳ նախարար Մոհամմեդ Ջավադ Զարիֆի ներկայությամբ կայացած Իրանի ու Իրաքի բանակցությունների փորձագիտական նիստում, Իրաքի ԱԳ նախարար Մոհամմեդ Ալի Ալ-Հաքիմն ասել է.«Երկկողմ ու տարածաշրջանային հարցերի շուրջ երկու երկրի բանակցությունները եղել են արդյունավետ»:
Նա հստակեցրել է.«Իրանի ԱԳ նախարարի հետ քննարկվել են այն հիմնական հարցերը, որոնք արծարծվելու են Իրաքի պաշտոնատարների հետ Իրանի իսլամական հանրապետության նախագահ Հասան Ռոհանիի առաջիկա հանդիպումներում»:
Ալ-Հաքիմը հույս է հայտնել, որ ԻԻՀ նախագահ Հասան Ռոհանիի Իրաք կատարելիք այցի և Իրաքի նախագահ Բարհամ Սալեհի ու վարչապետ Ադիլ Աբդուլ Մահդիի հետ նրա հանդիպումների արդյունքները կխթանեն երկկողմ համագործակցության ընդլայնումը:
ԻԻՀ նախագահ Հասան Ռոհանիի գլխավորած բարձրաստիճան քաղաքա-տնտեսական պատվիրակությունը վաղը մարտի 11-ին կմեկնի Իրաք:
