Իրաքից օտարերկրյա զորքերի դուրսբերման ժամանակացույցը պատրաստ է
Իրաքի զինված ուժերի խոսնակը հայտնել է, որ երկրից օտարերկրյա զորքերի դուրսբերման ժամանակացույցը մշակվել է տեխնիկական կոմիտեների կողմից:
Շաբաթ օրը, Իրաքի զինված ուժերիգլխավոր շտաբի խոսնակ, գեներալ Յահյա Ռասուլն ասել է, որ մշակվել է մի քանի փուլով օտարերկրյա զորքերի դուրսբերման ժամանակացույց, որը կհաստատվի զինված ուժերի գլխավոր հրամանատարի հրամանով կազմավորված և բանակի միացյալ շտաբի նախագահած տեխնիկական կոմիտեի նիստի շրջանակներում:
Յահյա Ռասուլը նշել է, որ Իրաքը չունի զինված ամերիկյան կամ արտասահմանյան զորքերի կարիքն ովքեր ցանկանում են կռվել իրաքյան ուժերի կողքին: Նա հավելել է, որ Իրաքն ընդհանրապես որևէ օտար ուժի կարիք չունի:
Իրաքի զինված ուժերիգլխավոր շտաբի խոսնակն ասել է, Բաղդադն աշխատում է ՆԱՏՕ-ի հետ, իսկ վերջնական արդյունքը ռազմական հրամանատարության մարզումն ու վերազինումն է:
Centcom- ի հրամանատար գեներալ Քենեթ Մաքքենզին երկու օր առաջ հայտարարել էր, որ ԱՄՆ-ը ռազմավարական երկխոսության շրջանակներում կպահպանի իր ներկայությունը Իրաքում:
