Իսրայելը ռմբակոծել է Գազայի հատվածի հարավը
Սիոնիստական ռեժիմի կործանիչները երեքշաբթի գիշեր ավելի քան 50 անգամ ռմբակոծել են Գազայի հարավային հատվածի Ռաֆահ քաղաքը:
ԻՌՆԱ-ի հաղորդմամբ, այս տարածքներում թիրախավորվել են բնակելի տարածքների մեծ մասը և գյուղատնտեսական նշանակության հողերը:
Պաղեստինի առողջապահության նախարարությունը հայտարարել է, որ հարձակումների արդյունքում զոհվել է մեկ քաղաքացի, ևս ութը վիրավորվել են:
Տարբեր սոցիալական ցանցերում տեղադրված պատկերները ցույց են տալիս, որ Թել Ավիվը նույնպես կրկին հրթիռակոծվել է Դիմադրության ուժերի կողմից:
ՀԱՄԱՍ-ը և «Իսլամական ջիհադ» -ը մոտ 12 հազար հրթիռ են արձակել Իսրայելի ուղղությամբ », - երեքշաբթի երեկոյան հայտարարել է ռեժիմի բանակի խոսնակ Ավիխայ Ադրեյը:
Նա հավելել է, որ հրթիռները, որոնք այս պատերազմում արձակվել են Իսրայելի ուղղությամբ, թվաքանակով աննախադեպ են եղել ռեժիմի պատմության մեջ:
