Բաղդադն ԱՄՆ-ի ավիահարձակումը որակել է որպես Իրաքի ազգային ինքնիշխանության խախտում
Իրաքի արտաքին գործերի նախարարության խոսնակը խստորեն դատապարտել է Սիրիայի հետ այդ երկրի սահմանին ամերիկյան կործանիչների հարձակումը Հաշդ ալ-Շաբի ուժերի դիրքերի վրա, այն որակելով որպես Իրաքի ազգային ինքնիշխանության խախտում:
Իրաքի արտաքին գործերի նախարարության խոսնակ Ահմեդ ալ-Սահաֆին երկուշաբթի օրը հայտարարել է, որ այդ երկրի կառավարությունն ԱՄՆ-ի հարձակումը համարում է միջազգային իրավունքի և կոնվենցիաների խախտում:
Ալ-Սահաֆին հավելել է, որ Իրաքը դեմ է իր տարածքը որևէ հակամարտության կամ համար օգտագործելուն:
Նա նշել է, որ Բաղդադը հետաքննություն է սկսել ԱՄՆ-ի հարձակման կապակցությամբ, որպեսզի կանխի ցանկացած հակամարտություն, որը կարող է վտանգել իր անվտանգությունն ու կայունությունը:
Ամերիկյան ործանիչները երկուշաբթի առավոտյան Սիրիայի հետ Իրաքի սահմանին թիրախավորել են Հաշդ ալ-Շաբիի երեք դիրքերը, սպանելով չորս իրաքցի զինվորի:
Պենտագոնը, ստանձնելով հարձակման պատասխանատվությունը, հայտարարել է, որ այդ երկրի բանակի կործանիչները, Ջո Բայդենի հրամանով ավիահարվածներ են իրականացրել Սիրիա-Իրաք սահմանին գտնվող Բոքմալ շրջանում:
