Իսրայելական նավը թիրախավորվել է Օմանի ջրերից դուրս
Հուլիս 31, 2021 12:46 Asia/Tehran
Օմանը հայտնել է, որ իսրայելական նավի վրա վերջին հարձակումը տեղի է ունեցել երկրի տարածքային ջրերից դուրս:
Օմանի կառավարությունը հերքել է իր ջրերում իսրայելական նավի վրա հարձակման վերաբերյալ հայտարարությունները, հավելելով, որ երկրի ռազմածովային ուժերն այդ նպատակով նավ են ուղարկել դեպքի վայր, և հետաքննության արդյունքները ցույց են տվել, որ հարձակումը տեղի է ունեցել Օմանի ջրային սահմաններից դուրս:
Այս հայտարարությունից հետո, իսրայելական բանակի ռադիոն հաղորդել է, որ Օմանի ափերի մոտ հարձակման ենթարկված նավը պատկանում է Ճապոնիային և շահագործվում է իսրայելական ընկերության կողմից: Հաղորդման համաձայն, հարձակման հետևանքով զոհվել է առևտրական նավի անձնակազմի երկու անդամ: