Իմրան Խանի կողմնակիցներն Իսլամաբադում հակաամերիկյան բողոքի ցույց են անցկացրել
Պակիստանի պաշտոնանկ արված վարչապետ Իմրան Խանի կողմնակիցներն Իսլամաբադում հակաամերիկյան բողոքի ցույց են անցկացրել և հրկիզել ԱՄՆ դրոշը:
ԻՌՆԱ-ն Իսլամաբադից հաղորդում է, որ երկուշաբթի օրը կայացած ցույցի մասնակիցներն իրենց աջակցությունն են հայտնել Իմրան Խանին:
Հանրահավաքը տեղի է ունեցել այն բանից հետո, երբ Պակիստանի Գերագույն դատարանը սկսել է քննել խորհրդարանը ցրելու և արտահերթ ընտրություններ նշանակելու՝ Իմրան Խանի և նրա դաշնակիցների իրավունքի հարցը:
Կիրակի օրը Իմրան Խանի դաշնակից և խորհրդարանի փոխխոսնակ Ղասիմ Սուրին ցրել է խորհրդարանը՝ վերացնելով Իմրան Խանի նկատմամբ անվստահություն հայտնելու հնարավորությունը: Ընդդիմությունը հայտարարել է, որ խորհրդարանի փոխնախագահը նման իրավասություն չունի:
Իմրան Խանն ավելի վաղ հայտարարել էր, որ Ուկրաինայի պատերազմից հետո Ռուսաստանի նկատմամբ իր դիրքորոշման պատճառով, ԱՄՆ պաշտոնյաներից նախազգուշացումներ է ստացել, որ պաշտոնանկ կարվի:
