Իրանը դատապարտել է Պակիստանում տեղի ունեցած ահաբեկչական հարձակումը
ԻԻՀ ԱԳՆ խոսնակ Էսմայիլ Բաղային խստորեն դատապարտել է Պակիստանի Խայբեր Փախտունխվա նահանգի Կոհաթ քաղաքի ոստիկանական կենտրոնի մոտ գտնվող մզկիթում ուրբաթօրյա աղոթքի ժամանակ տեղի ունեցած ահաբեկչական հարձակումը, որի հետևանքով տասնյակ մարդիկ զոհվել և վիրավորվել են։
ԻՌՆԱ-ի հաղորդմամբ՝ Էսմայիլ Բաղային, ընդգծելով Իրանի Իսլամական Հանրապետության սկզբունքային դիրքորոշումը՝ ահաբեկչության և բռնի ծայրահեղականության բոլոր ձևերի վճռական դատապարտման հարցում, նշել է, որ խաղաղ բնակիչների և անվտանգությունն ապահովող ուժերի դեմ ահաբեկչական ու բռնի գործողությունները բացարձակապես որևէ արդարացում չունեն։
Բաղային նաև ընդգծել է ահաբեկչության դեմ արդյունավետ և շարունակական պայքարի նպատակով տարածաշրջանի երկրների միջև համագործակցության և համակարգման ամրապնդման անհրաժեշտությունը։
