«Ռոսատոմի» 135 աշխատակիցներ վերադարձել են Իրանի «Բուշեր» ԱԷԿ. Լիխաչով
Իրանի«Բուշեր» ատոմակայան վերադարձած ռուս մասնագետների թիվը հասել է 135-ի:
Այս մասին հայտնել է «Ռոսատոմի» գլխավոր տնօրեն Ալեքսեյ Լիխաչովը։ Նրա խոսքով՝ նախօրեին կայան է ժամանել ևս 9 աշխատակից՝ գործող առաջին էներգաբլոկի պլանային նախազգուշական վերանորոգման համար:
Լիխաչովը հստակեցրել է, որ ռուս մասնագետները ներգրավված են ԱԷԿ-ի բոլոր երեք Էներգաբլոկներում՝ մեկ գործող և երկու կառուցվող: «Ռոսատոմը» շարունակում է ավելացնել անձնակազմի թիվը հարթակում՝ պայմանագրային պարտավորությունների կատարման համար։
Հիշեցնենք, որ «Բուշեր» ատոմակայանը Իրանի առաջին ատոմակայանն է, որը կառուցվել է Ռուսաստանի մասնակցությամբ: Առաջինէներգաբլոկը երկրի էներգահամակարգին միացվել է 2011 թվականին, իսկ 2013-ին արդյունաբերական շահագործման է հանձնվել իրանական կողմին: Ռուսաստանն ու Իրանը նաև իրականացնում են կայանի երկրորդ և երրորդ Էներգաբլոկների կառուցման նախագիծը։ Աշխատանքներն իրականացվում են ատոմային էներգիայի խաղաղ օգտագործման ոլորտում համագործակցության մասին միջկառավարական համաձայնագրերի շրջանակներում:
