Եմենում կասետային ռումբի պայթյունի հետևանքով հինգ երեխա է զոհվել ու վիրավորվել

Եմենի արևմտյան Ալ-Հուդայդա նահանգում կասետային ռումբի պայթյունի հետևանքով մեկ երեխա է զոհվել, ևս չորսը վիրավորվել են:

Եմենում պատերազմի տարիներին մնացած կասետային ռումբերի պայթյունը շարունակում է խլել խաղաղ բնակիչների, հատկապես եմենցի երեխաների  կյանքեր: Կասետային ռումբերը դեռ երկար տարիներ կարող են զոհեր խլել:

Ինչպես հայտնում է  «Ալ Մասիրա» հեռուստաալիքը, պայթյունը տեղի է ունեցել Ալ-Հավաք քաղաքում, երբ երեխաները խաղում էին։

Երեկ Ալ-Ջաուֆ նահանգի ալ-Հազմ քաղաքում կասետային ռումբի պայթյունի հետևանքով զոհվել են երեք եմենցի խաղաղ բնակիչներ, ևս երեքը վիրավորվել են։

Կասետային ռումբն արգելված զենք է: