Սիոնսիտները հրադադարի հաստատումը հետաձգել են մինչև ուրբաթ

Իսրայելի ներքին անվտանգության խորհրդի ղեկավարը հայտարարել է. «Իսրայելի և պաղեստինյան Դիմադրության միջև գերիների փոխանակման համաձայնագիրը, որն ի սկզբանե պետք է սկսվեր այսօր առավոտյան (հինգշաբթի), հետաձգվելու է մինչև ուրբաթ»։

CNN-ը հայտնել է, որ Իսրայելի և ՀԱՄԱՍ-ի միջև քառօրյա զինադադարի համաձայնագրով բանտարկյալների ազատ արձակումը հետաձգելու որոշումը համաձայնեցրել են Եգիպտոսը, Կատարը և Իսրայելը, ԱՄՆ-ը նույնպես տեղյակ է եղել գործընթացի մասին։

CNN-ը, վկայակոչելով պաշտոնյային, հայտնել է, որ որոշ մանրամասներ պետք է վերջնական տեսքի բերվեն։

Նշվում է, որ Իսրայելը դեռ չի ստացել ազատ արձակված բանտարկյալների առաջին խմբի ցուցակը, մինչդեռ այս ցուցակը  պետք է տրամադրվեր չորեքշաբթի օրը։

Ավելի վաղ ասվում էր, որ համաձայնագրի կատարումն ու պատանդների ազատ արձակումը կմեկնարկեն հինգշաբթի առավոտյան, սակայն ավելի ուշ Իսրայելը հայտարարեց, որ գերիներին ազատ չեն արձակի մինչև ուրբաթ։ Համաձայն հայտարարված համաձայնագրի՝ Գազայի հատվածում ռազմական գործողությունների քառօրյա դադարեցման ընթացքում աստիճանաբար ազատ կարձակվեն ՀԱՄԱՍ-ի կողմից պահվող 50 բանտարկյալներ և 150 պաղեստինցի բանտարկյալներ։