Գազայի հատվածում ավելի քան 450 բժշկական կենտրոններ հայտնվել են սիոնիստների թիրախում
Առողջապահության համաշխարհային կազմակերպության (ԱՀԿ) ղեկավար Թեդրոս Ադհանոմը հայտնել է, -«Հոկտեմբերի 7-ից ի վեր Գազայի և Հորդանան գետի Արևմտյան ափի ավելի քան 449 առողջապահական կենտրոններ ենթարկվել են սիոնիստական ռեժիմի բանակի հարձակմանը»։
Թեդրոս Ադհանոմը զգուշացրել է, որ Գազայի հատվածի առողջապահական համակարգը գտնվում է փլուզման եզրին, և 36 հիվանդանոցներից միայն 14-ն են գործում։
Առողջապահության համաշխարհային կազմակերպության ղեկավարը հստակեցրել է,-«Գազայի հատվածում համաճարակային և շնչառական հիվանդությունների տարածման մտահոգիչ նշաններ են գրանցվել»։
Ադհանոմն ընդգծել է.-«Սննդի և խմելու ջրի բացակայությունը հիվանդություն է տարածում Գազայում»։
«Գազայի պատերազմի ազդեցությունը առողջապահական ոլորտի վրա աղետալի է եղել, և հրադադարը Գազայի հատվածի բնակիչների առողջության պահպանման միակ լուծումն է», ասել է ԱՀԿ ղեկավարը։
Նա նաև ցավ է հայտնել Անվտանգության խորհրդում Գազայում հրադադարի վերաբերյալ բանաձեւի նախագծի չհաստատման համար։
Գազայի առողջապահության նախարարությունը հայտարարել է, որ Գազայի հատվածի վրա Սիոնիստական ռեժիմի հարձակումների սկզբից ի վեր պաղեստինցի նահատակների թիվը հասել է 17 հազար 700-ի , ավելի քան 48 հազար մարդ վիրավորվել է։
