Գազայում նահատակների թիվը հասել է 18,787-ի
Գազայում Պաղեստինի առողջապահության նախարարության խոսնակը այս քաղաքի նահատակների վիճակագրությունը ներկայացնելիս հայտնել է, որ նահատակվել է 300 բուժաշխատող։
«Ֆարս» լրատվական գործակալության փոխանցմամբ՝ Գազայում Պաղեստինի առողջապահության նախարարության խոսնակ Աշրաֆ ալ-Ղեդրան հայտարարել է, որ անցած ժամերին այս քաղաքում նահատակվել է 179 և վիրավորվել՝ 303 մարդ։
Նշելով, որ հոկտեմբերի 7-ին Ալ-Աղսայի փոթորիկ գործողության մեկնարկից ի վեր Գազայում նահատակների թիվը հասել է 18 հազար 787-ի, վիրավորների թիվը՝ 50 հազար 897-ի, ալ-Ղեդրան ասել է,-Իսրայելը «Քամալ Ադվանի» անվան հիվանդանոցը վերածել է զորանոցի և իր ռազմական գործողությունների շտաբի։
«Շահաբ» լրատվական գործակալությունը, վկայակոչելով պաղեստինցի այս պաշտոնյային, հայտնում է, որ Սիոնիստական ռեժիմը ձերբակալել է 70 բուժաշխատողների և մտավախություն կա, որ այս ռեժիմը կիրականացնի «Ալ-Աուդեհ» հիվանդանոցում ջրի և էլեկտրաէներգիայի անջատման սցենարը։
Անդրադառնալով Գազայի բնակիչներին բռնի տեղահանելու սիոնիստների ջանքերին՝ ալ-Ղեդրան ասել է.«Հարավային Գազայի հիվանդանոցների վիճակը շատ ավելի վատ է»։ Գազայի առողջապահական համակարգի վրա Իսրայելի հարձակումները հանգեցրել են 300 բուժաշխատողների նահատակության։
Վերջում ալ-Ղեդրան բոլոր երկրներին ու միջազգային կառույցներին կոչ է արել Գազայի հյուսիսում դաշտային հիվանդանոց հիմնել, որպեսզի հնարավոր լինի փրկել վիրավորների ու հիվանդների կյանքը։
