Պաղեստինյան դիմադրության մարտիկների կողմից ոչնչացվել է Սիոնիստական ռեժիմի «Ապաչի» ուղղաթիռը
-
Պաղեստինյան դիմադրության մարտիկների կողմից ոչնչացվել է Սիոնիստական ռեժիմի «Ապաչի» ուղղաթիռը
Pars Today- Պաղեստինյան Իսլամական Դիմադրության շարժման «ՀԱՄԱՍ»-ի ռազմական թեւը՝ «Էզեդդին ալ-Քասամ բրիգադները», հայտնել է այս շարժման մարտիկների կողմից Սիոնիստական ռեժիմի Apache ուղղաթիռի ոչնչացման մասին:
Էզեդդին ալ-Քասամ գումարտակների հայտարարության համաձայն՝ այս ուղղաթիռը խոցվել է «ՍԱՄ-7» հրթիռով Գազայի հատվածի հյուսիսում գտնվող Ջաբալիա ճամբարի արևմուտքում։ Ըստ Pars Today-ի, ալ-Քասամի բրիգադները նաև հայտարարել են, որ մեկ այլ գործողության ընթացքում ՀԱՄԱՍ-ի մարտիկներից մեկը Ջաբալիա ճամբարի արևելքում կարողացել է մոտ տարածությունից ձեռքի նռնակ նետել Սիոնիստական ռեժիմի մի խումբ զինվորների վրա, ինչի հետևանքով Սիոնիստական ռեժիմի մի շարք զինվորներ են սպանվել կամ վիրավորվել։
Չորեքշաբթի օրը Էզեդդին ալ-Քասամ բրիգադները, տեսանյութ հրապպարակելով, հայտնել են Գազայի հատվածի կենտրոնում իսրայելական Merkava տանկի ոչնչացման և իսրայելական «Evo Max» անօդաչու թռչող սարքի խոցման մասին։
Գազայի հատվածի ժողովրդի դեմ Իսրայելի ռեժիմի հանցագործությունները շարունակվում են արդեն 15 ամիս, մինչդեռ Միջազգային քրեական դատարանը որոշում է կայացրել ձերբակալել Սիոնիստական ռեժիմի վարչապետ Բենիամին Նեթանյահուին և պաշտպանության նախկին նախարար Յոավ Գալանտին՝ ռազմական հանցագործությունների, մարդկության դեմ հանցագործությունների և Գազայի ժողովրդին սովի ենթարկելու մեղադրանքով։
2023 թվականի հոկտեմբերի 7-ից արևմտյան երկրների լիակատար աջակցությամբ Իսրայելի ռեժիմը Գազայի հատվածում նոր զանգվածային սպանություն է սկսել Պաղեստինի անպաշտպան և ճնշված ժողովրդի դեմ։
Ըստ վերջին տեղեկությունների՝ Գազայի վրա Սիոնիստական ռեժիմի հարձակումների հետևանքով նահատակվել է ավելի քան 45 հազար պաղեստինցի, վիրավորվել՝ ավելի քան 107 հազարը:
Իսրայելի ռեժիմի հիմքը դրվել է 1917 թվականին՝ բրիտանական գաղութատիրության նախագծով և տարբեր երկրներից դեպի պաղեստինյան երկիր հրեաների ներգաղթի միջոցով, իսկ դրա գոյության մասին հայտարարվել է 1948 թվականին։ Այդ ժամանակից ի վեր տարբեր զանգվածային սպանությունների ծրագրեր են իրականացվել Պաղեստինի ժողովրդին ցեղասպանության ենթարկելու և նրա ողջ հողը յուրացնելու համար: