Իսրայելը պաշտոնապես ստորագրել է հրադադարի պայմանագիրը
Բենիամին Նեթանյահուի գրասենյակը հայտնել է, որ Դոհայում իսրայելական բանակցային թիմը հայտարարել է Գազայում գերիների փոխանակման և հրադադարի վերաբերյալ վերջնական համաձայնության մասին։
Ռեժիմի 12-րդ ալիքը հայտնել է, որ բանակցային թիմը քիչ առաջ պաշտոնապես ստորագրել է հրադադարի մասին համաձայնագիրը։
Բենիամին Նեթանյահուի գրասենյակը նաև հայտարարել է, որ այսօր կկայանա Իսրայելի անվտանգության կաբինետնի նիստը՝ հրադադարի համաձայնագիրը հաստատելու նպատակով։
Հայտարարության մեջ ասվում է․ «Բանակցային թիմը վարչապետին տեղեկացրել է պատանդների ազատ արձակման վերաբերյալ համաձայնագրի մասին և վարչապետը հրամայել է քաղաքական-անվտանգության կաբինետին ուրբաթ օրը հանդիպել՝ քննարկելու համաձայնագրի հաստատման հարցը»։
«Վարչապետը կարգադրել է համապատասխան կառույցներին պատրաստվել ընդունել պատանդներին: Իսրայելը հավատարիմ է սահմանված բոլոր պատերազմական նպատակներին, հատկապես բոլոր պատանդների վերադարձին՝ ողջ թե մահացած»,- ասված է հայտարարության մեջ:
Պատերազմի մեկնարկից 469 օր անց Գազայում հրադադարի մասին համաձայնագրի ընդունումից հետո ռեժիմի հեռուստատեսության 13-րդ ալիքը հրապարակել է հարցման արդյունքները, ըստ որոնց՝ իսրայելցիների 61%-ը չի հավատում Նեթանյահուի այն խոստմանը, թե ՀԱՄԱՍ-ը չի գրավի Գազայի հատվածը և որ շարժումը Գազայում ոչնչացվել է։
