Ո՞վ սպանեց Շիրինին․ Բացահայտվել է «Ալ Ջազիրա»-ի լրագրողին սպանողը
«Ալ Ջազիրա»-ի 51-ամյա պաղեստինցի լրագրող Շիրին Աբու Աքլան սպանվել է 2022 թվականի մայիսի 11-ին՝ իսրայելցի զինվորների կողմից Ալ-Աղսա մզկիթի վրա իրականացված հարձակման մասին ուղիղ եթերում հաղորդում պատրաստելու ժամանակ։
Հղում անելով ԻՌՆԱ-ին, Pars Today-ը հաղորդում է, որ Zeitu ինստիտուտը, հրապարակելով հետաքննական վավերագրական ֆիլմ, բացահայտել է սիոնիստ զինվորի ինքնությունը, ով սպանել է լրագրողին։ Վերջինս Ալոն Սկաջոն է և, ըստ Zeitu-ի՝ սպանվել է անցյալ տարվա հունիսին Ջենին քաղաքում ռազմական գործողության ժամանակ։
Վավերագրական ֆիլմը նաև բացահայտում է այս սպանության հետ կապված փաստերը թաքցնելու իսրայելա-ամերիկյան համատեղ ջանքեր։
«Ո՞վ սպանեց Շիրինին» ֆիլմի պրոդյուսերը Դևոն Նեսինբաումն է՝ Wall Street Journal-ի նախկին թղթակիցը։ Հարկ է նշել, որ ՄԱԿ-ի մարդու իրավունքների գերագույն հանձնակատարի գրասենյակի ներկայացուցիչը օկուպացված պաղեստինյան տարածքներում հայտարարել է, որ լրագրողները թիրախավորվում են միտումնավոր կերպով։
