Մարդու Իրավունքների պաշտպան կենտրոնը հայտնել է, որ Բահրեյնում ճնշում են կանանց
Բահրեյնում Մարդու իրավունքների պաշտպան մի կառույց մտահոգություն է հայտնել Ալե Խալիֆայի իշխանության կողմից այդ երկրի Մարդու իրավունքների պաշտպան կին ակտիվիստների ճնշվելու կապակցությամբ:
Շաբաթ փետրվարի 6-ին, Բահրեյնի մարդու իրավունքների պաշտպան կենտրոնը մի հաղորդագրությամբ հայտնել է, որ այդ երկրի պաշտոնատարները դիտավորյալ կերպով ճնշում են Մարդու իրավունքների պաշտպան կին ակտիվիստներին և նրանց ընտանիքներից վրեժ լուծելուց բացի ջանում են այդ կանանց թույլ չտալ քայլեր վերցնել այդ երկրի վարչակարգի դեմ:
Բահրեյնի Մարդու իրավունքների պաշտպան կենտրոնն այդ հաղորդագրությամբ պահանջել է անհապաղ ազատ արձակել բահրեյնցի կալանավորված բոլոր կին ակտիվիստներին:
Այս զեկույցը այն պայմաններում է հրապարակվել, երբ վերաքննիչ դատարանը վերջերս հաստատել է Մարդու իրավունքների պաշտպան բահրեյնցի կին ակտիվիստ Զեյնաբ Ալ-Խաջեի 9 ամսյա ազատազրկման վճիռը: Վերջինս մեղադրվում է Ալե-Խալիֆայի ռեժիմին անարգելու մեջ:
Զեյնաբի հայրը Աբդոլհադի Ալ-Խաջեն նույնպես Ալե-Խալիֆայի ռեժիմի դեմ դավադրություն կազմակերպելու մեղադրանքով դատապարտվել է ցմահ բանտարկության:
Բահրեյնի մարդու իրավունքների պաշտպան կենտրոնը Ալե-Խալիֆայի վարչակարգին կոչ է արել վերջ տալ Մարդու իրավունքների պաշտպան ակտիվիստներին և քաղաքական ընդդիմադիրներին ուղղված ճնշումներին:
