ՄԱԿ-ը Թուրքիային կոչ է արել բացել սահմանները սիրիացիների առջև
Երեքշաբթի փետրվարի 9-ին, ՄԱԿ-ը Թուրքիային կոչ է արել միջազգային պարտավորությունների շրջանակներում, բացել սահմանները հազարավոր սիրիացի փախստականների առջև, որոնք փախչում են Հալեպ նահանգից։
ՄԱԿ-ի փախստականների հարցերով բարձրագույն հանձնակատարի ներկայացուցիչ Ուիլյամ Շպինդլերն ասել է.«Այս կառույցը կիսում է թուրքական իշխանությունների մտահոգությունները՝ փախստականների նոր ալիքի պատճառով, երբ երկրում արդեն մեծ թվով փախստական կա»:
Երկուշաբթի օրը Թուրքիայի փոխվարչապետը հայտարարել էր, որ Սիրիայի հյուսիսային Հալեպ քաղաքում բախումների շարունակման հետևանքով հավանական է 600 հազար այլ սիրիացիներ հայտնվեն փախստականի կարգավիճակում:
Ասվում է, որ նրանցից շուրջ 30 հազարը, ովքեր կանայք ու երեխաներ են Օնջուփինար սահմանային անցակետում, ցուրտ ու անբարենպաստ պայմաններում անհայտ կարգավիճակում են գտնվում և Թուրքիայի կառավարությունն առայժմ փակ է պահել այդ անցակետը:
Առայսօր Թուրքիան ընդունել է 2 մլն. 700 հազար սիրիացի փախստականների:
