Լարիջանի.«Ահաբեկիչներին հովանավորելը Սիոնիստական Ռեժիմի նպտակներից է»
Հունվարի 3-ին, Իրաքի նախագահի առաջին տեղակալ Նուրի Մալեքիի հետ Թեհրանում կայացած հանդիպման ժամանակ, Իրանի խորհրդարանի նախագահ Ալի Լարիջանին քննադատել է տարածաշրջանի մի շարք երկրներին` ահաբեկիչներին հովանավորելու ու այդ միջոցով տարածաշրջանում ճգնաժամեր հարուցելու համար:
ԻՌՆԱ-ի հաղորդմամբ, միաբանությունն ու քաղաքական խմբերի համաձայնությունը համարելով ահաբեկիչների դեմ Իրաքի տարած հաղթանակի գաղտնիքը, Ալի Լարիջանին հավելել է.«Ազգային միաբանության հզորացմամբ և Իրաքի քաղաքական խմբերի միջև առկա խնդիրների կարգավորմամբ, կավելանա ժողովրդի համերաշխությունը և ժողովուրդը կարող է դիմակայել թշնամիներին»:
Գոհունակություն հայտնելով Իրան-Իրաք աճող հաաբերությունների կապակցությամբ Լարիջանին հավելել է.«Երկու երկրի հարաբերությունները ընդլայնելու համար կան քաղաքական և տնտեսական համապատասխան պոտենցիալներ»:
Բարձր գնահատելով Իրանի դիրքորոշումները տարածաշրջանային՝ մասնավորապես Սիրիայի և Իրաքի ճգնաժամերի նկատմամբ, Իրաքի նախագահի առաջին տեղակալն ասել է.«Իրանի քաղաքականությունն ուղղված է եղել դիմադրությանն աջակցելուն և ահաբեկիչների դեմ իրական պայքարին»:
