Իրանն ու Իրաքը խորհրդակցում են տարածաշրջանայաին հարցերի շուրջ
Իրանի Իսլամական խորհրդարանի ազգային անվտանգության և արտաքին քաղաքականության հարցերով հանձնաժողովի նախագահ Ալէդդին Բորուջերդին և Իրաքի պառլամենտի նախագահ Սալիմ Ջաբուրին Բաղդադում հանդիպել և խոսել են տարածաշրջանային հարցերի շուրջ:
ԻՌՆԱ-ի հաղորդման համաձայն՝ կիրակի օրը Բաղդադում Իրանի Իսլամական խորհրդարանի ազգային անվտանգության և արտաքին քաղաքականության հարցերով հանձնաժողովի նախագահ Ալաէդդին Բորուջերդին և Իրաքի պառլամենտի նախագահ Սալիմ Ջաբուրին բանակցել են երկողմ հարաբերությունների ընդլայնման և պառլամենտական համագործակցությունների շուրջ:
Ալաէդդին Բորուջերդին և Սալիմ Ջաբուրին հանդիպման ընթացքում նաև խոսել են հակահաբեկչական պատերազմի և ԻԼԻՊ-ի դեմ պայքարի, Իրաքի ապագայի և տարածաշրջանի հարցերի շուրջ:
Հանդիպման ընթացքում Թեհրանում կայանալիք Պաղեստինի միջազգային համաժողովին մասնակցելու կապակցությամբ Բորուջերդին Իրանի Իսլամական խորհրդարանի նախագահի պաշտոնական հրավերը հանձնել է Իրաքի պառլամենտի նախագահին:
Իրանի Իսլամական խորհրդարանի ազգային անվտանգության և արտաքին քաղաքականության հարցերով հանձնաժողովի նախագահ՝ Ալաէդդին Բորուջերդին « ԻԼԻՊ-ի դեմ պայքարից հետո Իրաքի ապագան» խորագրով կոնֆերանսին մասնակցելու նպատակով ժամանել է Բաղդադ:
