Իրանական պատվիրակությունը մեկնել է Աստանա
Իրանի իսլամական հանրապետության պատվիրակությունը ԱԳ նախարարի արաբա-աֆրիկյան հարցերով տեղակալ՝ Հոսեյն Ջաբերի Անսարիի գլխավորությամբ այսօր ուղևորվել է Ղազախստանի մայրաքաղաք Աստանա, մասնակցելու Սիրիայի հարցով կայանալիք «Աստանա-3»բանակցություններին:
«Աստանա-3» միջազգային բանակցությունները կայանալու են մարտի 13-ին և 14-ին` Ղազախստանի մայրաքաղաք Աստանայում, Սիրիայի կառավարության ու ընդդիմության և այդ երկրում գործող հրադադարի երեք երաշխավոր երկրներ՝ ՌԴ-ի, Իրանի և Թուրքիայի պատվիրակությունների մասնակցությամբ:
2016 թվականի դեկտեմբերի 29-ին Հալեպի ազատագրումից հետո, Իրանի, ՌԴ-ի և Թուրքիայի նախաձեռնությամբ կազմակերպվել են Աստանայի նիստերը:
Ղազախստանի մայրաքաղաք՝ Աստանայում Սիրիայի հարցով բանակցությունների առաջին փուլը անցկացվել է 2017 թվականի հունվարի 23-ին և 24-ին , իսկ երկրորդը փետրվարի 15-ին և 16-ին:
Այս նիստերի արդյունքում Սիրիայում կայուն հրադադար է հաստատվել:
