Գերմանիայի խորհրդարանի պատգամավորները պահանջել են զինծառայողներին հեռացնել Ինջերլիքից
Անդրադառնալով Բեռլին-Անկարա հարաբերությունների լարվածությանը, Գերմանիայի Քրիստոնեական Սոցիալիստական կուսակցությունը կառավարությունից պահանջել է զինծառայողներին հեռացնել Թուրքիայի Ինջերլիքի ռազմաբազայից:
Գերմանիայի լրատվական գործակալության հաղորդման համաձայն՝ Արտաքին ու անվտանգության հարցերով Քրիստոնեական Սոցիալիստական կուսակցության խոսնակ Ֆլորին Հանն ասել է.«Գերմանիան չպետք է թույլ տա, որ երկրի զինծառայողները դառնան Թուրքիայի նախագահ Ռեջեբ Թայիբ Էրդողանի համար սակարկման միջոց»:
Գերմանացի դիվանագետի կարծիքով Ինջերլիքի զինվորներին կարելի է Հորդանան փոխադրել:
Քրիստոնեական Սոցիալիստական կուսակցության նախագահ Զահրա Վագեն Քենշտն ասել է.«Հաշվի առնելով Թուրքիայում անցնող իրադարձությունները, անհրաժեշտ է Թուրքիայից հեռացնել զինծառայողներին, հանել Տորնադո կործանիչները և դադարեցնել զենքի առաքումը Թուրքիա»:
Ներկայումս շուրջ 240 գերմանացի զինծառայողներ տեղակայված են Ինջերլիքում, որոնց մեծ մասը մասնակցում են ԻԼԻՊ-ի դեմ պայքարի ծրագրին:
Ինջերլիքը Սիրիայի և Թուրքիայի սահմանին գտնվող մեծ ավիաբազա է:
