Իդլիբում սիրիական ավիացիան հարվածել է քիմիական զենքի պահեստի ուղղությամբ

Սիրիական ավիացիան հարված է հասցրել Իդլիբ նահանգի բնակելի Խան Շեյխուն շրջանի ծայրամասում ահաբեկիչների ռազմաբազայի ուղղությամբ, որտեղ եղել է ինչպես ռազմական տեխնիկա և զինամթերք, այնպես էլ քիմիական զենք։ Այս մասին գրում «РИА Новости»-ն` վկայակոչելով ՌԴ ՊՆ պաշտոնական ներկայացուցիչ, գեներալ-մայոր Իգոր Կոնաշենկովի չորեքշաբթի արած հայտարարությունը։

Հաղորդվում է, որ զինամթերքի այդ պահեստից քիմիական ռազմամթերք է հասցվել Իրաքում գտնվող ահաբեկիչներին:

«Ըստ ռուսական օդային վերահսկողության միջոցների` դեպքը տեղի է ունեցել 11.30-ից 12.30-ը ընկած ժամանակահատվածում»,-ասել է Կոնաշենկովը:

Նա նշել է նաև, որ այդ զինամթերքը զինյալների կողմից օգտագործվում է նաև սիրիական Հալեպ քաղաքում:

Ավելի վաղ հաղորդվել էր նաև 80 զոհերի մասին: 

ՄԱԿ-ը հետաքննում է այս միջադեպը:

operativ.am/